|
2008-4-5 22:32
Part3終於開始寫啦, 其實~~~我已經吾知寫D咩好啦, 因為P1我認為係最好睇架啦, 而家P3都同P2差吾多, 不過就多左出街野啦, 其他就無咩特特別啦.
首先, 我講下當地美食先…第三日, 我終於係佢出門口返工既時候同佢講 : 我要出去逛逛了, 不想留在家中, 悶死了……佢亦好擔心甘問我一個人出去怕吾怕盪失路, 當然我都有少少驚, 不過我平時都去開深圳, 都應該差吾多掛~~~吾理啦, 再吾出去行下, 返黎會好遺憾架嗎~~就係甘, 佢寫左2個地方名比我, 一個係SHOPPING既地方, 一個係LUNCH既地方, 「我中午去找你, 記住拿電話,我會發短訊給你」「嗯, 知道了, 我一會就出去了, 你去上班吧」,「你別太早出去啦, 太早去店還沒開門, 12點再出去」, 原來新疆除左天光比人慢, 連開舖都比人遲, 差吾多12點,我就出門去了, 打個的去到SHOPPING的地方5元, 吾使跳錶, 新疆起錶5元, 哈哈哈~~平到呀~~落左車, 行左一陣, 頂, 佢電話就黎啦, 問我係邊, 我睇下周圍有D咩, 叫左佢去開眼鏡店門口等我啦, 我岩岩買緊厚襪褲, 哇…原來那裡的厚襪褲真係好厚架, 香港係吾會買到架, 入面有”抓’毛架, 好暖…佢發左個短訊比的:「小姐, 你看一下吧, 附近有3家同名的眼鏡店, 你到底在那一家的門口?」…..頂, 我鬼知咩, 我又吾係原居民!~~甘細既地方, 都有三間, ….甘咪打電話比佢講話係XX商場門口等佢喔(我忘了叫什麼商場啦, 佢地D名都好娘架)我估應該得一間掛.
好啦, 終於相認返啦, 佢帶左我去一間外觀好有特色既餐廳食LUNCH, 我地入去, 哇~~好靚姐, 成個天花都係挑花, 而D傢俬都好靚, 以為梗係好貴架啦..呢間野叫”五月花” , 入面有”抓飯” , ’伴麵’…款式不多, 好專門店FEEL, 我地今次吃伴麵, 佢地的麵都是手工麵, 就係即叫即拉, 佢點左”肉碎伴麵” 和 “過油肉伴麵, ….開餐啦, 首先是”肉碎伴麵”黎左先, 一碟麵再加一肉碎, 麵質白裡帶淡黃, 入口好滑, 口感一流, 煙靭彈牙, 軟硬適中, 好麵………….再伴埋一碗睇上去好似免治牛肉既伴料, 一齊吃…伴料睇上去似免治牛肉, 其實肉好少, 主要係有洋蔥,青椒,紅椒,蘿蔔等蔬果切細粒煮成, 肉就真係少到有幾多啦都數到, 味道有少少酸辣, 幾開胃架, 而“過油肉伴麵,”….哈哈哈哈~~~同肉碎伴麵材料一樣, 味道都一樣(至少我分吾到味道有咩吾同啦)只係材料大塊左D, 我地食食下, 突然走左個美女出黎, 音樂起, 美女聞歌起舞…美女身穿新疆民族服裝打扮, 我拿起相機想影底佢既倩影啦, 點知吾知邊度走左個老板出黎阻止左我, 同佢講我係旅客想影下留念, 都吾比, …..失望, 好彩比我影個伴麵…係吾比影人, …..不過~~有甘好裝修, 又有美女贈慶…麵又好吃, 埋單都係20幾元, 我就覺得好低啦…
LUNCH完, 佢要返工啦, 本來佢叫我繼續行街, 行到佢收工再去吃飯, 哇~~吾係化, 我要行五個鐘頭~~~你估我身在日本咩, 行五粒鐘….咪搞, 都無野行既, 都係返去好D, 好凍…
話甘快又過左一日啦, 佢又如常6-7點返來, 休息左一陣, 8點左右就出去食晚飯啦….哈哈哈哈~~呢餐勁囉….你地估下我地去左食咩呢~~~登~~登~~登~~~登~~~~就係~~~~馬肉啦!!!~~~~@@@
甘都比我食到, 連我自己都估吾到, 起初佢話去食, 我都有D驚…怕好酥…..不過佢話, 天氣甘凍, 食左馬肉就會成身暖哂, 吾怕凍,…..甘…我咪去試下啦….好驚~~~~
係佢屋企行去大約5分鐘左右就到啦, 入到店內一坐下, 服務員馬上拿左2隻碗, 一個不銹鋼水壺過黎, 為我地倒茶(我以為是茶, 其實又係茶), 倒出來佢地叫做”奶茶”, 當然吾係香港既奶茶啦, 呢碗奶茶咸架, 睇上去就好似好稀, 奶多茶少既奶茶 , 飲落口, 味道咸咸地, 有D似眉豆再加腐竹一齊煮出黎晚味道, 本人就吾係好接受啦, 可能因為一早認為碗野應該係甜既, 點知飲落你咸既關係啦, 不過味道同湯水差不多, 不難飲架.
我地坐左一陣, 老闆就黎落單啦, 佢同我地講, 今日無馬腸, 得馬肉, 甘就叫左馬肉啦, 開頭我都有D驚自己食吾落, 又怕好難食, 你地知啦, 馬對我地香港人黎講, 好貴架嗎~~~點會想到會食佢架, 係佢食我地人既身家就有姐……總知就好驚啦……
等左10分鐘左右, 終於黎啦, E~~~個賣相, 幾討好喎…..好簡單, 一D都吾花巧, 好大碟…材料有馬肉,洋蔥,青椒同麵皮….好簡單…..每一片馬肉都大約切成5mm厚啦, 而洋蔥青椒都是切成大大塊, 馬肉煮好再加入洋蔥青椒, 再連馬湯淋在已熟了的麵皮上面, 上桌食得……..馬肉貌似豬肉, 口感又似牛肉, 不過沒有牛肉甘有浸味, 可是又比豬肉香口…當我吃第一口~~~我知道出事啦….真係可以用好味到吾停得口黎形容…………我敢寫包單, 任何人食(食齊例外)都會讚不絕口, 吾會有人捨得留下一粒肉, 一塊麵皮在碟上…麵皮因為在我品嚐緊馬肉既時候, 暗地裡已經吸收哂馬湯既精華啦, 成條麵皮成尺長, 寸半闊, 當然亦是人手整出黎架啦, 質感同拉麵一樣煙靭彈牙, 軟硬適中, 再比佢吸收左馬肉湯既精華, 我保證, 如果你地一齊去食, 可能會為左食最後一塊大打出手都吾出奇~~哈哈哈…總之一句講哂, 新疆必食美食非佢莫屬…一試難忘呀….食完真係成個人暖哂, 出去都吾覺凍喔~~~真係神奇啦,
佢講我知, 原來馬肉好燥架, 冬天吃完會成身發熱架, 聽講重令男人好勁tim…天氣凍先食架, 不過如果好似香港甘既天氣, 食左可能會口爛,爆瘡,喉嚨痛, 流鼻血…….要飲清熱酷啦…哈哈哈…..待續
[ 本帖最後由 38 於 2008-4-6 00:37 編輯 ]
 附件: 您所在的用戶組無法下載或查看附件, 請嘗試多貼文章獲取積分，積分超過 120 或特定用戶組方可查看.
|
38姐，加油啊！
我係呢度幫你加油打氣！
一睇個樣就鍾意 ~~ 
呢次阿標都知道自已會出事啦 … 一定會心思思去食到為止！ 
呢次「尋找他鄉馬肉的故事」真係可能會慘過追女仔！ 
啊 ~ 還有一點，你飲果種“奶茶”大概是“酥油茶”吧！酥油茶是中國西北某些少數民族的日常飲料 ..... 阿標都飲過好幾次！ 
唉 ~~ 各有前因莫羡人！「人哋 38 姐姐佢圖文並茂」，因為 38 姐姐有美滿精采新疆之行，阿標呢？ 得個恨字 ..... 唔知幾時有得去玩 ...去食「馬」肉 ...... 
, 我粒聲吾出, 就走左入房, 大字型灘左係床, 發左個短訊比佢, 大意是說” 我來新疆是看你人的, 不是來看你跟別人發短訊的”..甘上下啦, …..跟坐無幾耐, 佢就叫我一齊返佢屋企啦….那一晚..我就無同佢謂過野啦, …吾知係吾係食左馬肉呢~~個人特別燥
冷戰最無謂，破壞了心情，浪費了一天！