好耐冇入戲院睇戲, 我多數會租碟睇, 因為怕人多, 最近心血來潮同友人入場睇近期一套熱門電影, 有以下遭遇...

套戲都未開始, 旁邊既中年夫婦已經談論緊應該點坐睇戲先舒服...跟住由套戲一開始至套戲做完, 基本上每10分鐘個位女士就同佢老公講:"估到佢..." / "原來佢..." / "mud原來..."etc... 跟手傾2句劇情, 然後休息幾分鐘, 再黎...

當呢個cycle重複左3次, 本來我有d想出聲, 不過另一邊既電話鈴聲響起...
"熄左佢啦"佢身邊既朋友提佢...
"唔熄得!" 好一個爽快既回應...
就係咁, 佢既電話鈴聲又再響多3,4次, 不過o個位人兄又好似冇咩講電話...咁佢等咩???

當我回過神, 而隔離o個2公婆繼續"有間斷討論", 後面o個幾位已經按捺不住...
進行<<小組討論>>.....
就係咁, 我置身於環廻立體聲之中
...直至套戲做完

講真, 其實佢地有壓低把聲傾 (好似有), 而且亦"有間斷討論", 每傾3,4句就會歇一歇...
不過好好地套戲, 多謝佢地既講解, 我已經決定等出碟睇多次...

如果各位版友係我, 遇到以上情況會點??

大家又有咩經驗, 一齊分享下...

我好少講嘢，但我女友就好鐘意講嘢，但通常我都唔答佢。

i think i will scold at them and warm them not to talk more!

相信係而家既觀眾太習慣在家中睇電視, 一家大細自說自話, 所以一入戲院就習慣talking...都常我會叫佢地番屋企先講...

今時今日入戲院睇戲D人既質數真係好差。連基本既禮貌都唔識。如果有一對夫婦講野你都可以叫佢收聲﹐但如果身邊幾pair都係度談論劇情既時候你都唔叫得幾多個。唉~ 早兩日入屯門睇‘I am Legend', 左邊個女人帶埋個BB入場睇戲﹐BB喊就係度呵佢。坐我隔黎果對情侶條女就由頭問條仔D劇情就問到收場。後面條友就係度講電話傾裝修D野。我都唔知叫得邊個收聲好...

所以我以後都只會係數碼港睇戲﹐遠D都係咁話。起碼係果度睇戲D人既質數比較好﹐連食爆谷都細聲D
係大陸睇戲都好少人講野啦~ 點解香港搞成咁。

小哈兄:

我係你部戲都已經睇唔下去, 一於一打四,個個炳,玩大佢啦...

我就未試過這種情況，反而係好多次，坐我後一排的人，用腳頂住我座椅背，
搞到我好辛苦！有時仲要係咁”ｕｎ”腳！

補充返ｄ野，如果好似你這種情況，我可能會大聲說一句「你睇戲定係講故呀！！！睇就靜靜咁睇啦，
要講就出去講啦，嘈住晒！！！」

因為呢．．．我試過睇戲時，後面的人兄頂住我，又係咁ｕｎ，轉頭望佢幾次，
佢係停左一陣，好快又再頂住，ｕｎ腳！
當時忍無可忍，我同我個朋友講一句「後面條友頂住我，又ｕｎ腳喎」
當時的聲量，相信隔２至３個座位的人都聽到，多幾個人轉身望佢，之後佢就冇頂到ｌｕ∼！

首先想說,這種港式睇戲文化一點都不新了,港人睇戲時傾計,問劇情,講電話......諸如此類等,就我所見,起碼由十幾年前已開始係咁......

如果你問我有甚麼對策
首先: 揀戲院
港島區的戲院會好一些,大戲院也會好一些,例如IFC,不是扮高檔,但人真的是會受環境影響,當成間戲院都好靜時,人們講話都會細聲些,當有幾個人開始講時,就會你講我又講......唔係講笑,我遇過最深刻係響沙田UA睇 M.I. III,高峰期全院有七成人都一齊講野,仲嘈過茶樓.......

二. 揀日子睇
大片的話開畫首週是高危期,尤其在長假期,切勿以身犯險!撞正多學生青少年等,直頭好似去左BBQ咁!試想像那班連學長的畢業典禮都夠膽理直氣壯去踩場的所謂有理想大學生,如果他們去到戲院睇戲會點?

三. 最後的解決方法是平常心見怪不怪
我不相信這種文化會有改變的一天,情形好似地鐵廣播加上月台助理們多年來語重心長加聲嘶力竭地呼喊叫人們不要衝門,請先讓車上乘客落車然後上車......有用嗎?打尖衝門爭先恐後的人咪一樣咁多!!!

最後我想講,每次我聽到電視播 :
[有人問我,朋友你來自何方?我會驕傲的告訴他說,來自文明東方......我是來自香港......]
我都會起雞皮疙瘩.......

好多時都唔睇架喇........

i saw a mk smoke in the cinema.....

只要不是太過份,傾幾句計或電話也無防.

但係過唔過份呢樣野...唉
自知之明唔係人人都有

細細聲講咪ok
只要不是太過份

i don't always speak~~~~~~~~~~~~

hate those people! don't know how to behave as a human being!

引用:

原帖由 lizzywendylee 於 2009-7-26 18:34 發表
hate those people! don't know how to behave as a human being!

agree with you！
don't know how to behave as a human being!

don't speak is better , just watch the movie

間唔中細細聲講一兩句是可以接受的