心血來潮,自揭一個我守咗就大半年嘅秘密吧.曾經帶過一個出身清白但家底複雜嘅"女朋友"出嚟見人,之後感覺到一啲異樣,喺我小部份考驗佢,大部份為自己著想離開佢嘅期間,(我諗住如果過程中佢體現出忠誠,我會繼續以唔係男朋友嘅身份經濟上照顧佢一段時間,因為我覺得我做唔倒可以幫佢完成目標嘅男朋友)佢喺我面前營造出自己係一個受害者嘅形像,但其實喺我放逐佢嘅階段(佢以為我唔知),我諗前後不到一個月吧,佢已經同我嘅一位喺我同佢一齊時已經對佢起痰嘅澳門前同事攪埋一齊,(呢一刻只係懷疑但未肯定,事後由另一個人口中知道晒時間上嘅來龍去脈確認咗我嘅推測)期間本住做人有始有終,諗住經濟上救救佢入錢去佢戶口,畢竟好多推測都未肯定,無謂因為多疑令佢生活有壓力,點知事隔半個月音訊全無,(期間由另一人口中確認咗成件事)臨走前發短信問佢收唔收倒筆錢佢先話(又會咁啱)尋日去櫃員機攞錢先發現有筆咁嘅錢,正準備去銀行攪清楚先打俾我(我諗佢本來以為係現任男友入嘅家用啩),又話我應該知佢為人,啲錢佢唔會要睇幾時俾返我,隻字不提我前任同事做咗佢條仔嘅同時,繼續營造好可憐但好有骨氣嘅形像,聽倒我真係覺得好好笑,但亦無謂篤爆佢,之後佢喺QQ發信息俾我我冇理佢,啲錢亦冇諗住攞返當跌咗算啦.本來我已經當事情告一段落希望佢哋過得好,最冇癮嘅係之後我由另一個同時識前同事同埋我嘅好友口中先知呢位前同事居然想喺佢面前抹黑我,唉,人似乎就係咁,利益發生衝突時就會露出黑暗嘅一面,太自私啦.經此一役,我發現唔止夜場囡囡係咁,凡係冇安全感要搵水泡嘅囡囡,全部都可以變得咁快.得一想二,失一亦可以即刻想二,真感情,算什麼.我諗我嗰位前同事應該多謝我先啱,因為我同囡囡用嚟做分手原因嘅理由,可能幫咗佢一個大忙
我話如果你堅持要結婚之後先肯做最後一步,你永遠留唔住男人嘅心,我同你一齊幾個月你都係咁,我真係頂唔順啦
估計呢番話會令囡囡改變諗法,佢同前同事一齊,應該已經解開咗呢個心結
所以我知道前同事抹黑我時,我真係冇嬲,因為我明白人性本如此,只係喺度諗死仔我幫咗你一個大忙仲恩將仇報,可怒也
金句轉貼
男人沒本事就別說女人太現實，女人沒實力就別說男人太花心.First love is meant be failed...
[
本帖最後由 par3 於 2009-9-12 08:19 編輯 ]
