想做警察 ?
先要考筆試
筆試考題包羅萬有 – 由數理化到哲學、經濟
仲要考埋世界歷史
其中以中國歷史佔最大比重﹐而且範圍廣
例如以下試題就包括其中 :

請從下面選出屬於漢武帝施政的內容
1.任命王安石變法改革國政
2.繼承宋和金的制度﹐廢除科舉
3.重用董仲舒﹐罷黜百家﹐獨尊儒家
4.討伐台灣鄭氏統一中國
5.尊崇南印度來的僧人達摩﹐保護禪宗

咁未算 “哽”
仲有一道主菜係古文節選閱讀理解
例如 :

堯治天下五十年，不知天下治歟，不治歟？不知億兆之願戴己歟？
不願戴己歟？顧問左右，左右不知。問外朝，外朝不知。問在野，
在野不知。堯乃微服游 于康衢，聞兒童謠曰：立我蒸民，莫匪爾極。不識不知，顧帝不則......

其他仲有好多古文節選如道德經….

天之道其猶張弓與。高者抑之，下者舉之。有餘者損之，不足者補之。天之道，
損有餘而補不足。人之道，則不然，損不足以奉有餘。孰能有餘以奉天下，唯有道者。

試題範圍當然唔係由呢兩篇中選一篇咁簡單
否則背熟兩篇咪得囉
呢度只係舉出兩篇例子﹐仲有好多幾他古文…


講到呢度﹐大家都知道一定唔係考香港警察試題
唔通係考大陸公安警察 ?
再唔係考台灣警察 ?


通通唔係
原來係最近同我地中國人撐到衡嘅日本
咁就奇﹐乜考日本警察要識堯舜甚至四書五經 ?
據日本人自己講…
中國歷史文化晌日本叫漢學
日本傳統應為漢學係衡量個人道德修養嘅重要指標
而且文化程度越高﹐漢學水平就越高 – 亦即係受過高深教育知識份子
所以日本政府為保證招聘嘅警察有高文化水平而唔係低水平流氓爛鬼
就用高水平漢學作為試題

其實唔只考警察
所有日本政府公務員招聘試都有漢學試題
日本傳統認為漢學包含高水準嘅重要兼實用管理方法
自古以來就視為治國之術
所以政務官嘅漢學水平要求更高

嗱﹐每年都有警察試題集俾人咪熟佢

呢篇就係 "列子" 節選閱讀理解

莫講香港普通警察睇唔掂
就算司局級高官都冇幾多個讀得明

講完日本佬考警察要讀中國歷史
順便講吓日本蠱惑仔
前兩日有百幾個所謂右翼份子晌福岡攔住中國旅遊團嘅旅遊巴士
又鬧又踢架車
呢班人平日時常開著架宣傳車到處嘈
架車放住高音喇叭鬼吊咁吠
日本佬叫呢 d 做 “ 街宣右翼”

其實呢班友大部份唔係咩右翼份子
根本講唔出咩政治主張
佢地只係黑社會蠱惑仔
日本法律禁止黑社會組織 – 所謂 “ 暴力團取締法”
所以 d 大堂口就搞 d 政治社團嚟安置班蠱惑仔
比如山口組搞咩 “ 日本憲政黨” 、 “司政會議”
住吉會搞 d “ 日本青年社”、 “ 大日本同胞社”….
真正嘅右翼份子石原慎太郎睇見班蠱惑仔打著右翼旗號就眼火爆  
大鬧佢地 “ 佢地根本就唔係右翼份子﹐係杏加橙”   
班蠱惑仔平時狗流流冇咩正經事好做
只係借少少話題就上街搞事 – 或者順便爭地盤踩場

講吓講吓
真係好鬼似香港  d 打著政治旗號嘅社團….   

[ 本帖最後由 飛毛腿 於 2010-10-2 17:36 編輯 ]

嘩!
做左幾拾年人
而家至知架仔表面瘋狂崇洋
骨子裹原來重有 '祟漢' DNA
多謝花邊資料

李宗吾的厚黑學:

以敵為師、以敵為友、以敵作鑑 (最後一句可能記錯，請指正，先謝)

小心、小心！！

哇！有点惊吓的感觉...