銀行 - 過去

我講少少，其他前輩講多多，得唔得 ？

細個時，銀行給我的經驗好好。

• 亞媽唔識字，每個月帶我去銀行打簿，我讀比佢聽，有幾多錢，跟住亞媽眉開眼笑。個晚 1 定加�R。
• 銀行 d 職員，衣冠楚楚，又有冷氣 / 暖氣。
• 記得有 1 年， 銀行唔知乜事，招呼 d 老顧客茶會 (自助餐型式)，亞媽帶埋我同鄰居個哥哥 (爸爸吸毒既) 去，個哥哥同我講，好多食品 / 飲料，佢都未見過；佢又同亞媽講，唔敢盡情食，怕失禮。亞媽仲同亞爸講，雖然鄰居個哥哥家境咁，又咁細個，但是好生性。
• 中學畢業時，未放榜。我班同學，讀秘書 / 文員 / 商科，投考護士，銀行。恆生係我地首選，因為 套制服 靚, 間銀行形象又好。

細個時，新年後，阿媽帶我地4姊兄弟去沙嘴道渣打銀行開戶口，間銀行好大，�堶惘n似有陣油漆味，有人話可能係銀紙味。 開完兒童儲蓄戶口，每人都有一隻如電視卡通穿水手衣的小肥豬儲錢箱。 14歲時被選做班會財政，徵集到班會費就去最近的恆生銀行開戶口。嘩！一行入去就有個穿著畢挺西裝的男職員上前招呼，並告訴我開新戶口是幾號窗，他對每個進入銀行的顧客都很有禮貌和服務殷勤。這情形真把滙豐比下，好幾次跟我媽入滙豐，我還以為去o左國貨公司或公家醫院 ，職員的工作和服務態度 。十之七八的男女職員都是没什表情，多鞋男扒女 ；恆生靚女多，男的又有禮貌，個個都有笑容。

銀行今昔。細個去銀行，都唔係乜大陣仗，但只係覺得，銀行點解會肯俾利息人？D錢放響自己度唔會有息，放響人度就有息？好奇怪，等如細個時成日問自己：點解會有收音機有人肯講野俾我地聽？到要買電池既時候，就自己諗，哦，電台可能係整電池出黎賣既，我地要卑錢買電池，電台就有錢收啦。真幼稚。

講番，而家銀行，每樣都看錢看，已經唔想咁多人存錢入去，同以往好唔妬，以前，連細路仔十廿蚊都爭取，而家，每個月冇五千銀就收你五十元最低手續費，你放四千元入去，唔郁，幾年就食晒你。
以前，銀行係服務，買禮券唔使錢，俾埋封套你，而家，多謝，十五蚊啦。最好唔好麻煩我。

只覺得，銀行越黎越冇人情味。

引用:

原帖由 ali 於 2010-8-8 18:58 發表
細個時，新年後，阿媽帶我地4姊兄弟去沙嘴道渣打銀行開戶口，間銀行好大，�堶惘n似有陣油漆味，有人話可能係銀紙味。 開完兒童儲蓄戶口，每人都有一隻如電視卡通穿水手衣的小肥豬儲錢箱。 14

...

恆生靚女多，男的又有禮貌，個個都有笑容。

我個隻儲錢箱是唐老鴨。

所以申請銀行工，恆生係首選 (証明自己靚靚)，而且 1年 14 個月薪金。

話時話，論壇有位網友，係恆生做左好耐，看得出年輕時係靚仔。

引用:

原帖由 suewong 於 2010-8-8 21:27 發表 我個隻儲錢箱是唐老鴨。 所以申請銀行工，恆生係首選 (証明自己靚靚)，而且 1年 14 個月薪金。 話時話，論壇有位網友，係恆生做左好耐，看得出年輕時係靚仔。

Just graduated and applied for a job in 恆生
Told me to cut my hair before reporting duty
So gave up the job
Every man can be ignorant and stupid when he is young


PS :  I was not 靚仔 at all

雖然明早要飛去南韓，但忍唔住都要搭句咀。

“恆生係我地首選，因為套制服 靚, 間銀行形象又好。”

最早期的女職員制服係旗袍，好蝦人著，著得好就真係好靚，否則………….

“恆生靚女多，男的又有禮貌，個個都有笑容。”

以前就真係靚女多，後來可能靚女越來越少，唯有降低標準，但禮貌和笑容就一向可保持。
學「德成女傭」話齋，佢地係好嚴格訓練出來喎。
八句服務箴言：「笑容生和氣、高聲道姓名、工作需迅速、. 服務要忠誠、態度常謙敬、問答簡而精、對客皆周到，鞠躬謝盛情」，
呢幾句野個個禮拜都要聽，真係掉轉頭都識念。

“只覺得，銀行越黎越冇人情味。”

不同意。成本高漲，銀行對大部分客人都是蝕本，一向都是從大客賺錢津貼基層客戶。

“而且 1年 14 個月薪金”

早期是17個月薪金，後來改為14個月，再後來改為 13 個月，近年好似改為浮動獎勵。

“Told me to cut my hair before reporting duty”

70年代初期，頭髮執得好嚴，不準貼耳仔和衫領。試過有一硬頸青年，和老細僵持不下，索性剃光頭坐櫃面，成為一時佳話。

星期五見

引用:

原帖由 理魯竇 於 2010-8-8 22:20 發表
“恆生係我地首選，因為套制服 靚, 間銀行形象又好。”

最早期的女職員制服係旗袍，好蝦人著，著得好就真係好靚，否則………….

“恆生靚女多，男的又有禮貌，個個都有笑容。”

以前就真係靚女多，後來可能靚女越來越少，唯有降低標準，但禮貌和笑容就一向可保持。
“而且 1年 14 個月薪金”

早期是17個月薪金，後來改為14個月，再後來改為 13 個月，近年好似改為浮動獎勵。

...

懂事見已經唔係旗袍，好蝦人著 = 好貼身 ？!

細細個見到 d 姐姐 好靚。

中學時 14個月，匯豐銀行 只得 13 個月。

引用:

原帖由 mygo 於 2010-8-8 20:08 發表
講番，而家銀行，每樣都看錢看，已經唔想咁多人存錢入去，同以往好唔�飽A以前，連細路仔十廿蚊都爭取，而家，每個月冇五千銀就收你五十元最低手續費，你放四千元入去，唔郁，幾年就食晒你。
以前，銀行係服務，買禮券唔使錢，俾埋封套你，而家，多謝，十五蚊啦。最好唔好麻煩我。

只覺得，銀行越黎越冇人情味。 ...

我覺得無良。

• 有次幫個小 3 程度既亞婆，睇佢張 101 保單 (i.e. 1 次過 放 筆錢 (say 20 萬) 在銀行，指定時間唔羅個本，就有息收，否則只能取回 1 部分；死左就賠 101% 本金)。
• 佢張保單 6 年期，如果在 6 年內羅番個本，最差要賠 50% 比銀行。
• 保證利息，有無人估到？
• 0. 5%!!!! 07 年開始，每年紅利都是 0. 5%。即是 每年 1%利息。
• 而07 年在銀行做同佢差不多既銀碼的定期存款，利息 > 5%。
• 個 d 係 婆婆既養老金，所以我有掙扎，好唔好話真相比佢知。但又驚佢繼續被騙。

哩 d product, 擺明是騙 文化 / 知識水平 唔高既人。

引用:

原帖由 suewong 於 2010-8-8 23:38 發表 我覺得無良。

有次幫個小 3 程度既亞婆，睇佢張 101 保單 (i.e. 1 次過 放 筆錢 (say 20 萬) 在銀行，指定時間唔羅個本，就有息收，否則只能取回 1 部分；死左就賠 101% 本金)。

佢張保單 6 年期，如果在 ...

呵呵，幾年仲在九龍那邊作時，食飯到�琤矷A有些阿婆係煩D，個代書既女子（在我眼中來說，一定唔係靚女）十分不耐煩，得啦阿婆，你唔使大聲架，我聽得到架。但對其他後生者就笑笑口。明顯有年齡歧視。須知，阿婆自己都係聽到至咁大聲啫。
二三十年前，�琤耵瑤T係最好笑一間，但今剕昔比了。
理兄話銀行成本上漲，咁唔係冇人情味，咁講就真見仁見智了，總之一張禮券收十五二十手續費，邊個買吖，封張五百蚊紙咪算囉。
其實，最生意係講求賺錢，總不能講邊個津貼邊個既。銀行只係覺得禮券、低額存戶冇錢賺先趕客啫。

羅素街，最初出黎做時係電車廠兼街市，今日貴為全港租金既地方之一，好多公司，點解要在那里檔？開檔明顯賺唔番租，都係明，但都要開呢？就係宣傳作用而已。

引用:

原帖由 suewong 於 2010-8-8 23:11 發表 懂事見已經唔係旗袍，好蝦人著 = 好貼身 ？!細細個見到 d 姐姐 好靚。中學時 14個月，匯豐銀行 只得 13 個月。

呵呵，點解咁多個月人工？二十個月都見過。
企業家好少死錯人既。賺錢多左，利得稅都要納番咁多，與其益政府，計過條數後將部分分俾員工亦唔係過份。
但今時今日，呢種情況已少見了，所以我講銀行越黎越冇人情味就係咁解。

70年代初上海商業人工都好高

對恆生的印象，是張活游的廣告。

"寧可食無肉，不可居無竹，無肉令人瘦，無竹令人俗、、、、、、、、、、。

若要不瘦又不俗，唯有天天荀炒肉。

引用:

原帖由 suewong 於 2010-8-8 18:02 發表 銀行 - 過去我講少少，其他前輩講多多，得唔得 ？細個時，銀行給我的經驗好好。

亞媽唔識字，每個月帶我去銀行打簿，我讀比佢聽，有幾多錢，跟住亞媽眉開眼笑。個晚 1 定加�R。

銀行 d 職員 ...

此君日後可有成材？

老何UP親都係舊史。

第一次入銀行。
52or53年吧, 媽咪帶我去見識乜野係銀行, 於事要穿套西裝仔, 打個煲呔仔, 媽咪拖住我隻手仔, 去到半島酒店內九龍惟一的獅子銀行,
入到去, 大部份係西洋仔,有個華職員知媽咪唔識字, 講解完, 蓋章打指模了事, 我就坐在旁BIN做�╞J。

第一次見識擠提。
61夏, 九龍城太子道廖創興銀行。是日該區內所有街坊奔走相告, 廖�悇嬤哄u佬」, 開左��口的, 嚇到褲到甩！
除左銀行門前人頭數不清外, 兩�謙Q一截街全部拉閘, 氣氛實在恐怖, 父親總結該事件教訓話, 跟官要知官姓乜！

兩個第一次, 演示香港生態變化, 能捕捉此中先機的人, 今天富可敵國。廖氏以地產,炒金至富。

引用:

原帖由 mygo 於 2010-8-9 00:41 發表

呵呵，幾年仲在九龍那邊作時，食飯到�琤矷A有些阿婆係煩D，個代書既女子（在我眼中來說，一定唔係靚女）十分不耐煩，得啦阿婆，你唔使大聲架，我聽得到架。但對其他後生者就笑笑口。明顯有年齡歧視。須知，阿婆自己都係聽到至咁大聲�隉C
二三十年前，�琤耵瑤T係最好笑一間，但今剕昔比了。
...

Ah Sue 的感觸：

• 個代書既女子都會老o家，人地到時咁對佢，佢會點 ？
• 銀行係香港咁多行業，薪金最高 (我有親戚做後勤，商業銀行，07 年有 30 個月人工)，都咁 ？

引用:

原帖由 理魯竇 於 2010-8-8 22:20 發表
雖然明早要飛去南韓，但忍唔住都要搭句咀。

...

祝旅途愉快!

引用:

原帖由 mygo 於 2010-8-9 00:41 發表

理兄話銀行成本上漲，咁唔係冇人情味，咁講就真見仁見智了，總之一張禮券收十五二十手續費，邊個買�魽A封張五百蚊紙咪算囉。
其實，最生意係講求賺錢，總不能講邊個津貼邊個既。銀行只係覺得禮券、低額存戶冇錢賺先趕客��。
...

mygo 講得 arm.

如果係大客，乜手續費都唔收。

有 1 年，銀行送左 5 套名牌 公事包+旅行��+銀包+手袋比飯票。哩類禮物，我估何老大 / D 哥都收唔少。

引用:

原帖由 ces 於 2010-8-9 01:00 發表
70年代初上海商業人工都好高

上海商業，大陸銀行？當時未開放!!!

人工咁高，點解 D 咀臉仲咁？

引用:

原帖由 dirtyoldman 於 2010-8-9 11:08 發表


此君日後可有成材？

後來我搬了家。聽聞他母親改嫁，他入了黑社會。

他是我的小男友，亞媽獨留我在家時，他就會企係門口陪我，叫我唔洗驚。

引用:

原帖由 老何 於 2010-8-9 14:19 發表
61夏, 九龍城太子道廖創興銀行。是日該區內所有街坊奔走相告, 廖�悇嬤哄u佬」, 開左��口的, 嚇到褲到甩！
除左銀行門前人頭數不清外, 兩�謙Q一截街全部拉閘, 氣氛實在恐怖, 父親總結該事件教訓話, 跟官要知官姓乜！
...

60 年代，好像好興擠提。

why, why, tell me why.

引用:

原帖由 老何 於 2010-8-9 14:19 發表
老何UP親都係舊史。

第一次入銀行。
52or53年吧, 媽咪帶我去見識乜野係銀行, 於事要穿套西裝仔, 打個煲呔仔, 媽咪拖住我隻手仔, 去到半島酒店內九龍惟一的獅子銀行,
入到去, 大部份係西洋仔,有個華職員知媽咪唔 ...

好像綠寶廣告。

引用:

原帖由 suewong 於 2010-8-9 17:56 發表


好像綠寶廣告。

NG知點解, 當年D细路大多係咁, 條褲又要吊帶, 妳講得ARM, GREENSPOT STYLE

引用:

原帖由 suewong 於 2010-8-9 17:54 發表

60 年代，好像好興擠提。

why, why, tell me why.  

諗住牛王妹會問, 真係問！

家父常說, 行走江湖,莫壞規矩 ; 更要知己才知彼。

LCH為搶存��, 創一蚊開��NE招, 從而開始改變銀行生態, 兼付出比銀行公會约定多1.5%利息给存��,
不把HSBC及渣打放在眼內, 但NE招確係成功, 升斗市民日日排隊開��, 老何和媽咪當年亦是其中之一。
LCH山大斬埋有柴,但面向大�s這開拓性的營商手法, 令其同業感覺自降身價兼眼紅症發作, 又�穢韝j哥大面色而不敢跟從,
LCH自鳴得意兼大舉收購地皮,洋洋自得而不知黑雲將至；後來恆生以笑臉迎人代替一蚊開��NE招, 得來同一後果。
銀行業一哥,佢卑條路你行, 你才不會踢度石頭, 同佢爭食, 定冇運行, 這便是父親所說的意思。
一哥只要制造銀根短缺, 同業拆借乾塘, 全部華資自然瓜得；聽話者例外。
信不信由妳, JARDINE此時上市, 人人供股, 全港銀根抽緊, 再加D料 : 謠言, 咁, LCH就此爆血管了。
自此之後, 華人對華資銀行信心盡失, 兼華資實在不爭氣, 擠提不斷, 最後以恆生賣身而结束。
一哥雄霸天下, 再而縱橫七海, 50年後竟要伸手供股, 廖寶珊泉下有知, 飲得杯落。

引用:

原帖由 老何 於 2010-8-9 19:43 發表


諗住牛王妹會問, 真係問！

家父常說, 行走江湖,莫壞規矩 ; 更要知己才知彼。

LCH為搶存��, 創一蚊開��NE招, 從而開始改變銀行生態, 兼付出比銀行公會约定多1.5%利息给存��,
不把HSBC及渣打放 ...

其實牛王妹研究過香港銀行擠提史，但從不懂得從此角度分析。

.....................