最 強 絲 襪 唔 怕 榴 槤 攔 路
個 個 中 環 OL 都 庶 務 二 課 Look ， 絲 襪 搭 高 鞋 ， 既 係 身 份 象 徵 ， 亦 令 雙 腿 更 迷 人 。 問 女 友 意 見 ， 佢 話 絲 襪 易 穿 ， 穿 就 即 丟 ， 所 以 寧 願 買 街 邊 貨 仔 算 數 。 話 雖 然 係 咁 講 ， 但 小 數 怕 長 計 ， 絲 襪 ， 都 係 買 對 襟 好 ， 無 謂 行 行 街 穿 窿 ， 到 時 盞 。
記 者 ： 王 震 遠
攝 影 ： 陳 盛 臣 、 梁 細 權
模 特 兒 ： JoJo @ Stage Models
絲 襪 ， 用 處 係 凸 顯 雙 腳 曲 線 美 ， 女 仔 貪 靚 、 追 求 完 美 ， 所 以 絲 襪 一 失 去 彈 性 、 爆 線 甚 至 多 個 唔 講 根 本 無 人 睇 得 到 細 窿 ， 都 會 睇 唔 過 眼 ， 即 刻 丟 。
上 個 禮 拜 大 圍 飯 局 ， 幾 Pair 人 有 男 有 女 ， 老 死 A 女 朋 友 臨 時 甩 底 ， 原 因 ， 哈 ， 因 為 行 生 果 舖 俾 榴 槤 勾 穿 絲 襪 喎 ， 全 場 男 仔 登 時 O 晒 嘴 ， 其 他 女 仔 即 時 訴 苦 ， 又 話 絲 襪 穿 唔 好 睇 ， 又 話 Cheap 容 易 爛 。 OK ， 收 到 ， 呢 次 我 就 為 全 港 靚 女 做 番 ， 搵 7 款 絲 襪 做 測 試 ， 測 試 一 ， 用 玩 具 刀 、 魔 術 貼 、 鎖 匙 三 樣 兇 器 依 次 序 由 上 至 下 刮 絲 襪 ， 嫌 唔 夠 皮 ， 搵 埋 榴 槤 幫 拖 ， 套 入 絲 襪 當 流 星 鎚 咁 Fing 30 個 圈 ， 邊 款 絲 襪 最 易 穿 ， 一 目 了 然 ； 測 試 二 ， 先 量 長 度 ， 再 起 勢 玩 拔 河 咁 搏 老 命 向 兩 邊 拉 ， 彈 性 好 絲 襪 唔 會 太 走 樣 ， 唔 會 長 過 之 前 好 多 ， 跟 住 計 埋 百 分 比 畀 你 睇 。 靚 女 們 ， 揀 揀 貨 啦 。
Round 1 ： 拉 長 ， 扯 行 ， 再 放 手 ， 絲 襪 變 唔 變 形 ？
Round 2 ： 三 大 兇 器 狂 刮 絲 襪 加 「 榴 星 鎚 」 狂 Fing ， 會 唔 會 穿 ？
1. 黛 莉 芬 黑 色 絲 襪 $22
黑 色 豹 紋 感 覺 好 Wild ， 摸 上 手 唔 算 特 別 滑 ， 個 人 意 見 女 仔 一 定 好 Sexy ， JoJo ： 「 不 過 個 名 咁 疑 似 另 外 一 隻 大 牌 子 ？ 」 （ a ）
2.FITLADY PANTY STOCKINGS $22
黑 色 大 格 網 紋 ， 少 少 花 巧 唔 浮 誇 ， 各 項 表 現 好 平 均 ， JoJo 點 名 稱 讚 ： 「 全 場 絲 襪 第 二 滑 ， 我 幾 鍾 意 呢 對 。 」 （ a ）
3.Landys 超 彈 性 亮 光 絲 襪 褲 $30
顏 色 似 牛 皮 膠 紙 咁 ， 可 能 係 我 唔 識 ， 第 一 個 反 應 係 娘 到 爆 ， 仲 話 有 亮 光 喎 ， 唔 知 點 睇 呢 ？ JoJo ： 「 有 得 揀 ， 唔 會 揀 呢 對 。 」 （ a ）
4.CBeTa 黑 色 蝴 蝶 花 紋 絲 襪 $20
蝴 蝶 花 紋 OK 顯 眼 ， 我 Like 喎 ， JoJo ： 「 滑 到 差 跣 手 。 」 我 摸 過 ， 又 真 係 好 似 雞 蛋 咁 滑 ， 不 過 滑 還 滑 ， 測 試 結 果 唔 太 理 想 。 （ b ）
5.Support 花 紋 絲 襪 $20
JoJo 一 拎 上 手 就 話 ： 「 睇 個 包 裝 ， 唔 多 似 貴 價 貨 喎 。 」 個 包 裝 係 流 ， 咁 又 點 Cheap 法 呢 ？ 事 實 … … 又 真 係 爭 唔 落 。 （ b ）
6.Calvin Klein 純 黑 絲 襪 $55
CK 喎 ， 名 牌 喎 ， 摸 上 去 感 覺 幾 薄 ， 望 落 好 透 ， JoJo ： 「 OK ， 純 色 ， 簡 簡 單 單 上 腳 幾 靚 。 」 （ c ）
7.ANNA SUI Stocking $129
邊 個 靚 女 未 聽 過 佢 大 名 ？ 藍 色 托 底 ， 上 有 骰 仔 、 心 心 等 幾 何 圖 案 ， 成 個 Pattern 唔 錯 ， JoJo ： 「 我 實 買 呢 對 。 」 （ d ）
Round 1
1. 90cm 變 97cm ， 拉 長 7cm （ 約 7% ） ， 彈 性 唔 差 ， 拉 到 成 個 人 咁 長 都 曉 彈 番 埋 ， 係 叻 喎 。 （ ★ ★ ★ ★ ）
2. 91cm 變 100cm ， 拉 長 9cm （ 約 10% ） ， 基 本 上 隻 絲 襪 已 經 變 少 少 形 。 （ ★ ★ ）
3. 90.5cm 變 95cm ， 拉 長 4.5cm （ 約 5% ） ， 彈 性 強 ， 只 係 絲 襪 上 金 絲 略 略 變 形 。 （ ★ ★ ★ ★ ★ ）
4. 99cm 變 109cm ， 拉 長 10cm （ 約 10% ） ， 又 係 變 少 少 形 ， 蝴 蝶 大 隻 。 （ ★ ★ ）
5. 85cm 變 93cm ， 拉 長 8cm （ 約 9% ） ， 圖 案 走 晒 樣 ， 縮 得 埋 都 係 咁 話 。 （ ★ ★ ★ ）
6. 96cm 變 106cm ， 拉 長 10cm （ 約 10% ） ， 雖 然 拉 長 少 少 ， 但 襪 形 無 乜 點 變 。 （ ★ ★ ）
7. 88cm 變 101cm ， 拉 長 13cm （ 約 14% ） ， 彈 性 差 ， 但 換 個 角 度 睇 ， 香 雞 腳 到 大 象 腿 都 吞 得 落 。 （ ★ ）
Round 2
1. 三 瓣 兇 器 刮 爛 絲 襪 ， 一 扯 魔 術 貼 即 穿 窿 ； 「 榴 星 鎚 」 就 加 唔 使 講 ， 數 勻 有 42 個 細 窿 ， 1 個 大 窿 。 （ ★ ★ ★ ）
2. 抵 擋 唔 住 三 瓣 兇 器 ， 魔 術 貼 唔 算 貼 得 好 爛 ， 穿 個 窿 ； 「 榴 星 鎚 」 拮 穿 32 個 窿 ， 數 得 好 輕 鬆 。 （ ★ ★ ★ ★ ）
3. 三 瓣 兇 器 刮 到 絲 襪 勁 爛 ， 仲 要 爆 晒 口 ； 「 榴 星 鎚 」 拮 出 38 個 窿 仔 ， 加 多 1 個 超 大 窿 ， 扣 多 分 。 （ ★ ★ ）
4. 玩 具 刀 插 到 個 窿 ， 鎖 匙 一 篤 即 爆 ， 反 而 算 幾 頂 得 住 魔 術 貼 ； 「 榴 星 鎚 」 拮 出 80 個 細 窿 ， 好 彩 ， 齋 穿 唔 爆 。 （ ★ ★ ）
5. 薄 過 頭 ， 唔 爭 氣 ， 爛 得 咁 誇 張 ； 「 榴 星 鎚 」 總 共 拮 穿 84 個 細 窿 ， 仲 有 一 個 大 窿 ， 數 窿 數 到 我 氣 咳 。 （ ★ ）
6. 俾 玩 具 刀 同 鎖 匙 KO ， 但 無 俾 魔 術 貼 貼 甩 線 。 Fing 「 榴 星 鎚 」 陣 聲 ， 但 結 果 得 十 零 個 窿 仔 咋 。 （ ★ ★ ★ ★ ）
7. 頂 得 住 玩 具 刀 同 鎖 匙 ， 魔 術 貼 貼 到 有 少 少 甩 線 ； 「 榴 星 鎚 」 拮 出 28 個 窿 ， 整 體 測 試 結 果 最 掂 當 。 （ ★ ★ ★ ★ ★ ）
a. 佳 記 （ 旺 角 新 之 城 166 號 舖 ）
b. 旺 角 花 園 街 136 號 門 前 排 檔
c. （ 銅 鑼 灣 軒 尼 詩 道 543 號 崇 光 百 貨 2 樓 /2833 8338 ）
d.I.T FAMILY SQUARE （ 銅 鑼 灣 加 寧 街 6-10 號 舖 /2504 0025 ）
