55# 大 中 小 發表於 2008-8-21 13:55  只看該作者



天寶酒樓由細食到大,我成日係天寶隔離既錦泰隆米鋪玩架!!
聽媽媽講,第二座清拆後,天寶老闆同錦泰隆老闆一齊係鳳德村沙田坳道開鋪,不過已經冇做很多年了!!

[ 本帖最後由 發記大排檔 於 2008-8-21 22:11 編輯 ]

第   1 座   地下：屋邨辦事處     天台：信生小學
第   2 座   地下：商舖                 天台：伯特利小學
第   3 座   地下：商舖                 天台：使徒信生會小學
第   4 座   地下：商舖                 天台：華惠小學
第   5 座   地下：博志小學         
第   6 座
第   7 座   地下：萬慈/三樂小學 ?
第   8 座                                     天台：拔士小學
第   9 座   地下：萬慈小學         天台：中道小學        
第 10 座   地下：商舖                天台 :信義小學
第 11 座   地下：商舖        
第 12 座   地下：商舖                 
第 13 座   地下：商舖                 天台：慈孝及育英        
第 14 座   地下：商舖        
第 15 座   地下：商舖                 天台：神秘車衣工場？
第 16 座   地下：商舖                 天台：眉山小學        
第 17 座   地下：聖博德幼稚園        
第 18 座   地下：樂善堂小學        
第 19 座   地下：循道小學        
第 20 座   地下：商舖                天台：飛鵬小學        
第 21 座   地下：商舖           
第 22 座   地下：商舖                天台：美基小學        
第 23 座   地下：商舖                天台 : 宣道會宣恩小學                                 
第 24 座   地下：商舖        
第 25 座   地下：商舖        
第 26 座   地下：五邑幼稚園

第7座地下係萬慈定三樂小學 ?
第15座天台真係神秘車衣工場而唔係小學？
聖博德開校之後搶走唔少天台學校學生，加上學生升上中學，
小學生減少，唔少天台學校收生不足而結束，
之後有部份天台改為住宅，應該是1974-1978年之間的事了，唔知啱唔啱

我都有 d 疑惑，第2座望過去，應該隔條馬路就見到12座，但所見背景大廈又似乎遠左 d。
照片中又的確見到錦泰隆，會唔會係錦泰隆後來先搬去第2座？並且圖片中天寶酒樓仍未開業。
照片中還可看到李賀x 雜貨舖、棠記商店，有無人可以再証實一下？

提示: 作者被禁止或刪除 內容自動屏蔽

提示: 作者被禁止或刪除 內容自動屏蔽

[quote]原帖由 舊足跡 於 29-12-2008 11:14 PM 發表
係咪"有整洋遮(傘)"呢?? 以前d遮係木柄多，枝架都好"實淨"，布料又厚又大把，
修理就係換過其中已損壞既"骨"枝，或縫補布面，
個人就係背住成袋"架生"上樓叫"整洋遮"！
以當時黎講遮都幾貴，唔係都唔會有梁蘇記「純正鋼骨•永久包修」，厘個金漆招牌口號！
講開梁蘇記順便講佢係1966新蒲崗彩虹道24號地下，開左第八間分店，
以大眾化回鄉客為主，我都曾去買過遮架！

仲有點止整洋遮，其實可以維修得到既，當時都有人做，
比如話換暖水壼膽，仲有最環保既...............收"箕"水..

木棉花即係木棉樹或英雄樹果實裡頭既棉絮，早排咪飄到成街都係呀！
而春天所開既橙紅色花，曬乾就係你飲既五花茶其中之一花啦！
木棉花同油甘葉都係用黎做枕頭，不過亦有人買黎做棉襖同埋棉被！ [quote]


係呀..我講「有整鄭堅」嗰個就係上門修理洋遮..佢個樣好似好惡咁..

收餿水..我哋嗰度都有..佢一兩日揸架貨車嚟水房嗰度收架..
佢仲徒手揀啲骨聽啲街坊講佢收餿水係要嚟餵豬..

木棉花依家都有啲老人家執嚟晒乾..

耀盛隔離係藥房..三更半夜拍門都賣畀你..
藥房隔離係新興茶樓..轉彎單邊係膠袋加工舖頭..向住馬會診所嗰邊有打鐵舖頭..
輝記冰室.. 有成號..係賣麵粉油糧..轉番向26座嗰邊有個檔口仔係跛佬嚟架..賣生果..
跟住係舖頭有香星商店>>酒舖>>米舖>>雜貨店[好似叫同發隆]>>商店>>龍珠商店..出面擺兩部波子機..入面係畀錢睇電視>>
打鐵舖>>理髮店...

第 26 座   地下：五邑幼稚園..天保民學校[唐氏綜合症]學生..  
基督教學童修車工場..

天台係紫陽學校..後期改咗住戶

天寶茶樓應該後期搬咗去21座舊忠興茶樓地址..

第 14 座 地下商舖- 隸生冰室
第 14 座 天台-康樂小學

[quote]原帖由 Anti-air-gunner 於 1-1-2009 09:50 PM 發表
我同意 CB2138 的說法，應該是第 2 座向北那一邊，而非第 8 座。
理由如下：
1. 首先，從圖中人物的衣著，此圖應攝於六十年代初橫頭磡初建成之時。
記憶中那時候第 8 座地下是學校，沒有店舖。
2. 第 8 座旁沒錯是波地，但那波地高出第 8 座地面，較此圖中的高許多。
3. 圖中的「波地」有許多地盤施工木板，換言之，那裡是另一座興建中的大廈，並非波地。
4. 若然此圖係第 8 座，那麼遠處的大廈便應是第 19 座，但你可以看到，圖中遠近兩座大廈並不對齊，
這在橫頭磡來說很少見。（從地圖上可見，第 8 座與第 19 座係處於同一軸線，互相對齊。）
5. 符合不對齊規則的，只有從第 2 座遠望第 23 座，或從第 1 座遠望第 24 座。

當初我看此圖時，已懷疑是第 1 座或第 2 座，因為只有這兩處才符合上述特徵。
既然 CB2138 認識那裡的店舖，故此我相信他的說法是正確的。
圖中的大廈是第 2 座，搭了木板的地盤，是興建中的第 12 座，
遠處的大廈是第 23 座。
==========================================================================================================


我都認同呢幅相係第2座向北





從呢幅相片睇..1,2座同12,13座的而且確係不平衡嘅
但係我唔認同你所講12座係興建中
上圖嗰啲一條條柱可能係街市攞電啲柱..
亦可能影上面嗰張相片角度問題啱啱影唔到12座..

如有錯誤..懇請更正

細路仔嗰時經常去14座單邊向13座嗰度攞膠花番屋企穿架..

我都是讀18座地下樂善堂小學(上午校)..
最記得冬天返學時, 係好大風

Hello! 我係83年畢業.我家姐都係上午班 (79年畢業)

哦, 唔怪得我記得21座都有間天寶, 仲以為老人痴呆0忝!!

你實記得 "仁愛勤誠" 了

提示: 作者被禁止或刪除 內容自動屏蔽

提示: 作者被禁止或刪除 內容自動屏蔽

由其向北嗰啲課室仲大風呀..閂晒啲百葉窗都仲有北風吹入..好凍..

你邊有老人痴呆症吖..你仲帶咗好多回憶畀我哋..thx

我雖然唔係樂善堂學生, 但住18座, 故平時上上落落都睇住呢四隻大字, 所以印象深刻, 比自己學校嘅更熟悉 (美基的好似係 "篤信力學"),
呢d 校訓背後都是智慧結晶, 好有意思, 對住0黎做人處世都唔駛攪到符符轆轆.

多謝, 過獎啦! 還不是各位街坊夠長情, 不吝分享, 我總覺得橫頭磡的生活經歷是我們的一份成長閱歷的資產, 生活質素雖比不上今天, 甚至有些街坊的環境更可以艱苦來形容, 然而, 捱過的還不是靠一份打落門牙和血吞的毅力, 也許現今一代實在沒了這一份我們一代的氣質, 以至我們更懷念那段日子.

那段舊日子, 實在如酒般, 愈舊愈香醇

[ 本帖最後由 lamlamchem 於 2009-1-2 18:10 編輯 ]

我都係7?年畢業..上午校..確實就唔記得..
校長好似姓關(先生)..揸部Rover私家車..
仲記得一個體育老師..好似叫梁華聰..跛跛哋..好鬼惡架..
經常出藤條..木間尺對付我哋..

第   1 座   地下：屋邨辦事處              天台：信生小學
第   2 座   地下：商舖                         天台：伯特利小學
第   3 座   地下：商舖                         天台：使徒信心會小學
第   4 座   地下：商舖                         天台：華惠小學
第   5 座   地下：博志小學                  天台：
第   6 座                                               天台：
第   7 座   地下：萬慈/三樂小學 ?     天台：
第   8 座                                               天台：拔士小學
第   9 座   地下：萬慈小學                  天台：中道小學        
第 10 座   地下：商舖                        天台 :信義小學
第 11 座   地下：商舖                        天台：
第 12 座   地下：商舖                        天台：
第 13 座   地下：商舖                        天台：慈孝及育英        
第 14 座   地下：商舖                        天台：康樂小學
第 15 座   地下：商舖                        天台：神秘車衣工場？
第 16 座   地下：商舖                        天台：眉山小學        
第 17 座   地下：聖博德幼稚園         天台：
第 18 座   地下：樂善堂小學             天台：
第 19 座   地下：循道小學                天台：
第 20 座   地下：商舖                        天台：飛鵬小學        
第 21 座   地下：商舖                        天台：
第 22 座   地下：商舖                        天台：美基小學        
第 23 座   地下：商舖                        天台 : 宣道會宣恩小學                                 
第 24 座   地下：商舖                        天台：
第 25 座   地下：商舖                        天台：
第 26 座   地下：五邑幼稚園             天台 : 紫陽學校
                          天保民學校[唐氏綜合症]學生..  
                          基督教學童修車工場..


第7座地下係萬慈定三樂小學 ?
第15座天台真係神秘車衣工場而唔係小學？
第26座地下有咁多機構咩？
聖博德開校之後搶走唔少天台學校學生，加上學生升上中學，
小學生減少，唔少天台學校收生不足而結束，
之後有部份天台改為住宅，應該是1974-1978年之間的事了，唔知啱唔啱

[ 本帖最後由 林八八 於 2009-1-2 18:18 編輯 ]

艱苦通常都係父母..做仔嗰時通常係開心和無憂