http://big5.xinhuanet.com/gate/b ... 9/c_122623888_2.htm係七傷拳，但係確妙，佢唔比你西方做停油準備，即刻停油，歐洲佬都幾仆街㗎，尤其西洲冬天，冇油用，你仲唔大鑊？伊朗就咀硬，佢都知佢啲油係國家經濟命脈，中國亦正找尋其他油源，伊朗其實寸唔起，佢會傷得重過歐洲。反觀中國，其實都好大鑊，冇油用，油價升，物價貴。中國發展必被挫。但伊朗呢招不失為無招之中的一招。早晚被禁，係咪都死，何不早一點死，何不重挫你歐洲一嘢？我死，你都唔好過。

[ 本帖最後由 無神論狂徒 於 2012-1-29 10:55 編輯 ]

伊朗應該加快核武器計劃，或者佢知，佢好快做到核彈，所以先咁寸。
有咗核技術，怕你不成，有油有核彈彈，夠哂籌碼同你老味玩。

呢場戲，我哋可以笑著睇，但係中國伊朗日本歐洲就戰戰競競，絕對不好受。

應該大減價,玩殘個油市,唔支持製裁的國家可半價買油

其實仲有彎轉，令伊朗冇聲出。
伊朗稱核技術用在發電上，不打算用在核武器上，咁不如由美國建造核發電站，伊朗以低價比錢，因為自已研究發同生產一定平好多。
之後營運成本由伊朗負責。再由國際原子能機構派人長註監控，以防核技術洩漏。
在一些重點技術鬼硬件上裝置自毁裝置，由其他原子能機構控制。一發現情況就毁了裝置。
咁伊朗可用核電，但又不會掌握核技術，伊朗冇聲出啦。
或者由中國提出呢招做魯仲連。

話伊朗發展核武只係借口
伊拉克冇發展核武就話佢有大殺傷力武器
阿富汗連戰機都養唔起莫講核武﹐就話佢收藏拉登
卡達菲掉哂 d 核武發展藍圖向歐美投誠﹐最後點？
今時今日你仲睇唔到歐美國家講嘢嘅可信性有如祈福黨？

真係發展核武嘅國家佢哋反而扮失明
以色列﹐印度、巴基斯坦... 你幾時聽佢哋吠過？
北韓爆完一次又一次﹐又唔見佢哋真係夠膽打？

我都望佢哋真係打鑊金
首先瞓低可能係歐盟
再搞到好似打阿富汗咁 - 睇吓利比亞﹐你以為伊朗好容易啃？
可能連 USA 都成為歷史名詞   

引用:

原帖由 飛毛腿 於 2012-2-2 17:28 發表 話伊朗發展核武只係借口伊拉克冇發展核武就話佢有大殺傷力武器阿富汗連戰機都養唔起莫講核武﹐就話佢收藏拉登卡達菲掉哂 d 核武發展藍圖向歐美投誠﹐最後點？今時今日你仲睇唔到歐美國家講嘢嘅可 ...

我係伊朗我都會發展核武，發展都仲有生機，唔搞就死硬。但作為中國，呢個係個危機，好彩老美仆咗街，中國獨大，唔好彩，中國會被衍入其中，戰火燒到埋身。不過胡錦濤都退下火線囉，習近平接波。

你咪傻啦
中國佬無厘頭去替伊朗擋炮彈？

講一段故 :
戰國時魏國伐韓﹐韓國知道自己撐唔住﹐向齊求救
齊威王跟眾臣商議﹐有人贊成派兵救韓﹐有人反對插手
反對插手嘅理由係韓魏互鏈﹐兩敗俱傷﹐贏咗果個都內傷﹐對齊國有利無害﹐齊國最好坐山觀虎鬥
贊成一方認為韓必不敵﹐魏吞埋韓之後實力如虎添翼﹐齊國必成為下一目標
正反相方各執一詞﹐齊威王難於取捨﹐只見軍師孫臏坐晌一旁﹐笑而不語
於是問 : 軍師不發一言﹐是否對兩種意見都唔認同？
孫臏答 : 冇錯﹐魏前幾年伐趙﹐今又伐韓﹐佢哋點會唔想攻打我哋？
如果我哋唔救韓﹐等於拋棄韓去餵飽魏﹐養肥佢哋﹐增添佢哋力量... 所以唔救唔得
但如今魏剛開始打韓﹐韓仲頂得住﹐如果我哋急急出兵相救﹐等如我哋代替韓去捱打
到頭來韓損失有限﹐而我哋就跟魏拼過兩敗俱傷﹐實不智也.... 所要家下出兵救韓係錯誤
齊威王 : 唔救就唔得﹐出兵救又唔得﹐咁即係點做好？

孫臏 : 為今之計﹐我哋答應救韓﹐話佢知我哋必出兵幫佢哋﹐韓知道有後援就軍民之心振奮﹐必全力抗魏
魏遭頑抗而求勝之心更急﹐必加倍力量攻城掠地﹐務必盡快打敗韓
我哋等到魏軍打到筋疲力盡後﹐就發兵去解圍﹐如此既可解救韓﹐又可大敗魏﹐大王認為如何？

套落今日局勢
只要晌安理會否決一切有借口向波斯貓動武決議 - 好似利比亞設立禁飛區果招
佢老味要打就唯有繞過聯合國﹐自己召集馬仔去打 - 打伊拉克就係咁
咁樣打法係師出無名﹐好多國家免得過就唔插手﹐幫手就更少
中俄就邊打口水仗邊賣武器俾波斯貓﹐製造軍用民用物資更係大陸強項  ( 見下圖 )
擺晌波斯貓面前一係亡國﹐領導層就好似卡達菲咁俾人爆完菊花再爆頭﹐好彩 d 就被送上絞刑架
一係死撐到底﹐打甩髀都要打
中東一打仗﹐油價飆升﹐北極熊又發過豬頭﹐荷包腫脹後仲唔撩事鬥非？
油價高對中國係惡頂﹐但更惡頂係窮到破產邊緣嘅歐豬眾國
不可一日無車嘅老味 99% 一樣欲哭無淚
時間一拖長﹐你話邊個仆低先？
油價高對中國不利﹐但更絕咗實力有限又想工業化嘅發展中國家後路

打仗係你哋嘅事﹐做生意係我嘅強項  


.

引用:

原帖由 飛毛腿 於 2012-2-2 21:55 發表 套落今日局勢只要晌安理會否決一切有借口向波斯貓動武決議 - 好似利比亞設立禁飛區果招佢老味要打就唯有繞過聯合國﹐自己召集馬仔去打 - 打伊拉克就係咁咁樣打法係師出無名﹐好多國家免得過就唔插手﹐幫手就更 ...

傻啦。唔係油價高咁簡單。中國不會為伊朗去擋子彈，但戰爭多變，各國利益及關係千絲萬縷，唔係你中國話唔打就唔打。有好多可能性。
如果伊朗出口唔到石油比中國。就算中國有錢都未必搵到油源。

引用:

原帖由 飛毛腿 於 2012-2-2 22:00 發表    

American Freedom都係中國製造
有中國American 才有Freedom

引用:

原帖由 ali 於 2012-2-4 02:53 發表

American Freedom都係中國製造
有中國American 才有Freedom

都唔係嘅
如果你係美國 1 %就 冇 made in China 都可以有 freedom
但如果你係 99%﹐就差 d 嘞
好似下面出書呢個美國大嬸努力嘗試 -  A year without Made in China
搞到差 d 精神崩潰   


.

引用:

原帖由 無神論狂徒 於 2012-2-3 22:17 發表


傻啦。唔係油價高咁簡單。中國不會為伊朗去擋子彈，但戰爭多變，各國利益及關係千絲萬縷，唔係你中國話唔打就唔打。有好多可能性。
如果伊朗出口唔到石油比中國。就算中國有錢都未必搵到油源。

其實我唔係好明你想表達乜？
" 戰爭多變"  - 冇錯係呀﹐正如周恩來講 : 戰爭打起來﹐就沒有界限....
美國就算要打都要打可控嘅戰爭、可控嘅範圍﹐但一打起嚟就唔係老味話得事
" 唔係你中國話唔打就唔打" - 啱﹐家下係美國以色列喊打﹐唔關中國事﹐佢哋要打係佢哋嘅事

伊朗單嘢喊打喊殺都喊足幾年﹐唔係呢一兩個月突然發生
中南海如果一直只係昂九九望天打卦﹐望菩薩保佑佢哋唔好打唔好連累自己冇油用
咁昂九的話五星旗早就換咗落嚟啦
上個月溫家寶先剛剛去訪問海灣三國 ....
你哋打還打﹐斷我油路就係要我死﹐困獸猶鬥﹐何況擁有核武嘅大國
總之﹐大家對未發生嘅事拗都無謂﹐即管睇吓佢哋點鬥法
不過呢﹐今年係美國大選年﹐奧黑要全副精神去競選﹐有乜衣郁就要執包袱....

上面講開 made in China﹐呢單就擺埋晌呢度


Olympic sell-out ! 91% of London 2012 souvenirs made abroad with two thirds coming from China
By Louise Eccles

Last updated at 10:29 PM on 3rd February 2012

Read more: http://www.dailymail.co.uk/news/article-2096215/Olympic-sell-91-London-2012-souvenirs-abroad-thirds-coming-China.html#ixzz1lcDdlGFb

.

2月6日
中俄聯手否決敘利亞決議案

《星島日報》報導，這項決議案由摩洛哥提出，要求立即結束敘利亞暴力局面，呼籲敘利亞總統巴沙爾移交權力予副手，以便過渡至民主。決議案並無頒布任何制裁，也沒有授權動武。在安理會進行表決前，美國總統歐巴馬已強烈譴責敘利亞血腥鎮壓行為，要求巴沙爾立即下台，又呼籲安理會對巴沙爾的殘暴不仁採取行動。 不過決議案進行表決時，雖有 13 國贊成，但敘國長期盟友俄國及中國仍然雙雙投下反對票，使到這項草案遭否決。

局面已經好清晰
北極熊死撐敘利亞
中國撐北極熊﹐同時表達中俄撐硬伊朗
歐美想玩翻版利比亞﹐慳 d 啦
阿盟係混水摸魚﹐呢種政治白癡遲早要付出沉重代價﹐睇吓卡達菲同穆巴拉克就明白
不過﹐敘利亞個二世祖真係差 d﹐俾著佢老豆在位時早就打到反對派屍橫遍野

中東有鐵三角 ~~ 伊朗、敘利亞、黎巴嫩真主黨
黑老大影響力達唔到鐵三角﹐鐵三角又以以色列為死敵
北極熊唯一嘅中東軍事基地晌敘利亞﹐點可能放手
北極熊自己大把石油﹐唔怕世界大亂﹐更唔怕中東變成火海
中國就將 show hand 局搬去中東 - 石油美元係黑老大命脈
你晌我周圍撩是鬥非圍堵我﹐我就搬個炸彈去你個褲襠底
回想 二、三十年前所謂中東問題、以巴和平問題幾時有中國出聲嘅機會？
今日﹐老子就將個沙蟹局搬去中東同你玩
無論中或俄﹐如果單獨同黑老大晌中東鏈過就好難有勝算
呢點中俄雙方都好明白
所以今次否決議案﹐其實北極熊一個常任理事否決已經足夠
中國以往做法就係鵪鶉咁頂多投棄權票
但連續兩次為咗敘利亞議案而中俄雙雙否決﹐擺到明係晌各方宣示立場
咁到睇唔明就係白癡
如無意外﹐大概巴勒斯坦近期又借機會撩吓事去配合局勢
北韓呢邊就按局勢需要時做 d 動靜出嚟
總之黑老大一言九鼎嘅日子已是明日黃花

爆笑口水仗

聯合國安理會決議敘利亞問題之前
卡塔爾代表同俄羅斯代表爭執
兩人對話被法國電視台 / 電台記錄低
卡塔爾代表係總理兼外交部長
佢對俄羅斯代表話 : 我對你 ( 打算) 投敘利亞問題議案否決票提出警告﹐俄羅斯必需投贊成票﹐否則將失去整個阿拉伯世界
北極熊代表氣定神閒答 :  如果你再用呢種語氣跟我說話 ( 大意係咁﹐原文係阿拉伯文) ﹐明日就唔再有卡塔爾呢件嘢存在...  

北極熊意猶未盡加多句 : 你只係嚟安理會做客﹐根據你嘅體積 (可能指國家又可能語帶雙關) 定你嘅份量﹐我基本上唔係同你講嘢﹐我代表俄羅斯對 "成人" 發言....
( 據我自己理解呢句說話係 : 安理會除咗五個常任理事﹐仲有 13個輪任理事﹐其中冇卡塔爾份﹐佢只係參與阿拉伯聯盟向安理會提交議案﹐否則呢個會議根本就冇佢份 )

開個會啫﹐各為其主﹐做乜咁勞氣？
原來兩邊早有牙齒印 -  大概又係上次中俄否決譴責敘利亞議案惹落
2011年12月初﹐北極熊大使晌卡塔爾海關被人刁難後仲圍毆

引用:

俄罗斯驻卡塔尔大使机场被打  俄下调双方关系水平
来源：中国日报网 时间：2011-12-12 12:00

据俄罗斯《真理报》12月6日报道，俄罗斯驻卡塔尔大使日前在卡塔尔首都多哈机场遭到海关人员和警察的殴打，对此俄政府表示抗议。俄外交部长拉夫罗夫4日与卡塔尔外长进行会谈，并称俄方决定下调两国关系水平。

　　俄罗斯媒体早些时候报道，俄罗斯外交部发言人亚历山大?卢卡舍维奇本月2日发表声明说，11月29日在传送俄外交信袋通过多哈机场的X光设备检查期间，卡方对俄驻卡达尔大使季托连科及使馆工作人员实施暴力行为。

　　俄外交部11月30日已经向卡塔尔驻俄使馆发出抗议照会。俄方明确强调，这种事件具有史无前例的特点，是践踏公认的国际法规的行为，将对俄卡关系造成最负面的后果。照会指出，俄方要求卡塔尔方面立即正式道歉，并采取一些必要措施查明并严惩肇事的官员，同时不要让类似事件再次发生。

一位不愿透露姓名的俄外交官表示，这起针对俄大使的事件是一种故意的挑衅行为。他说：“很显然，这是对我们坚持叙利亚立场的挑衅。季托连科曾举行新闻发布会，积极地发表文章阐明俄罗斯在叙利亚问题上的立场，这是遭致殴打事件的主要原因。”

原文報道係阿拉伯文
用股狗大神翻譯之後雖然岩岩蚕蚕﹐但大意都仲明白

http://translate.google.com/translate?sl=ar&tl=en&js=n&prev=_t&hl=zh-TW&ie=UTF-8&layout=2&eotf=1&u=http%3A%2F%2Fwww.al-madina.com%2Fnode%2F356391%3Flive&act=url


.

中國有point有原則，總之內政一律不干預。而事實係中國都唔想別人對自已內政指手畫腳。
敍利亞暴力鎮壓，係政府問題，橫加一腳，不見得高明。好如利比亞，北約加一腳，但不看好利比亞前景。

如果中國外交能夠有北極熊一半咁硬淨就好了，可惜...............

哎，如果唔系影響經濟，我話之倨點~

引用:

原帖由 杏仁豆腐 於 2012-2-8 01:01 發表
如果中國外交能夠有北極熊一半咁硬淨就好了，可惜...............

剛不能久﹐柔不能守
北極熊作風一向都係簡單直接粗暴
中國傳統文化唔多興咁樣﹐實力夠強時自然不怒自威﹐實力唔夠時淨識打嘴炮有叉用
如果中國代表咁講嘢﹐一堆含洋奴即刻狂吠 :
睇吓啦﹐國際場合都成個街頭蠱惑仔咁﹐流氓即係流氓﹐失禮死所有中國人呀...
人哋洋契爺文明即係文明﹐氣質高貴﹐言談優雅﹐邊有學中共咁只識言語暴力....汪汪汪

外交只係服務於國策﹐而唔係外交引領國策
北極熊經濟結構好簡單 - 賣石油天然氣賣礦產﹐賣軍火
所以咁多年嚟冇加入 WTO 都冇乜所謂﹐無欲無求

講起呢個卡塔爾
大家有冇留意舊年利比亞單嘢佢一路都好積極
有關中東、埃及、北非茉莉花運動都係佢哋個半島電視台報導
半島電視台其實就係山寨 BBC
卡塔爾係海灣六國之一﹐政制係君主立憲制酋長國
海灣六國係阿拉伯世界中最有米財主佬
因為有米所以可以支配阿盟 ( 阿拉伯聯盟 )
呢班財主佬主要係回教中尼遜派﹐目前佢哋最大靠山就係黑老大
而伊朗、伊拉克就係以什葉派為主﹐對頭就係尼遜派
所以佢哋樂於借黑老大拳頭打低伊朗﹐杜絕什葉派晌中東坐大
但其實黑老大亦唔想見到俾佢哋尼遜派坐大
因為尼遜派中瓦哈比教派係極端保守教派
幾個大財主佬唔係有咩本事而發達﹐純係地下大量石油
財主佬社會其實好脆弱﹐根本稱唔上係現代國家
因此既要靠黑老大照住唔好俾人吞咗佢哋 -  好似當年科威特咁﹐又怕得罪黑老大﹐搞個咩茉莉花就陷包散

所以佢哋向聯合國安理會附議趕敘利總統落台
( 順便更正昨日晌上面講錯 : 正確係摩洛哥向聯合國提出議案﹐阿盟起草議案 )
伊朗總統就嘲笑佢哋 : 你哋係世襲君主國﹐竟然要譴責敘利亞唔民主﹐呢樣嘢你哋自己都冇

引用:

原帖由 無神論狂徒 於 2012-2-7 23:35 發表
中國有point有原則，總之內政一律不干預。而事實係中國都唔想別人對自已內政指手畫腳。
敍利亞暴力鎮壓，係政府問題，橫加一腳，不見得高明。好如利比亞，北約加一腳，但不看好利比亞前景。

另開一條 THREAD 講呢個話題
呢度講中東 ﹐局勢不斷發展﹐有排講

好吖，我對中東局勢唔熟，正好補上一貨。