搵唔返以前寫既文章，小弟就隨便寫下「一般」 黎北京出差既人/可以去玩既地方（集中在城區東邊），我知道有好多兄弟有時住西邊或者南邊，我遲D再寫，等唔到我呢個漏氣鬼就PM我啦

---------------------------------------------------------------------------------------------------
開飯:
出差通常都有飯局，如果唔使應酬，得返一個人，可以簡簡單單去茶餐廳：

茶餐廳 ： 一般結集在北京城的東邊, 尤以國貿、朝陽門附近較多，從以前九十年代既「不見不散」（呢個冇左咯），到「金湖」、「金沙嘴」、等等。

特色「食」地方：簋街（讀音：鬼）
晚飯宵夜美食街：如果好食辣、火窩、或各省各地菜菜，就自己坐車去「簋街 / 東直門內大街」 街頭落車，行下睇下，自己選一間試試。

街長約1000M，所以，大哥你慢慢行  

現代城 SOHO
位於「大望路」地鐵站上邊，本來係一個小商住小區，依家變成一個餐館+咖啡鋪聚集既地方，食點推薦既有雲南菜「茶馬古道」，貴州酸菜魚等等
附近有個叫 「建外SOHO」，位於國貿附近，都係同類型既FOOD COMPLEX。。。

後海（什殺海）：
位於故宮北邊，係一眾「潮」食地方。。有D鋪玩FUSION，有D玩私房。沿住湖邊行行，拍拖勝地。順住行有D沿「海」/「湖」酒吧，坐係湖邊露天飲下酒，吹下水，自己去感受下啦。。重有一條賣「煙」有關既紀念品街。。再行入D就係西海。。有宋慶齡博物館，幾出名既「孔乙己」飯館。

--------------------------------------------------------------------------------
夜生活 -
朝陽公園西門 - 一個近四五年新興既酒吧區, 原因係有好多EXPAT住個頭, 所以個邊開左好多食市酒吧, BAR有SUZIE WONG(老蘭TYPE), GOOSE&DUCK(英式), 有茶餐廳, 有各國美食.......

三里屯：分「南街」/「北街」, 北街為一般人所認識的"三里屯酒吧街"，亦臭名遠播，皆因係此街一落車，就一堆「拉皮條」，好似蜜蜂禁，千其唔好跟人去個D黑店，我有D日本朋友試RMB300一杯可樂，不過此街上正路既門面酒吧就冇問題，去既都係年青一族，係北京學生既消費力一D都唔弱。

「南街」，有「夜色 YES」，為王菲夫婦有股份既, 屬於DATING BAR，重有D鬼佬HANGOUT既地方，不過就隱蔽D，問下人就得。。旁邊係 「贏科中心」（係，PCCW TOWER）。有幾間DISCO，酒吧，如滾石，LOFT。。。。

DISCO (迪吧) ：首選工體個邊(打的叫"工體100"門口就得)開左七八間DISCO, 有BABYFACE,ANGEL,CARGO,美麗會..係現在全城最火..

重有一條 「大都酒吧街」- 係（北邊）亞運村個邊，位置在中日友好醫院向北100/200M，雖然個道有D冷清，不過有D少數民族表演、民歌，幽靜有情調。冇地方去既可以試試既。

唱K：大既連鎖店如「錢櫃」、「麥樂迪」都係首選。設備、裝修同歌可以比得上NEWAY同加洲紅，一大班人週末去既重要早早訂位。北京東南西北城區都有分店。
-------------------------------------------------------------------------------

寫住禁多先  

我雖然安左家係BJ成五六年，但係成日要跑省跑地市。。。都幾好玩既 下次可以試下 "過橋廬魚"、辣辣肥腸、自「讓」既米酒。。。拉手拉腳，係拉你去第二條街D酒吧。。。北街D門面全部都係正當既，邊間都冇事北京生活指數（腐敗個隻）係全國之首（含港澳台），以前天上人間KTV（未接前，雖然依家開返咯）試過6條友4個鐘洗左3皮野（重係冇下場個隻）依D地方都差不多冇曬香港人既足跡。依家去玩既大部分都係LOCAL北京人。真係十幾億人養住佢地去FB。。。TMD！！後邊。。EXACT ORIENTATION 係贏科既西南角

返到屋企又搵到D BACKUP：

以中國民族特色為主既「菜」-：-
PS： 北京食野當然重有D好D既，不過先介紹D地方乾淨、坐得舒服D先，想去LOCAL D既PM 我，有時間既可以大家約埋一齊去

阿凡提（新疆） 係平安大街

摩瑪（雲南小數民族）係大都酒吧街，係新既地方，係北三環中日有好醫院往北1KM

川菜 - 「火窩」有皇城老媽（國貿往南500M）「水煮魚」有沸騰魚香（賽特店、三里屯店比較難搵、崑崙飯店對面、西城個邊有個係「北航大學」對面）

雲南菜 - 「茶馬古道」，呢間請客都OK架，不過要等位。

烤鴨 - 可以去連鎖店「全聚德」，我個人喜歡去和平門個間（平D）、前門、燕沙中心旁京信大廈都有。食得刁D可以去北鳳翔胡同入邊「利群」或者長虹橋底既「大董烤鴨」

小食 - 呢個就集中係王府井步行街個邊，街尾有大約50個熟食檔，不過步行街中間都有一條小「小食」街入邊都會有D驚喜

---------------------------------------------------------------------------
透下氣先  

提示: 作者被禁止或刪除 內容自動屏蔽

不錯, 不錯, 努力, 努力

提示: 作者被禁止或刪除 內容自動屏蔽

good... good

0岩0岩去完后海(什殺海)返黎，
星期五晚兩個人要收最低消費RMB300，
問左幾間Bar都係收呢個價錢，
北京0既消費都真係幾貴•

我除左有飯局要出席、要带朋友做 “北京ORIENTATION” （）之外, 一般什少去後海蒲...

上個禮拜日凌晨, 有兩個FD出黎, 去KTV又太晏, 就走去茶馬旁邊個間吧, 個間去過幾次, 貪個道有上樓同樓上落地大大玻璃個VIEW幾靚