香港 Xocat Forum 討論區 - Powered by Discuz! Board

標題: 潤迅職員刻意誤導，有訛騙成份，按金拿左半年都拿唔返，一味俾人拖拖拖，唉。。。 [打印本頁]

作者: lowongbug 時間: 2006-8-26 15:28 標題: 潤迅職員刻意誤導，有訛騙成份，按金拿左半年都拿唔返，一味俾人拖拖拖，唉。。。

我去潤迅想買張電話咭上大陸用，佢就sell我一咭兩號，話甘樣抵D，我見D rate真係抵D就上左檔，佢由頭到尾一個字或者係字裡行間都冇提及過原來呢個係一個plan,你用唔用得晒甘多分鐘都要收錢。我覺得甘樣既銷售手法要用可恥來形容，令到消費者冇安全感，去到度度都驚俾人呃，個個都大戒心，唔信人，呢D香港心理病，就係呢D無良公司做成既！

重有，開咭前佢話要俾$500按金，話隨時都可以拿返既，點知我四月尾去cancel時佢同我講要三個月既審批先可以發還。。。下？我聽錯下話，按金直係我既前而唔係你既錢啦，審批？？？甘審批完之後仲洗唔洗審查呀，跟住審理呀甘呢。。？佢話唔洗。。甘算啦，人地要狗我地做小市民既唔通甘多時間去投訴你咩，雖然我遲下拿左按金後一定會！故事仲未完！

到左五月尾我收到信話我欠款。。。我心諗又俾D麻煩我呀。。做野以經煩，冇諗到為左返一次大陸買張電話咭旁身都會唔見幾舊水月費仲要攪到甘多問題（註：我上到大陸其實冇用過張咭。。。。不過呢個係我既事，我冇賴埋佢）。。佢話我欠款我咪打電話諗住同佢開拖囉。。。我一打去就話佢仲欠緊我錢，佢又點解倒追返我呀，佢好似唔係好識野但係聽我講又好似道理0係我度甘，就hold左我廿分鐘。。。。。。。之後先同我講話先生唔好意思，你餘下既欠款係月結後同cancel前0個幾日按比例收取既月費，我地將會0係你按金度扣除。。。玩野咩。。。你咪扣囉廿幾蚊。。。做乜又要寄張"最後通告"黎追數呀。。。又點解要我等廿分鐘呀。。。D員工係唔知公司點work架，好驚呀！當然。。我亦都冇為難呢個後生仔，始終係錯在無恥的公司

好了，真係等了三個月（我係唔會因為時間而唔記得而益左D無賴既），八月尾（今天）我再打去問佢，諗住終於得啦。。。佢話又要八個星期比會計部審核wor....我都知冇甘順利架喇，需然D錢係我既，但係而家0係人地手，人地係都有理由唔俾返你既，你有計咩？應命啦小市民。。。我都費事再問佢審核完之後仲要審D乜，根本擺明就係呃人，攪左半年都仲攪緊，我懷疑會唔會以後拿唔返。呢個唔係錢既問題，佢好似同我講緊"我而家明呃你呀，你戇居0者"甘，真係係道氣既問題。。。千祈唔好幫櫬佢地任何野！助長歪風！仲要D sales個個都賊眉賊眼，你買野佢就殷勤到隻狗甘，你有問題請教佢地就話之你。。。。點解香港會有D甘既公司生存到？點解？？？？

作者: chanpowing 時間: 2006-8-28 09:55

引用:

點解香港會有D甘既公司生存到？點解？？？？

以為hold住人吔D錢，卻輸了名聲，公司才是輸家。

作者: 差佬 時間: 2006-8-28 14:26

我都係用緊潤一咭兩號, 用左年多, so far 都幾好喎 !

也不需付500按金.

服務都唔錯, 記得當日我上午打電話問出咭, 佢地下午已經有人上門幫我辦手續! (我只開一張咭)

可能個個sales 水平唔同喇 !

作者: jimmyboy2102 時間: 2006-8-29 03:20

500.00 FOR DEPOSIT????

作者: feelgood888888 時間: 2006-9-8 12:17

我都係用緊潤迅一咭兩號, 用左年多!!
I also think 潤迅 Castomer Service is no good !!! Poor !!!
Account System is also no good !!!

作者: 令狐沖 時間: 2006-9-8 17:56

r嘩,,, 乜 d customer services 真係咁差架

作者: justhavealook 時間: 2006-10-11 05:29

我都俾佢搵過一次笨

作者: 中式食肆有座位 時間: 2006-10-21 08:47

引用:

原帖由差佬於 2006-8-28 14:26 發表
我都係用緊潤一咭兩號, 用左年多, so far 都幾好喎 !

也不需付500按金.

服務都唔錯, 記得當日我上午打電話問出咭, 佢地下午已經有人上門幫我辦手續! (我只開一張咭)

可能個個sales 水平唔同喇 !

開卡時服務一流
取消時服務九流

不過好多通訊公司都係咁，例如「唉label」、「康講歡貧」（即係「屍T唉」）都係一樣咁賤。唔通呢行真係特別賤精？

作者: infocswu 時間: 2006-10-21 14:32

提示: 作者被禁止或刪除內容自動屏蔽

歡迎光臨香港 Xocat Forum 討論區 (http://p.xocat.com/p/)