橫頭磡徙置區街坊齊來聚腳
打印 | 推薦 | 評分
2008-6-29 01:53

酒越舊越香醇, 對橫頭磡舊區的印象也一樣, 懷念之情, 揮之不去

[ 本帖最後由 lamlamchem 於 2008-6-29 01:55 編輯 ]

 附件: 您所在的用戶組無法下載或查看附件, 請嘗試多貼文章獲取積分，積分超過 120 或特定用戶組方可查看.
評論(2555)
 2555  6/103 |‹‹‹45678910111213›››|



當然記得攔河的臘蠋長蛇陣, 要同對面座樓兼且同一層嚟過大比併, 以前真的很熱鬧, 同層的小朋去上下一心, 不惜公本, 齊齊出動去放蛇陣. 如果有這類相片看就更加好, 可以懷緬一番.

annalai Rank: 1
2008-9-16 01:23


引用:
原帖由 annalai 於 2008-9-16 01:23 發表
當然記得攔河的臘蠋長蛇陣, 要同對面座樓兼且同一層嚟過大比併, 以前真的很熱鬧, 同層的小朋去上下一心, 不惜公本, 齊齊出動去放蛇陣. 如果有這類相片看就更加好, 可以懷緬一番.
係呀..都係覺得以前有氣分D.開心D.....

迷途小羔羊 Rank: 1
2008-9-16 16:55


回復 127# 的帖子
是呀, 我找了很久也找不到, 連不是橫頭磡的也沒有, 莫非這個火龍臘燭陣只可存在大家記憶之中...??

lamlamchem Rank: 1
2008-9-16 23:56


引用:
原帖由 lamlamchem 於 2008-9-16 23:56 發表
是呀, 我找了很久也找不到, 連不是橫頭磡的也沒有, 莫非這個火龍臘燭陣只可存在大家記憶之中...??
有啊!基本上臘燭,摩士放船仔都找到,或者有機會找來比大家看看.

yesterdaywth Rank: 1
2008-9-17 00:05


是否按東, 南,  北三條路將橫頭磡整區圍起來, 中間加條橫頭磡中道及富美街?   大家覺唔覺這樣工整的設計在其他屋村較少見. 仲有, 唔知點解無咗橫頭磡西道呢條路

[ 本帖最後由 lamlamchem 於 2008-9-17 20:51 編輯 ]

 附件: 您所在的用戶組無法下載或查看附件, 請嘗試多貼文章獲取積分，積分超過 120 或特定用戶組方可查看.

lamlamchem Rank: 1
2008-9-17 16:31


Hello !!!!!!!!!!!

 附件: 您所在的用戶組無法下載或查看附件, 請嘗試多貼文章獲取積分，積分超過 120 或特定用戶組方可查看.

CB2138 Rank: 1
2008-9-19 21:02


one more photo.

 附件: 您所在的用戶組無法下載或查看附件, 請嘗試多貼文章獲取積分，積分超過 120 或特定用戶組方可查看.

CB2138 Rank: 1
2008-9-19 21:08


回復 133# 的帖子
CB 2138 兄, 介唔介意講講你和橫頭磡有何淵源

[ 本帖最後由 lamlamchem 於 2008-9-20 00:06 編輯 ]

lamlamchem Rank: 1
2008-9-19 23:16


Block 23 of Wang Tau Hum estate. ( 1980's )

 附件: 您所在的用戶組無法下載或查看附件, 請嘗試多貼文章獲取積分，積分超過 120 或特定用戶組方可查看.

CB2138 Rank: 1
2008-9-19 23:25


引用:
原帖由 yesterdaywth 於 2008-8-15 23:29 發表


其實大家玩的大至相同,每一段片段,是個人回憶,亦是大家集体回憶,摩士的石船已被拆,真可惜,政府真的不知道,石船對於在橫頭磡或樂富長大的人,有多重要.

有首歌,對於我來說,幾有感覺,因小時常到獅子山玩,並且也是 ...
弟當年住在二十一座，向摩士那邊是停車場。當年大家姐等劇也在那兒拍攝，二十座的酒家常有明星在喝茶。摩士早上也有明星跑步。石船拆掉了我也很不開心了很久很久。

 附件: 您所在的用戶組無法下載或查看附件, 請嘗試多貼文章獲取積分，積分超過 120 或特定用戶組方可查看.

kkchung Rank: 1
2008-9-20 01:38


提示: 作者被禁止或刪除 內容自動屏蔽

Anti-air-gunner Rank: 2
2008-9-20 17:13


提示: 作者被禁止或刪除 內容自動屏蔽

Anti-air-gunner Rank: 2
2008-9-20 17:15


提示: 作者被禁止或刪除 內容自動屏蔽

Anti-air-gunner Rank: 2
2008-9-20 17:39


引用:
原帖由 Anti-air-gunner 於 2008-9-20 17:13 發表


這圖不是橫頭磡。
要從相似角度拍攝橫頭磡23座，
圖中左側應有一條石級樓梯，左側不應有這麼多樹。
這圖真的是橫頭磡23座,23座左邊是冇樓梯架!!
圖片係好後期的23座,橫頭磡中道已經由街市變成了行車路,
圖左邊已經起了樂富中心,因為斜坡已組削平變了直牆.
圖右邊樓梯行上去,有一間因受第二座清拆而搬到23座的五金店(細仔花名叫"柯志").
他現時已搬到旺角鼓油街黑布街鴻都大廈地下繼續經營.
而左邊地下橫頭鋪頭,後期是一個受第8座9座綠屋仔清拆而搬到23座的改衣服伯伯.因為細路仔時返學既西褲太長,都是全部比伯伯改短,伯伯搬了上去,我都有成日去跟他聊天.

[ 本帖最後由 發記大排檔 於 2008-9-22 10:28 編輯 ]

發記大排檔 Rank: 1
2008-9-22 10:11


回復 123# 的帖子
lamlamchem ching,

最下圖的天井走廊,不是橫頭磡的7層,是石x尾的一種.
因為橫頭磡的7層走廊的牆是有一平台仔擺東西,
你諗諗中秋節點玩排燈的情況!!

發記大排檔 Rank: 1
2008-9-22 10:21


回復 141# 的帖子
對, 這幅相是身邊隨手找來比大家回憶吓d 感覺, 拋磚引玉啫!
下圖是 1963 年村內某座地下, 有無人知是第幾座呢?

 附件: 您所在的用戶組無法下載或查看附件, 請嘗試多貼文章獲取積分，積分超過 120 或特定用戶組方可查看.

lamlamchem Rank: 1
2008-9-22 20:34


尋地點
橫頭磡真是唔簡單, 除了 "獅子山下"常在 24 座拍攝外, 馬會clinic 雷達山也常用來拍外景, 還記得有次在馬會診所外睇住張瑛叔拍戲, 當年已潚洒不再, 成個伯父咁, 呢輪亞視深夜重播新變色龍, 仲可見番佢.
下低幅相個亞伯來頭仲大, 唔知大家知唔知佢係邊位及他巡視第幾座??

 附件: 您所在的用戶組無法下載或查看附件, 請嘗試多貼文章獲取積分，積分超過 120 或特定用戶組方可查看.

lamlamchem Rank: 1
2008-9-22 20:47


引用:
原帖由 lamlamchem 於 2008-9-22 20:47 發表
橫頭磡真是唔簡單, 除了 "獅子山下"常在 24 座拍攝外, 馬會clinic 雷達山也常用來拍外景, 還記得有次在馬會診所外睇住張瑛叔拍戲, 當年已潚洒不再, 成個伯父咁, 呢輪亞視深夜重播新變色龍, 仲可見番佢.
下低幅相個亞 ...
是最後第四任港督麥理浩,
我估是第8,9座中間的綠屋仔,面向第5,6座,因為最後面的新樓是宏暉樓,右邊是第8座,因為82年我已搬到第8座地下住!!
佑中有冇獎!!

[ 本帖最後由 發記大排檔 於 2008-9-23 09:39 編輯 ]

發記大排檔 Rank: 1
2008-9-22 22:43


有冇舊街坊記得17座地下教會派的牛奶、麪粉、油等物品在80年代真的幫了我們很多，在此講聲多謝！

後生仔 Rank: 2
2008-9-23 17:15


引用:
原帖由 後生仔 於 2008-9-23 17:15 發表
有冇舊街坊記得17座地下教會派的牛奶、麪粉、油等物品在80年代真的幫了我們很多，在此講聲多謝！
盂蘭節在17座地下聖博德幼稚園試過去玩排米,超迫人,一次之後,再冇排過!!

發記大排檔 Rank: 1
2008-9-23 17:50


回復 145# 的帖子
記得, 但似是六十年代尾70年代初, 我當時住18座, 唔知點解要排, 屋企似乎唔係好等住開飯.

lamlamchem Rank: 1
2008-9-23 20:21


回復 146# 的帖子
排米就未排過, 但波地d 神功戲就好有印象, 日夜唔停, 成晚 "技機顧技機", 唔係 "架技noun" 唔識聼都幾係

lamlamchem Rank: 1
2008-9-23 20:28


有冇人記得第九座三樓,樓梯口有字花檔? 唔知其他座有冇呢? 係唔係好多師奶,亞叔都鍾意買吓? 因我當時太細, 不懂字花是甚麼回事, 是否可以贏大錢?

[ 本帖最後由 annalai 於 2008-9-23 20:52 編輯 ]

annalai Rank: 1
2008-9-23 20:49


回復 149# 的帖子
18 座3樓向天井也有一檔, 我同老媽子就買唔少, 其實當時太細, 唔知細節, 好似有狀元, 夫人, 探花, .... 四個一組共36個選擇, 買中佐就 一賠31, 當然唔可以一賠36 啦, 長遠計你都會究輸比莊家.

lamlamchem Rank: 1
2008-9-24 12:16


補充字花
今 日 同 你 回 憶 一 吓 ， 1961 年 呢 個 時 候 ， 好 多 男 女 都 忙 於 一 種 賭 博 活 動 ， 呢 種 就 係 字 花 賭 博 。 話 說 四 十 七 年 前 嘅 呢 個 時 間 ， 沉 寂 多 時 嘅 字 花 又 再 次 大 行 其 道 ， 喺 香 港 東 區 一 帶 瘋 魔 咗 唔 少 婦 孺 ， 佢 哋 攞 住 字 花 題 ， 日 思 夜 念 ， 攪 到 頭 瘟 腦 脹 ， 有 啲 就 同 老 公 閙 哂 交 ， 有 啲 因 為 沉 迷 字 花 而 債 台 高 築 ， 最 後 被 逼 一 走 了 之 。 其 實 賭 字 花 ， 有 另 一 個 雅 號 ， 叫 射 古 人 。 話 說 字 花 係 分 咗 三 十 六 個 號 碼 ， 每 個 號 碼 代 表 一 個 古 人 ， 或 者 三 十 六 種 動 物 ， 甚 至 三 十 六 種 職 業 都 有 ， 每 次 由 開 字 花 嘅 莊 家 ， 即 係 所 謂 字 花 廠 嘅 師 爺 ， 出 一 啲 似 是 而 非 嘅 花 題 ， 就 好 似 賽 馬 嘅 貼 士 一 樣 ， 而 啲 賭 仔 就 依 照 花 題 嘅 意 思 ， 估 吓 師 爺 嘅 心 理 而 落 注 。 其 實 所 謂 花 題 或 者 貼 士 ， 亦 都 俗 稱 口 電 ， 呢 啲 花 題 ， 都 係 一 啲 分 散 買 家 精 神 ， 吸 引 佢 哋 下 注 嘅 技 倆 。 事 關 師 爺 所 畀 嘅 花 題 ， 都 係 模 稜 兩 可 ， 例 如 其 中 一 段 花 題 係 “ 森 羅 殿 ， 閰 君 板 鐵 面 ， 善 惡 分 明 。 ” 而 貼 士 就 係 “ 人 人 心 服 ” ， 咁 你 又 估 係 邊 個 古 人 呢 ？ 另 外 一 個 花 題 係 ， “ 華 清 池 ， 貴 妃 洗 祿 兒 ， 恃 寵 生 驕 。 ” 貼 士 係 “ 引 佢 作 反 ” ， 你 又 估 唔 估 到 係 邊 個 古 人 。 當 年 嘅 字 花 ， 係 一 賠 二 十 八 ， 除 本 之 外 ， 有 二 十 七 蚊 利 潤 ， 所 以 當 年 吸 引 唔 少 人 幫 襯 ， 不 過 字 花 有 三 十 六 瓣 ， 所 以 開 字 花 嘅 莊 家 ， 基 本 上 係 贏 梗 。 而 且 莊 家 鐘 意 開 乜 就 開 乜 ， 無 需 要 向 賭 仔 解 釋 。 莊 家 每 次 開 彩 ， 通 常 都 係 最 少 人 買 嗰 一 瓣 ， 佢 就 開 嗰 一 瓣 。 有 啲 識 字 嘅 賭 仔 ， 當 然 猛 估 啲 花 題 究 竟 提 示 啲 乜 嘢 ， 如 果 唔 識 字 嘅 賭 仔 ， 點 樣 揀 字 花 ， 可 以 講 係 千 奇 百 怪 ， 有 啲 係 靠 夢 境 入 面 睇 到 啲 乜 嘢 ， 作 為 投 注 嘅 參 考 ， 亦 都 有 賭 仔 以 出 門 第 一 眼 見 到 乜 嘢 ， 就 買 乜 嘢 古 人 ， 有 人 用 求 簽 嘅 方 法 ， 或 者 隨 意 問 啲 細 路 買 幾 多 號 ， 靠 撞 口 掛 ， 簡 直 係 無 奇 不 有 。 其 中 一 個 傳 聞 ， 既 可 笑 亦 可 悲 ， 話 說 有 個 婦 人 ， 相 信 一 種 叫 “ 元 寶 蓋 面 ” 嘅 方 法 可 以 求 得 靈 簽 ， 所 謂 “ 元 寶 蓋 面 ” ， 就 係 等 一 個 人 熟 睡 之 後 ， 用 元 寶 遮 住 佢 塊 面 ， 再 點 起 香 燭 去 拜 佢 ， 即 係 將 瞓 著 嘅 人 當 死 人 拜 ， 然 後 即 時 求 簽 ， 聽 講 咁 就 可 以 求 到 靈 簽 ， 結 果 呢 個 女 人 真 係 咁 做 ， 佢 嘅 奶 奶 啱 啱 重 病 瞓 喺 床 上 面 ， 個 女 人 照 辦 煮 碗 ， 求 到 簽 之 後 即 刻 趕 去 買 字 花 ， 但 係 佢 唔 記 得 將 蓋 住 佢 奶 奶 塊 面 嘅 元 寶 攞 走 ， 結 果 個 女 人 雖 然 中 咗 字 花 ， 但 係 個 奶 奶 就 焗 死 咗 ， 呢 個 雖 然 係 傳 說 ， 亦 都 足 以 証 明 當 年 嘅 字 花 點 樣 害 人 。 不 過 政 府 為 咗 打 擊 字 花 ， 喺 1975 年 開 辦 六 合 彩 ， 將 呢 種 民 間 賭 博 活 動 真 正 咁 禁 ?? 。 不 過 ， 賭 嘅 方 法 可 以 禁 ?? ， 但 係 中 國 人 愛 賭 嘅 習 性 ， 又 似 乎 係 禁 之 不 ?? ！

 附件: 您所在的用戶組無法下載或查看附件, 請嘗試多貼文章獲取積分，積分超過 120 或特定用戶組方可查看.

lamlamchem Rank: 1
2008-9-24 12:28

 2555  6/103 |‹‹‹45678910111213›››|


發表評論
本文章已關閉或您沒有權限發表評論。