原來佢喺幾個論壇都俾人公開左佢d相互聯網嘅威力真利害 !

http://crazyhongkong.blogspot.com/2008/04/blog-post_30.html

美心港女正式回應 Full Version

轉貼:

事情的始未是:

4月18日傍晚六時四十五分左右，本人與丈夫光顧上環信德中心美心快餐。

本人丈夫在座位上等我先買食物，而我就到柜位排隊購票。購票時有兩位收銀員當值。


當時接待我的收銀員是較沒有經驗的一位。

我說:墨魚飯。

較沒經驗收銀員說: 無墨魚飯喎。

我說: 但係裡面有墨魚。

較沒經驗收銀員說: 無墨魚飯。

我說: 平時都有o架，點解無墨魚飯?

較沒經驗收銀員說: 無得散叫墨魚飯，可以叫叉燒墨魚飯。

接著是另一位有經驗的收銀員(名牌職銜: Assistant)發言。

有經驗收銀員說: 無叉燒墨魚飯!

我說: 但我想食墨魚喎!


有經驗收銀員說: 要墨魚就要叫六寶飯!

我就返回坐位跟我丈夫說: 沒有墨魚飯呀，點可能無喎，平時食開都有o架嘛，那收銀要我叫六寶飯呀!

然後我拿起數碼相機，折返柜位再重新仔細看食品名牌。並拍下一張燒味食品名牌的照片。

再到柜位向那有經驗的收銀員說: 點解無墨魚飯? 我平時食開都有o架喎，你地美心或Canteen都有供應墨魚飯，點解呢度無?

有經驗收銀員說: 而家無墨魚飯，要叫六寶飯。


我再重複一次上述說話，碰巧一名穿著便衣的女子經過，問收銀員發生什麼事，我就再重複一次 "點解無墨魚飯? 我平時食開都有o架喎，你地美心或Canteen都有供應墨魚飯，點解呢度無?" "我知道你們美心在農曆新年期間曾經有一段時間無墨魚，而家有返，咁點解無墨魚飯?"

該女子說: 可以叫叉燒墨魚飯

我說: 但係呢位收銀員話無叉燒墨魚飯，要食墨魚就要叫六寶飯至得喎。你咩title?


該女子說: 我是這裡的經理

我說: 好，咁可唔可以叫叉燒墨魚飯呀?

經理說: 可以 (然後她向有經驗收銀員說: 幫呢位小姐落單)

接著我向有經驗收銀員說: 叉燒墨魚飯

有經驗收銀員覆一次: 叉燒墨魚飯

我說: 可以叫嗎? 剛才你話無o架喎，我可唔可以要求叉燒分開上?

有經驗收銀員問: 叉燒分開上，定係叉燒墨魚分開上?

我回答: 只係叉燒分開上

相信消息來源就是這位姓Luang的有經驗收銀員所覆述的過程吧。

當時這位小姐很不滿意我的要求，黑面，所以我已當面告訴她，我會投訴她，並在她面前向經理索取了美心快餐的熱線電話。

接著經理要求該位有經驗收銀員，在收據上註明叉燒分開上。

期間她的態度仍是非常不滿和黑面，上述經過，經理及缺乏經驗的收銀員也目睹整個過程。

接著，我手持收據到水吧排隊，向神情警惕的水吧職員說 "叉燒要分開上"。

水吧職員跟砌料廚師說 "叉燒分開上"。

直至我的order排到最前，在燒味部旁邊，由該名聲稱要打死我的燒味廚師，負責做我的order。

廚師把墨魚排好後，砌叉燒，再把叉燒疊在墨魚上。

我就說: 都話叉燒分開上囉。


水吧職員箭步地跑過來，跟廚師說，叉燒分開上。

廚師馬上發難，大叫道: 咩呀，即係點呀。

我就說: 而家叉燒和墨魚疊在一起就唔ok，要分開，叉燒要分開上。

廚師繼續發難，大叫: 咩呀，咩事先，咩野唔o岩先。

水吧職員就跟他說: 重新做過。

廚師把刀掉在針板上，繼續發難，大叫: 咩呀，即係點先。

水吧職員就跟他說: 重新做過，你先切叉燒。

廚師很不滿意地拿起叉燒，大力地掉在針板上，切好後，用掌心抓起那幾塊叉燒，手提高到膊頭的高度，大力地把手上的叉燒，以大幅度的動作，把叉燒拍一聲地，把叉燒拍進膠碗裡，並大叫 : 係咪咁呀?!

接著他再用掌心抓起幾片墨魚，手提高到膊頭的高度，大力地把手上的墨魚塊，以大幅度的動作，把墨魚塊拍一聲地，拍進膠碗裡，再次大叫 : 係咪咁呀?!

我就叫廚師說: 你而家係咪好唔滿意呀? 你叫咩名? 我要投訴你。

廚師說: 做咩要話個名你知呀!

我呆立當場。

廚師再說: 你好走啦，打x你死o架!

我說: 好丫，你現在就出來打x死我。等等先，等我拍低短片先。

接著我就開著數碼相機，拍下過程，就是大家所看到的頭一分三十秒。

大家所看到的一分三十秒後，大多是等的過程。

等經理出來，以及我報警後，等警員到場。

大約拍了六分鐘左右，之前曾出場的經理再次出現，她說會要求廚師道歉。我跟她說我已報警了，他剛才說要打x死我，是恐嚇，要等警員過來。

接著是廚師已換好全套便服出來，以輕佻的口吻和講數的形式 "道歉"。

然後是經理叫他先放工。

我跟經理說，我已報警了，所有有關人士必須留下來，直至警員到場為止，作為經理，她有責任不可以讓她的職員離開，而且水吧內三位亞姐亦目睹整個過程，聽到他說要打x死我。經理便叫他留下來。

四分鐘後，警員到場。

兩位警員分別向我，及廚師了解事件經過。

問警員，該廚師聲稱要打x死我，是否界定為恐嚇。警員証實，是刑事恐嚇罪。

再問警員，我是否有權利要求到警署落口供。

警員說: 可以，再由警方決定是否控告他刑事恐嚇，但有沒有必要這樣做。

我說: 沒有必要，我只想備案，恐防離開後有事的話，有蹟可尋。同意不追究廚師的刑事責任。

接著，警員在記事簿上，寫了一篇文章，由我簽署，內容是廚師葉xx說要打死我，而我不追究他的刑事責任。

當晚我把頭一分三十秒短片到you tube，其後亦寫信到美心投訴，概述廚師所犯的事情。

4月21日中午收到美心公關部回覆，她們已即時解僱該位廚師。

查問為何水吧部只有該位廚師沒有名牌，發言人回應他是新入職的員工，美心很注重員工工作上和品格上的操守，人的確有很多種類......

[ 本帖最後由 denny 於 2008-5-27 16:00 編輯 ]

無墨魚飯好奇咩, 有錢大晒呀?

分開上即係點解? 我真係唔明分別係邊度, 係咪要多一隻碗/碟, 咁收多佢幾毫子得唔得?

呢的係刁民既行徑, 睇埋兩張相, 嘔飯!

[ 本帖最後由 FXO 於 2008-5-28 06:48 編輯 ]

引用:

原帖由 FXO 於 2008-5-28 06:47 發表
無墨魚飯好奇咩, 有錢大晒呀?

分開上即係點解? 我真係唔明分別係邊度, 係咪要多一隻碗/碟, 咁收多佢幾毫子得唔得?

呢的係刁民既行徑, 睇埋兩張相, 嘔飯!

咁你話係定唔係呢？

食餐飯唓，食到要報警，你睇個女人係好人咩，一直只係講美心員工的態度，又冇講自己!

果然係相由心生, 睇樣都已經知佢唔慌好人

引用:

原帖由 hny 於 2008-5-28 08:58 發表
食餐飯唓，食到要報警，你睇個女人係好人咩，一直只係講美心員工的態度，又冇講自己!

作天在旺角差館門口，又見到另一個港女的面貌。

我見到一架的士駛到差館門口，個的士司機即刻落車，向返警署途中的差人話有人要報警，
差人話報警要去報案室，跟住有個港女落車，�隋穜i五百蚊紙到司機對罵，但始終唔敢入
差館，個司機咪叫佢俾錢(31.40)，條女悔氣地一路講電話一路俾錢，有d 重跌左落車底，
攪到嘈上加嘈。

事後我多口問司機乜事咁勞氣，佢話條女搭的士話一定要停正差館門口，因此咪要兜路，
個錶跳多左一跳，條女即刻話要報警，佢咪順勢捉佢去報警。

亞叔講�鼣尼琤憧硎伎H，但條港女搭車都攪到咁為乜呢？諗住話要報警大人地，點知撞正
個老屎忽亞叔，俾人大返轉頭，落荒而逃。

引用:

一直只係講美心員工的態度，又冇講自己!

正是重點所在
我吾相信呢位「港女」D態度好度去邊, 仲要三番四次要「威嚇」要投訴人地, 又去報警,
唉 ......................難為佢位男友

打x死你咪打x死你! 我老豆成日都講, 咁都報警咪玩死�灡t佬. 客要顧, 伙記更要顧,美心因為客人投訴而炒伙記, 大陸式企業作風!
條女樣衰,格衰, 影衰港女.我都想打x佢!

我不便評論佢�嚗侄炕A因為係佢父毋俾佢.......

但佢個格就真係不敢恭維...........


佢篇文章內�翵末蛂A經佢自己修飾過都咁難頂，

真係難為了佢條仔，咁都啃得落。

當時都睇過段片，成段片都冇影過佢自己個樣，所以都唔敢肯定係唔係佢。

不過就當時睇段片後既第一個感覺就係：好想大巴大巴猩條「港女」！

On 能夠既港女，早知玩人會玩出火既，就咪鬼份精明既消費者啦！

佢形象衰哂，想靠篇野單方面解釋，不過效果有目共睹。如果夠正氣既，就真金不怕紅爐火，插多美心兩野都得呀！

不過，條女個身材都幾好，脾氣嗅 ja，個 西 唔嗅就得啦！

引用:

原帖由 KMY89 於 2008-5-28 08:04 發表


咁你話係定唔係呢？

有錢, 有權, 有槍都大晒啦.

引用:

原帖由 FXO 於 2008-5-28 15:20 發表


有錢, 有權, 有槍都大晒啦.

在中國，有段時間，有上述三樣下場都好慘。

係咁架啦, 做飲食業有時好受氣架. 墨魚唔夠用到收工, 又唔想冇左好賣的4寶飯咪賣雙拼飯. 因一個少人買的飯而令好賣的冇得賣就真係要考慮下. 我建議美心把墨魚飲的價錢提高, 除了減少呢類人的購買意慾, 另外亦為市民的健康著想, 事關人過了18歲後, 身體使用低密度膽固醇減少, 就會積聚在血管中, 引起心血管病, 而墨魚含低密度膽固醇量是食物中之冠.

我其實最憎d人要d碟頭飯要分開d肉同飯上. 要食高級餐就唔好去快餐店啦. 打工好辛苦的, 仲要受呢d比錢唔多但又麻煩的客ge氣.

整件事只可以怪個叉燒佬脾氣咁唔好. 呢個世界最笨係講: "我搵人dup你", "打x死你". 真係要做的人是不會說呢些話的.

引用:

原帖由 全軍盡 於 2008-5-28 23:39 發表

算喇，有d人硬係中意停留晌某個時點度講野....

好似睇唔到北京市長，上海首富，鎮長等等都會hi晒野....

數晒都係三幾個, 統計學上唔夠數, 再黎

引用:

原帖由 payboy 於 2008-5-28 12:38 發表
打x死你咪打x死你! 我老豆成日都講, 咁都報警咪玩死鱓差佬. 客要顧, 伙記更要顧,美心因為客人投訴而炒伙記, 大陸式企業作風!
條女樣衰,格衰, 影衰港女.我都想打x佢!

個叉燒佬已經犯了服務業的員工守則, 炒他是應該的. 如果佢唔滿意個客, 佢應該咋肚痛先離場, 等別的同事頂上. 不服務就不犯規, 不過只有有責任感的員工才會和客人衝突的. 要怪就怪個經理冇一直跟住呢個麻煩客人直至它領到食物為止.

引用:

原帖由 saltiwet 於 2008-5-29 07:33 發表



個叉燒佬已經犯了服務業的員工守則, 炒他是應該的. 如果佢唔滿意個客, 佢應該咋肚痛先離場, 等別的同事頂上. 不服務就不犯規, 不過只有有責任感的員工才會和客人衝突的. 要怪就怪個經理冇一直跟住呢個麻煩客 ...

你真係識講笑，個度係快餐店，成村人排隊買飯，點可以行開，點可以為一無理客人
而影響其他客人。

基本上港女到處挑釁，正常情況下，叉燒佬點可能同佢有接觸，正是河水不犯井水。
亞叔係粗人，先至俾佢入到位。

"乜 clerk 喳？"

如此狗眼看人低的態度，我都想大巴大巴星過去。

真係又要

上海書記絕對唔係一個貪官, 拿返呢d野多講咪仲自暴其短...

講返呢個話題, 人地打份工又點會登同你鬥氣0丫, 唯一係燒味師傅響芋點鋪頭係有佢地尊嚴既, 好似以前一級西餐大廚一樣, 彈佢d野食, 佢趕你走添..

我就點都唔信, 現代快餐店會咁對客人架喇...

[ 本帖最後由 kenny01 於 2008-5-29 10:19 編輯 ]

墨魚個Cost好高架
食墨魚丸河同食牛丸河價錢都唔同啦

引用:

原帖由 CHANGMAO 於 2008-5-29 10:15 發表
墨魚個Cost好高架
食墨魚丸河同食牛丸河價錢都唔同啦

Cost 高有Cost高做法，可以set墨魚飯50元一碟，少d爭拗；分開上又得，每個盒收多一元；自由社會，自由選擇。

全部要寫時價同埋
由三行牌變廿行牌至夠用


乜野係快餐都分唔到

雞脾先油後炸切片上
紅豆冰走紅豆加檸檬
0丫唔該

就係有d人以為自己好醒, 又寸柒柒, 人地服務佢, 郁d就問人咩名, 要投訴, 叫經理出黎.......咩都要投訴, 咩都要報警, 仲要擺上網以為會有人支持佢, 點知反而俾人噴到成面灰, 仲要起埋底......呢d港女行為, 真係求其係街都見唔少

對....所以從來都冇人覺得呢單野係假既....