|
|
2008-7-18 18:13
想同大家分享一下我的一次經歷：
件事發生喺今個星期一．嗰晚到麥當勞食嘢,看見週圍的飲筒盒都無晒飲筒,於是問收銀攞.佢一面攞比我,一面解釋話嗰日係"無膠袋日",所以冇放飲筒喺盒,來響應環保.我個心有點唔順,佢地嗰杯汽水個蓋係用膠造,既然人人唔用飲筒,要揭開個蓋來飲,點解唔索性連個蓋都唔比?咪更加環保!
跟住仲激氣.行埋位坐低,望一望週圍,發現全部用膠造的食具仍然照舊使用,單係唔比用飲筒!尤其是嗰隻粟米粒,用一個膠杯裝住,再加一個膠蓋,另外附上一個膠匙羮.咁仲叫做響應環保????
擺明係麥記不嬲都比人鬧唔環保,所以係咁咦收起D飲筒,叫做做過吓嘢,但係根本完全本末倒置.
我決定未來日子不再光顧麥記! |
|
