1#
大 中
小 發表於 2013-8-3 10:22 只看該作者
不打•短評31：天台(有內容)
不打評價：$9
不打總評：所謂「歌武」片既嶄新類型完全一廂情願，胡鬧粗糙不堪入目
好難想像拍得出【不能說的秘密】，卻可以咁認真地拍出【天台】呢套垃圾
唯一可能就係前片根本就係副導拍，周董只係指指點點
$9純粹俾周董夠薑片水試新野既膽量，套戲由頭到尾都係支離破碎粗糙乏味陳腔濫調
劇情一塌糊塗，頭個半鐘都只係靠藥房仔溝夢中情人歪星呢條粵語殘片橋撐住
橋段老土兒戲，TVB都唔會拍既沉悶劇情，拖足個半鐘，節奏鬆散，風格仲要前後不一
用歌舞片既角度看，場景唔華麗，舞步又騎哩，唱來唱去都係R&B同Rap
用動作片既角度看，打鬥場面其實少之又少，預告片都睇得晒，歌舞式武打完全突兀浮誇
用喜劇既角度看，肉麻當有趣，胡鬧當笑點，人設又三尖八角，笑位完全爛到粉碎
用愛情片既角度看，一場情人節歌舞加相片馬賽克就叫驚喜，感情交代粗疏片面漫畫化
周董桑原頭唔能識欣賞，仲要成9日梳頭chok樣，我睇到想嘔
女主角李心艾係新人，公仔樣甲組腳水桶腰，其實都幾肥膩下，花瓶層次既演技都做唔到
結局紅毛大開殺戒其實好荒謬，佢其實想點呢？你話脅持又唔係？覆桌又唔似？
其實紅毛同周董之前根本冇交代什麼直接衝突，突然仇恨咁深完全自圓其說
咁堆砌既粵語殘片霸王硬上弓加英雄救美，用黎做濕9結局已經係好膚淺既劇情
求9其落雨收柴周董打獲佢就收場啦，反正套戲黎到呢度已經完能全垃圾
仲要加場70年代既飛車追逐，唔識拍飛車虛心睇下【狂野時速】惡補下啦
結局斷橋互撞真心結構性地派膠，但最膠既原來仲有，果場首尾呼應
我只想到「最鋒利既刀都有生鏽既一日」姜大衛轉頭果下全場嘲笑
撞車抄落海幾十年後先醫返好，可能被鯊魚擔左去泰國再失埋憶掛？！
坦白講我好有期待睇呢套戲，睇完對周董好失望
對背後【賽德克•巴萊】製作團隊更失望，周董唔識，你地冇奶油睇住佢送死吧
試新野唔係問題，我一向好尊重，係套戲作為電影既基本標準都達唔到
唔係觀眾接受唔到套戲既新嘗試，而係觀眾接受唔到套戲既低質素！
唔好再瀨觀眾唔肯試新野得唔得！？周董你亳花幾千個，明顯自我感覺良好
但呢套明顯傷盡很多喜歡【不能說的秘密】觀眾的心，包括我同我老婆
周董，你收皮啦！！電影觀眾唔係盲從的，我們有思想，有視野
你果一套回去唱歌吧！
Youtube：港產不打
http://www.youtube.com/cheungsecond
Facebook：港產
http://www.facebook.com/cheungsecond
Weibo：港產不打_微博
http://weibo.com/cheungsecond
************************
港產不打
全職非牟利網絡打手
100%支持本地製作
乜戲都打，淨係唔打港產
************************
www.youtube.com/cheungsecond
www.facebook.com/cheungsecond
|
