引用:

原帖由 喜歡足球 於 2007-4-9 21:35 發表
文殊天尊呢位通天教主,由320期「通天家族」開始出場,到現在358期,依然是閒人一個,仲連一招半式都未露過,真係搞野!

呢D就叫做"深藏不露"，細路仔唔知就唔好亂UP...

引用:

原帖由 小小力 於 2007-4-11 10:26 發表


咁勁??

唔係光明正大既隻揪，而係出其不意玩偷襲，翼龍死得好唔抵...

引用:

原帖由 休谷客 於 2007-4-12 16:01 發表


其實老黃已經改變左寫作技巧, 基本上任何對戰,
除非強若懸殊, 否則得勝者必要付出一番努力或代價!   

我都唔想龍虎群英有任何死傷!  

大家之前仲complain緊新龍變成"養老院"咁一大堆人係度，冇死個人，而家老烈火踢館，應該俾D正派死至合理卦?

記得舊龍老烈火踢館個陣，雖然只得小龍&青天係度，但都打得好激，青天監生俾老烈火夾住燒到成舊炭咁，小龍初時得到洪定邦傳功，後來用"愈被打功力愈高"條橋(又係抄"倚天")打低老烈火個仔鬼火，但最後還是俾老烈火打到幾乎見閻王(唉! 真係廢柴)...

引用:

原帖由 火雲邪神西城勇 於 2007-4-12 21:03 發表
東方先生個仔內功係苖疆殭屍功,佢識唔識黑煞奇毒架?

嗯，閣下心水清，係喎，個仔同個老豆點解唔同毒功既???

引用:

原帖由 小小力 於 2007-4-12 20:57 發表


我覺得係鐵青天同王小鷹!!

若果死王飛鷹，王小鷹就唔會拉柴，因為有左"為父報仇"呢D舊橋發揮嘛...照理應該係老餅死既機會大好多，因為他已無咩作為了。

青天5 5 波啦，機會唔大囉，因為依家新龍好仁慈，死一個就夠哂，死得多人既場面好難再有...

死D甲賀忍者機會就大好多，臨記嘛，死多D都冇咩所謂...當然真弓例外啦...話哂係甲賀阿頭個千金，冇咁易係呢D唔係咁重要既場合香雞既。

[ 本帖最後由 a1771550 於 2007-4-12 21:42 編輯 ]

引用:

原帖由 喜歡足球 於 2007-4-12 20:54 發表

我諗就冇,佢有進境,即係練成「紅日訣」,咁咪即係同黑龍同level !

咁樣可以逼黑龍練上第九關，win-win局面，好事黎喎。而且黑龍有九關，亞柴也有機升關，大可以快D同金欏柚快意恩仇，三大金鐘高手呢一獲狂炳戲碼，若真有呢期，我冇左架電單車都行路去租黎睇呀!!

[ 本帖最後由 a1771550 於 2007-4-12 21:58 編輯 ]

引用:

原帖由 金屬狂人-Ⅱ 於 2007-4-12 21:58 發表

唔好對甲賀忍者存有太大期望，上次小龍 vs 瘋妖...真弓身為刀仙個女對住瘋妖個徒弟居然斬失

我對D甲賀忍者(真弓例外)既期望係兩個字:炮灰...

引用:

原帖由 喜歡足球 於 2007-4-12 21:34 發表


會唔會苖疆殭屍功係內功,黑煞奇毒係毒功呢?我諗佢應該兩樣都識

都有可能...

引用:

原帖由 喜歡足球 於 2007-4-12 22:21 發表
刀仙唔知會唔會出手呢?

刀仙應該唔會係呢D場合浦頭(又唔係三仙大戰)，但你講起刀仙，我突然有個感想，希望真弓帶住班炮灰兵團(甲賀忍者)援助龍虎群英時，真弓不慎受傷，而青天就捨身救佳人，令兩人既感情突飛猛進，加上真弓原本暗戀小龍，在一片打打殺殺聲中，加上D柔情密意，應該會幾好睇卦?

引用:

原帖由 小小力 於 2007-4-12 22:41 發表


但一神勁過二妖,二妖勁過三乜乜咁...
呢次係四大族長勁過三妖喎...

呢D情形係現實社會一D都唔出奇。係現今電腦化辦公室時代，分分鐘D老餅仲要向D後生仔請教，我係台北上班都碰過唔少，所以職位高唔代表實力高。

引用:

原帖由 金屬狂人-Ⅱ 於 2007-4-13 22:24 發表

今鋪仲唔係韋陀個人表演

令人期待呀!!

引用:

原帖由 金拿督 於 2007-4-15 03:48 發表


其實請外援冇麼唔妥﹐剩係好難逼佢地博命o遮﹐好似近期老仙拗親隻手就放棄追擊雙皇﹐仲話受人錢財唔駛咁博命。另外外援又唔得用幫規約束﹐基本上冇懲罰可言﹐除非個邪神會醒到話如果逾期完成任務就要賠錢啦﹗

工作外包(外判)都會簽約，乾脆就同D外藉兵團簽約啦，殺唔到人或任務失敗都要賠錢!!

都係個句，好期待韋哥久別後再出場，鷹揚九霄，攞老烈火黎祭旗!

引用:

原帖由 喜歡足球 於 2007-4-15 15:50 發表


或許我冇大家咁樂觀,我只係希望韋陀唔使死!

若要韋哥死，何必要令佢有九章功力?

引用:

原帖由 車神游擊隊 於 2007-4-16 20:11 發表
今次龍虎門總壇大火拼，如果真係5抽50既話，即係1ON1只DUP，等我償試下安排隊形先﹕
第一組﹕韋陀VS老烈火------（話就話韋哥已經9章初階，但贏面唔高，頂得順已經算0力仔啦）
第二組﹕石鐵VS火爆---------（火 ...

若果真係冇外援(暫時唔計班甲賀忍者)，呢個時候小鷹就應該發揮佢個"軍師"既功能黎擺陣：

下駟對中駟：老鷹對火爆。老鷹避重就輕，拖得就拖，必要時咪最多"壯烈犧牲"囉，反正已行得翻，又培育左小鷹石鐵等人材，"去"都去得安樂卦...
中駟對上駟：達摩金身石鐵對老烈火，又係儘量拖個隻。
上駟對下駟：九霄九章既韋陀對最弱雞既霹靂火(小鷹同佢有打過，知佢路數)，限5招內擺平對手。然後拿拿林走去對付老烈火，石鐵就同老鷹(兩個都唔死得既話)合攻火爆。
其餘青天小鷹對手不變。

舊龍經典200期既大會戰都係用咁既戰術，三皇+飛妖戰勝五毒門四師徒。王小虎好似用唔夠5招就收左最弱雞既蠍子皮。

但我唸甲賀應該會插手，形勢又會不同。

[ 本帖最後由 a1771550 於 2007-4-16 22:10 編輯 ]

引用:

原帖由 小小力 於 2007-4-16 23:46 發表


不如利用地形優勢，先隱藏起來，讓老烈火等分頭搵，然後續個擊破， 先從最弱既開始，例如見到霹靂火，就發揮龍虎門人多打人少精神，韋陀＋石鐵＋青天＋小鷹＋王飛鷹打一個霹靂火，應該三招內Ｋ．Ｏ．佢！如事 ...

嘩，力兄你真係勁喎!! 換著我帶著班靚踩人地場，去到鬼影都唔見隻，第一個反應就係拆人地個檔，聖火門嘛，實燒左間龍記逼D人出黎先啦! 斷唔會叫人去搜比人地逐個擊破咁樣衰吓話...

引用:

原帖由 喜歡足球 於 2007-4-16 22:45 發表


搞掂左蠍子後，跟手幫小龍KO埋蜈蚣添！

唉! 本來我專登唔提個陣既小龍，球兄又提起...唔想多講啦，一個"廢"字搞掂!!

(忍唔住呻吓!! 個陣已經係小龍第二次對蜈蚣，第一次叫苦鬥，都算有睇頭 -- 經典招式"龍影縱橫跨九洲"就係個時創出既 -- 第二次再碰頭，老黃特登俾已技高半線既蜈蚣學埋鬼手十八翻，專尅降龍十八掌，害到小龍俾蜈蚣打到無還手之力，唔係小虎趕到，聽等人收屍囉...)

[ 本帖最後由 a1771550 於 2007-4-17 00:15 編輯 ]

引用:

原帖由 火雲邪神西城勇 於 2007-4-15 21:38 發表


放心喎,韋陀死左小菊咁點呀?

新著好似有個慣例,唔計三皇,後生一輩有女既多數唔使死

咁呀青頭仔青天呀小鷹呀呢D咪...

引用:

原帖由 喜歡足球 於 2007-4-19 21:24 發表


冇錯,轉頭又可能話王伏虎在洪東之上!

媚娘又在王伏虎之"上"...

引用:

原帖由 喜歡足球 於 2007-4-19 20:34 發表
廢功對於醉魔,可能冇乜作用,因為醉魔有「七十二天罡氣」,除非你將佢d手手腳腳斬落嚟,否則佢一樣可以復功!

如果新龍想做本"正經"刋物，就應該將醉魔既下場搞到同佢師父一樣，當年醉魔點對佢師父，而家對頭就點樣對付翻佢 -- 斷其"五"肢 -- 以顯因果循環，惡有惡報。

引用:

原帖由 喜歡足球 於 2007-4-19 21:52 發表

d毒會唔會係可以郁動的,能夠沿住任何物件,進入人體呢?

舊龍既毒王子就可以，因為佢用既係比老祖宗既萬毒心經更高層次既"生毒"，有蛆蟲，會郁個隻...但現在無講老仙既用毒層次，有D講唔通咁。講真，寫玩毒呢家野，無人醒得過萬有。

引用:

原帖由 小小力 於 2007-4-20 00:06 發表


會唔會有白蓮教既人到場幫手呢??

醉魔呢D人渣，白蓮聖上用佢只係因為佢功力有番咁上下，而且聖上即使對住王伏虎呢D"忠臣"，都忌住忌住咁，試問又點會徒氣搵人救醉魔？除左佢細佬魔鬼螳螂，我實在唸唔到醉魔會有咩"朋友"相救。

引用:

原帖由 owen517 於 2007-4-20 00:20 發表



最弊是白骨隻手是鐵造,d毒點入去電子零件,再輸入體內?還有如何將功力由手臂輸出去啊?簡直唔合邏輯!!

"生毒"個D蟲蟲可以循住有血肉的味道方向，沿住電子零件鑽上手臂啊！而電子手是連住血肉的，運勁應該可以谷得爆卦，就好似D高手震爆手中D物件如信紙呀咁...

引用:

原帖由 小小力 於 2007-4-20 00:35 發表


幫手唔係因為救醉魔,係消滅廣法堂
如果白蓮教由藍浪帶來金羅漢＋金聖老，未必輸喎!!

小弟仲要等多一日至有得睇今期新龍，請問力兄白蓮教為何會跟廣法堂起衝突???

引用:

原帖由 iamkennyger 於 2007-4-20 00:51 發表

唔關白蓮教事，純係醉魔私人恩怨。
佢話當年西門吹簫幫洪東趕絕佢，所以要搵老西算賬，佢同老西應該交過手，所以話老西係佢手下敗將

噢! 原來係咁!! 唔該哂!!!

引用:

原帖由 休谷客 於 2007-4-20 09:14 發表


老天尊既功力應該同老邪不相伯仲!

欲知真相，真係要老黃講出到底道經三大神功39層天功力是否更勝目前的一級神功如易筋黑級頂峰.九陽啟泰.九陰歸元.九霄九章等...