【 阿標 睇 電視 】
打印 | 推薦 | 評分
2007-5-15 14:59

  阿標鍾意睇書、睇雜誌、睇電影.......睇好多嘢......還包括睇電視！

   睇完又鍾意口多多，近來成日都有上黎呢度見題目就發吓謬論，橫掂都係主觀地各抒己見，經常可以我手寫我心，輕輕鬆鬆，痛痛快快，與同道交流，齊齊月旦電視製作故事劇本對白創作角色人物塑造設計等等，不亦快哉！

阿標雖然喜歡睇電視，但時間有限，加上個人口味有所偏，許多黃金時間大路節目無睇，但看上眼的，無論幾夜幾不方便都錄下來細看！故此，以後或有熱門節目阿標答不上嘴的，非不能也，不為也！嘻嘻！


阿標今次開左個題，皆因昨晚看了亞視 9:30 pm「雪山飛狐」首播，有 d 野想口痕講番兩句，誰料入黎呢版不見「雪山飛狐」題目，嘻嘻，始有自行開題口水之舉！  若有污諸君法眼，實阿標之「罪」！   此亦為「序」也！
評論(349)
 349  3/14 ‹‹12345678910›››|



昨晚是星期四晚，是電視忙人阿標的大忙日！

既有已看開的  Six Degree、Unly Betty，又有新的 亞視國際台【 靈感應 】要看，但最不能錯過的，是長達三小時的有線 22 台 AXN 的第三季 【 Lost 】特輯和第一、二集！  唉 ！ 真是一集都不能少！ 隨錄隨看，眼花瞭亂！   睡不得也哥哥！

billchan Rank: 3Rank: 3
2007-6-8 18:08


Lost 如何？............

johncage Rank: 4
2007-6-10 00:43


引用:
原帖由 johncage 於 2007-6-10 00:43 發表
Lost 如何？............
  AXN 連續播三小時，過足癮，安排不錯！

第一小時的所謂【特輯】，是第一及第二季的劇情撮要，衹有情節大畧，沒有人物關係背景，十分滚水淥腳，加上用一把格格不入的尖亢男聲做 voice over，令人看得不舒服，不過，總算幫助觀眾溫習了一遍前事！

  提起前事，阿標覺得被 Lost 的編劇們捉弄了！在第一季時劇內許多空難主角初抵島上時拍下的伏線細節，迄今提也不再提，監製和編劇們可能先前不能預知此劇反應，不知製作多少季，故此故事沒有完整構想，而家現寫現拍，心力似乎都放到如何自圓其說方面，且看看創作人將來下筆如何自休！


第二、三小時 是【 Lost 】第三季的首兩集，仍算好睇，阿標的感想稍後再說！  

billchan Rank: 3Rank: 3
2007-6-11 12:48


【 Lost 】第三季的首兩集的場景回復簡單和集中，主要是 Jack，Kate 與 Sawyer 被擒後在神祕基地的遭遇，加上繼續 flash back 某些角色的前塵往事，相當易看，亦算有趣味，吸引觀眾的，正如劇中 Jack 被軟禁，甫見神祕基地矮仔首領 Ben 時，追問說的：「...what the hell is going on here？」

「 What the hell is going on here？」   

神秘島神秘基地是甚麽一回事？與眾主角有什麽關係？這正正是此劇的懸疑賣點！阿標現在倒有點擔心，將來謎團逐一揭開後，答案若過份簡單、幼稚和不通時，會引來一片反高潮的噓聲！

第三季頭兩集劇情中，比較觸目的離譜犯駁處，是神祕基地矮仔首領 阿Ben， 與一眾神祕居民，在戲中的 2004年9月22日晴天，抬頭望見天空中大客機解體墮下時，乜唔係會諗住空難中人，會全部墮機死哂既咩！最多都係去睇下有無遺物碎片血肉殘肢，睇下有無一個半個奇蹟生還者啫？      阿 Ben 竟然好似會預知有幾十個生還者，仲預知他們會來到島上聚成難民社區！ 好個阿 Ben，還在三＋秒內，决定派出兩人即時動身出發，吩咐他倆要混入難民內扮難民，以期在三日內取得難民名冊！咁都得.....唧...唧....真好野！

   神祕基地居民抬頭上望，巨大客機在晴天天際失事解體，後半截脫落，前截繼續前飛，出鏡飛墮，應該是本劇重要場面之一，未看者可趁這幾天 AXN 仍在播出時，找時間看看！

[ 本帖最後由 billchan 於 2007-6-11 16:26 編輯 ]

billchan Rank: 3Rank: 3
2007-6-11 14:55


【 Survivor 】上星期六播了本季（第十四季）大結局，國際台一口氣播了兩個半小時，結果一百萬美金被低調的 Earl 冷手執個熱煎堆，袋袋平安！

參賽者  Earl 從來無乜表現，祇因過程中與 54歲老教授 Yau Man 拍住擋上，而今季改了制度，最後一輪有資格被選者增至三人，阿 Earl 因為過程中得罪人少，結果以史無前例九票全票當選，獲獎金一百萬美元！

華矞的教授 Yau Man 機關算盡，以為價值六萬美元的車子，可彷效舊約聖經雅各換取長子名份的紅豆沙，換來最後三甲一席，可惜這個【生還者】遊戲，壓根兒不是一個 gentleman game！衰下衰下的 Dreamz，始終是個不要臉皮的無腦爛撻撻粗人，教你如何有 game sense， 也難用上博奕之道！嘻嘻.....一百萬美元，在 Yau Man 口袋前打個轉，就飛到 Earl 的袋中，人算人敗，命也運也，又一明例！

靚仔主持人預告下輯第十五季在中國某地湖區舉行，阿標且看看，到時又會否把中國某些少數民族與村落，拍攝得怪形怪相！

billchan Rank: 3Rank: 3
2007-6-11 17:34


引用:
原帖由 billchan 於 2007-6-11 14:55 發表
【 Lost 】第三季的首兩集的場景回復簡單和集中，主要是 Jack，Kate 與 Sawyer 被擒後在神祕基地的遭遇，加上繼續 flash back 某些角色的前塵往事，相當易看，亦算有趣味，吸引觀眾的，正如劇中 Jack 被軟禁，甫見 ...
o屋 o奧 ，無睇到添，唔怕，遲d AXN又會有marathon，一次過睇幾集

super720a Rank: 2
2007-6-11 21:15


標哥哥，我有興趣知道你對【CSI】同【CSI：Miami】呢兩套劇 o既感覺，因為兩劇小弟都唔係由season 1開始睇。即管睇下你有咩意見。

super720a Rank: 2
2007-6-11 21:19


引用:
原帖由 billchan 於 2007-5-22 14:51 發表
   周末周日凌晨時份，除了現場直播的足球賽事外，阿標也看了兩三個有線娛樂台 12台 重播的節目，確實播出時間也不細列了：

【 一粒鐘真人蘇 】  嘻，阿蘇力薦的 大坑「小白屋」，阿標早早已識去食了！

...
果晚無意中同女友睇左呢集, 諗住去試下啦, 點知星期六12:00點去到都一大村人, 問佢有無得book, 佢話week days就3星期後, 星期5,6,日就5星期後~~~~~

bbbear Rank: 3Rank: 3
2007-6-14 16:59


引用:
原帖由 super720a 於 2007-6-11 21:19 發表
標哥哥，我有興趣知道你對【CSI】同【CSI：Miami】呢兩套劇 o既感覺，因為兩劇小弟都唔係由season 1開始睇。即管睇下你有咩意見。
  super720a兄，謝謝你有興趣傾吓兩套 CSI，阿標家中個中文手寫板剛剛壞左！  等我整番好塊板，再講番我的小小個人意見！

billchan Rank: 3Rank: 3
2007-6-14 18:09


引用:
原帖由 bbbear 於 2007-6-14 16:59 發表

果晚無意中同女友睇左呢集, 諗住去試下啦, 點知星期六12:00點去到都一大村人, 問佢有無得book, 佢話week days就3星期後, 星期5,6,日就5星期後~~~~~
  bbbear 兄，香港地小人多，市面經濟稍旺，消費場所就常有爆棚之盛！  特別是食肆方面，小小的「電視名人」効應，蘇絲黃十分八分鐘的訪問，就把大坑的「小白屋」做成近期人氣神話，嘻嘻，其實此店水準，未高至跟它現今獲得的人氣度相稱，bbbear兄稍後才與女友去撑枱腳嘗試，亦不算走鷄！

說起來，阿標是去年秋天後，有一段時間，經常走入大坑區內食肆探探險，揾飯食！當時我試了不止一間，其實每間各有好壞處，有興趣可去返「飲飲食食」版再講下！其中「小白屋」予我的印象頗好，它以小店形式經營，價錢相宜，食物屬實在而不扮嘢一類，但水準跟 fine dining 或 美食 的要求，仍有好一段距離！故此，若你順手訂到枱，不妨去趁趁熱鬧，試埋佢啲抵食甜品！若訂不到枱去不成，也沒有錯過什麽正嘢！

  講番與「食」有關的電視節目，上星期六晚看了 TVB Pearl 8:30pm 的【 地獄厨房 】，TVB 播前的宣傳做到足，好似好大來頭與陣仗！但阿標看過第一集後，唉！  未在仔細形容記述分析之前，先以一字記之，此字曰：「 假 」！

[ 本帖最後由 billchan 於 2007-6-16 17:52 編輯 ]

billchan Rank: 3Rank: 3
2007-6-14 18:48


回復 #61 billchan 的帖子
忍唔住偷睇埋Prison.Break仲有三集！

johncage Rank: 4
2007-6-14 23:23


引用:
原帖由 johncage 於 2007-6-14 23:23 發表
忍唔住偷睇埋Prison.Break仲有三集！
仲有三集ja???

不過始終我都係鍾意24 more~~~

近排行開dvd鋪, 見到套由24第一任president做既 "Unit".......唔知得唔得呢

bbbear Rank: 3Rank: 3
2007-6-15 09:44


引用:
原帖由 billchan 於 2007-6-14 18:48 發表


  bbbear 兄，香港地小人多，市面經濟稍旺，消費場所就常有爆棚之盛！  特別是食肆方面，小小的「電視名人」効應，蘇絲黃十分八分鐘的訪問，就把大坑的「小白屋」做成近期人氣神話，嘻嘻，其實此店水準 ...
哦, 咁我過幾個月先去try luck lu~~~

btw, 我細你咁多, 唔好叫我"兄"~~~~

bbbear Rank: 3Rank: 3
2007-6-15 09:46


引用:
原帖由 bbbear 於 2007-6-15 09:44 發表

仲有三集ja???

不過始終我都係鍾意24 more~~~

近排行開dvd鋪, 見到套由24第一任president做既 "Unit".......唔知得唔得呢
無線仲有7集，我睇剩三集，今個星期會睇埋佢！

johncage Rank: 4
2007-6-15 12:06


引用:
原帖由 johncage 於 2007-6-14 23:23 發表
忍唔住偷睇埋Prison.Break仲有三集！
  嘻嘻....呢啲嘢真係無得忍既！有邊個能夠有定力，當成套 DVD 在手邊時，睇完一隻，唔跟手放第二隻入機吖？    除非果套劇垃圾到不得了！

  剩番三集，星期五的電視唔算多野睇，睇埋佢啱啱好！

billchan Rank: 3Rank: 3
2007-6-15 12:25


引用:
原帖由 bbbear 於 2007-6-15 09:46 發表

哦, 咁我過幾個月先去try luck lu~~~

btw, 我細你咁多, 唔好叫我"兄"~~~~
  咁你咪訂番一張遠期枱，到時才滋滋油油咁去試吓囉！


「btw, 我細你咁多, 唔好~~~~」    bbbear弟，乜果次冲涼時你裝過我咩~~~       

billchan Rank: 3Rank: 3
2007-6-15 12:33


引用:
原帖由 billchan 於 2007-6-15 12:33 發表



  咁你咪訂番一張遠期枱，到時才滋滋油油咁去試吓囉！


「btw, 我細你咁多, 唔好~~~~」    bbbear弟，乜果次冲涼時你裝過我咩~~~       
真係唔夠你講

bbbear Rank: 3Rank: 3
2007-6-15 13:48


引用:
原帖由 super720a 於 2007-6-11 21:19 發表
標哥哥，我有興趣知道你對【CSI】同【CSI：Miami】呢兩套劇 o既感覺，因為兩劇小弟都唔係由season 1開始睇。即管睇下你有咩意見。
   遲左講返呢個話題，真係唔好意思！

   surer720a兄，阿標同你有啲唔同，我在 season 1 開始時有睇【CSI】，但好快就無睇！  當時不看下去原因而家有點模糊了，大概是當時有太多電視節目要追，而 CSI 有點不對我個人口味吧！

【CSI】其實在美國很受歡迎，不但拍了多季，而且更有三個不同的城市為背景的三個不同電視劇集版本！我一向衹是間中有睇下，覺得以 Las vegas 為背景的那個製作好看一點，去年那一季的結局篇，探員被活埋地底待救那一集，是阿標完整地看完的最後一個 CSI 節目了！

話說回來，既然是受歡受又認真的製作，又有什麽不對我個人口味呢？

細想起來，皆因阿標看「偵輯破案」式的故事時，比較偏向喜歡看「古典浪漫式」的劇情和創作！     嘻嘻.....這是阿標從少看福爾摩斯、阿森羅蘋 和 Agatha Christie 等小說培養而來的口味！  阿標喜歡看劇情細節線索鋪排首尾呼應的巧思，喜歡看破案過程伏線處處的懸疑，喜歡看出人意料之外但又在情理之中的結局！但是，CSI 一般的公式，是查案至山窮水盡疑無路處，又有細微的新發現，通過現代科學知識和器材的鑑證，進一步獲得資料或證據來破案，這樣一來，節目內的科學知識和新奇資料多了，但劇情的設計巧思卻少了！ 這種直線式一步一步靠新發現的劇情推進，也許仍具相當吸引力，不過對阿標而言，就不大對口味了，所以，嘻嘻，阿標坦白承認，近幾季來，已甚少看【 CSI 】了！

[ 本帖最後由 billchan 於 2007-6-16 17:58 編輯 ]

billchan Rank: 3Rank: 3
2007-6-15 17:40


睇哂"逃"，都係大家估到劇情，冇驚喜，但期待第三季！應該會正過一！

johncage Rank: 4
2007-6-17 00:23


引用:
原帖由 johncage 於 2007-6-17 00:23 發表
睇哂"逃"，都係大家估到劇情，冇驚喜，但期待第三季！應該會正過一！
第二季 TVB 都算安排播出得幾緊貼第一季，希望第三季都快 d 有得睇！

billchan Rank: 3Rank: 3
2007-6-18 14:19


引用:
原帖由 billchan 於 2007-5-15 15:32 發表
  阿標經歷了八十五集的「朱蒙」晚上，昨晚卒之從慢吞吞，慢動作般的世界回過來，重新投入充滿港式電影感的「雪山飛狐」世界！

第一集通常一定是不惜工本、製作認真的所謂 pilot programme！「雪山飛狐」第 ...
小弟在大陆一篇论文看到，好多大陆传播界朋友对王老晶这套「雪山飛狐」有很负面的评价，他们说，第一集是拍得很好，但后面的，就不成，内容我不太记得，只记得当中一段是说“王晶版雪山飛狐应改名为：田归农传，因全剧都以田归农为主干。。。我不喜欢「雪山飛狐」的故事，从前也没看过电视版的，今次也不例外，所以是否如此，我就不知道了

求其 Rank: 4
2007-6-18 14:38


回復 billchan, johncage的帖子
話說係而家係AXN播緊 o既season 3會有神秘人出現
睇預告睇番黎

super720a Rank: 2
2007-6-18 17:40


回復 #73 super720a 的帖子
會唔會係白靈？............

johncage Rank: 4
2007-6-18 17:53


引用:
原帖由 求其 於 2007-6-18 14:38 發表

小弟在大陆一篇论文看到，好多大陆传播界朋友对王老晶这套「雪山飛狐」有很负面的评价，他们说，第一集是拍得很好，但后面的，就不成 ......
確是如此，頭幾集是送到電視台或給代理做辧，或放在展銷會賣埠的樣版，通常落足料，愈拍到往後，愈粗疏省本！  所以阿標看了三兩集便放棄追看了！且不論「雪山飛狐」作為小說本身的先天缺失和缺憾！

billchan Rank: 3Rank: 3
2007-6-18 20:53


引用:
原帖由 super720a 於 2007-6-18 17:40 發表
話說係而家係AXN播緊 o既season 3會有神秘人出現
睇預告睇番黎
我都有見過某些宣傳提 白靈 個名！

AXN 而家每次打孑子連播兩集，去片快，都幾好！

billchan Rank: 3Rank: 3
2007-6-18 21:05

 349  3/14 ‹‹12345678910›››|


發表評論
本文章已關閉或您沒有權限發表評論。