[原創] 埃A road show

真人真事!
如果你係從事保險嘅, 唔該比d heart, 開單先諗吓對方啱唔啱用. 咪只諗自己份佣金
如果你家有老人家嘅, 提吓佢, 多d同家人討論, 唔好隨便買保險
我老豆都六十有幾啦.
上星期日响觀塘有個A埃A 經紀向佢推銷一個5年嘅資Plan,月供需$1196.
張單要先俾頭3個月錢至可以運作.
當時我老豆無咁多現金, 只係比咗$1169現金.

嗰晚, 我老豆打電話同我講喱單嘢...
我心諗: 好彩你今日同我講, 都未過30日, 可以退錢.
咁咪諗問我老豆拎膂d嘢, 同佢退保囉.
點知都個經紀收咗現金無開發票!!

死啦, 會唔會係街頭行騙呢?
好彩都有張公司名片, 有手機號碼, 咁我試吓打俾個經紀,同佢講張單唔做啦.
但電話係無人接...

我再打俾我老豆, 同佢講無人接電話.
我老豆開始擔心真係俾人扼, 後尾去咗警局報警.
警局有人抄倒個經紀, 個經紀先至打電話俾我. 都係2 個幾鍾頭後嘅事啦...

經紀: 本應張單要俾晒3個月錢至可以運作, 但你爸爸唔夠現金, 咁我先收1個月錢, 星期一返公司同佢俾住d尾數開咗張單先, 之後先至有收據嘅.
我: 我老豆唔夠現金你咪唔好收,  再約見面時先一次過收膂錢囉, 點可能收咗錢但無開發票. 唔係好啱喎, 好似街頭行騙咁!
經紀: 但係喱d係公司定嘅, 佢俾1個月錢張單係唔可以生效家.
我: (都唔想同佢講咁多) 我爸爸唔買啦, 你星期一都唔洗同佢埋d尾數開單, 你快d退錢啦.
經紀: 我想先同你見面再解釋件事,.....
我: 我只係想退錢! 喱張單根本唔啱我爸爸 !

最後,同個經紀約好幾時見,攞返錢,同埋有簽過名嘅文件.
其間, 個經紀打過電話俾我老豆, 想撓過我另外約我老豆去遊說. 我知道之後叮囑個經紀唔好再打電話俾我老豆, 有咩都係打俾我.

到咗約定嗰日....
本來是約好6:00pm.經紀小姐再次找我老豆, 提早見面, 改為3:00pm, 想避開我.
我返緊工,根本唔可能3:00pm走出去.
唯有打電話俾喱位經紀小姐, 叮囑佢攞返完整一份文件同埋錢交俾我老豆.

我: 梁小姐, 你再改時間提早見面, 唔該記得攞返完整一份文件同埋錢交俾我老豆.
梁經紀: 我知道, 但係我6:00pm黎唔到, 可唔可以改為6:45pm呢
我: 既然你同我老豆3:00pm都見咗面,俾返晒d嘢, 我同你都不必再見啦?
梁經紀: 但係我想同你見面, 講解正件事, 我覺得你誤會咗.
我: 我好簡單, 只係要返完整一份文件同埋錢, 我同你係無再見嘅必要!
梁經紀: .....咁好啦, 我3:00pm俾返晒d嘢你爸爸就算, 唔見就唔見啦!

相隔十幾分, 我收到一個梁經紀發出嘅SMS:
我想搞清楚,其實我可以不理會你,因為我接觸的是你父親,但我尊重你, 才和你交涉,
你的幼稚令我可笑,
第一,究竟您明不明白什麼叫次按,再者只是港元1169,不是一千幾百萬,
我實在為X生感到難過, 自己的事不能作主.
現在是你不敢見我! 請你檢討你自己
A埃A 梁小姐

喱個MSM無厘頭提到次按, 除咗表達佢好慶之外,都唔知想講D咩!
我只係諗到係喱位梁海山小姐,因為次按搞到好唔店, 周街推銷, 連一個六十幾嘅人都叫佢做月供投資Plan.

完結篇...

到最後,總算攞返d錢, 但喱位梁經紀只係張我老豆d簽名剪晒出黎, 俾返d簽名就算.
整個過過程佢上司都話自己在場喎

我本人對保險無偏見, 都有買不同類型嘅保險
但A埃A喱位梁經紀同佢上司真係令人大開眼界. 掛羊頭,賣狗肉, 都震震有詞.

如果有A埃A嘅人睇到喱單嘢, 唔該你地搞D Course 去俾喱位同事 upgrade吓推銷手法, 表達能力同EQ啦.
欠缺產品知識, 只係識得send D 無厘頭Message發老四, 令公司形像破產.
喱個人叫梁海山呀! 佢上司叫胡覺霞呀!
唔好再俾地佢搞到A埃A好似賣寶藥咁