煮飯先定拎筷子先

有日有個家電部的sales賣電飯煲...(因為新煲內都會有塊紙墊在底... ...)

笨sales同個客講 "煮飯時記得拎塊紙出來..."

蠢客好疑惑咁問 "煮飯點解要拎筷子?"

笨sales就答 "你唔拎塊紙咁你點煮到飯丫?!?"

蠢客回答 "我地平時都係煮好飯先拎筷子架喎..."

笨sales開始不耐煩 "你唔先拎塊紙咪煮唔到飯囉!"

(這時附近的一位女同事已經笑到孿左係櫃台底)

蠢客再問 "我煮左廿幾年飯...不嬲都係煮好飯先拎筷子..."

笨sales答 "咩話? 你舊果塊紙仲係度? 塊紙你買左個煲返去就可以丟架..."

蠢客問 "咩話? 我要丟曬d舊筷子先煮到飯?!?"

笨sales答 "梗係啦..."

蠢客答 "你當我傻架!...#@!*#@!"

那個女同事為免個客嘈/投訴...先忍笑挺身而出話畀個客知
"係要先拎起墊煲底0個 塊 紙 ... ..."