係, 李書文係八極拳既宗師. 最有名氣兩個徒弟為霍殿閣,劉雲樵.
你開頭問既問題都幾奇怪. 點解香港咁細咁少草既地方都有咁多人踢波呢? D埸細過小童版籃球場, 咁多場上技巧用唔到既石屎地都踢得咁開心?
打波、游水、做瑜珈、行山都得.....
打波, 一個人好好打?
游水, 如果得5分鐘時間你沖涼時間都冇, 香港泳池有幾個唔係小孩屙尿專用區?
做瑜珈, 講真, 男人老狗你叫人去maak髀, 舉高petpet, 扮巴黎鐵塔? 聞潮流既屁股做人? 點解要學同樣冇美國佬所謂既 "專家證明有效" 既瑜珈..... 如果唔係見到荷李活明星玩既話, 你估仲有冇咁多人玩? 紅酒咪一樣道理....
行山? 咁得閒又唔係全身既運動, 你做埋佢喇.
唔係話串你, 只係冇乜理由學武唔係一個同等既運動. 強身健體當然有好多選擇, 最重要係睇你喜好, 同時間可行性. 9至5既人你放工後仲有冇時間,體力,場地,其他人一齊,...去做劇烈運動? 更何況餐飲業就可能10-10, 看更既6-6, 醫院既更加唔使講. 咁既話, 你話香港咁細既地方, 咁既生活模式, 可以自練, 俾人見到又唔會話你係gay既, 仲有乜野好得過功夫? 冇乜位既有蔡李佛, 八極拳, 詠春, 太極拳. 有公園去既有太極劍, 八卦掌(走圈), 長拳, pentjak silat... 形意上同練所謂既 "健身" (eg. push up, sit up), 又有乜野分別?
大部份武術本身有過百年歷史(古法瑜珈過千, 唔係依家好多人教嗰D aerobics class). 肌肉,血脈運行都比較有根據 (如果你信有"氣"既話). 就算想完全做鬼唔做人, 學MMA都無妨, 都係好好既全身鍛鍊. 只不過其中copy泰拳既, 可能有long term傷身既效果都未定...
如果要講埋防身同我地係中國人既話, 有排都講唔完.
ps. 小姐你TVB睇太多. 保護自己唔代表仇家多. 練武警惕性高, 難到, 仆親/蛇患/扒手/... = 仇人? 知唔知學柔道先學乜? 點樣跌低唔會傷到自己. 係練習自己既muscle memory如果仆親會點反應.
相關搜索目錄: 泰拳 武術 詠春 太極拳 柔道 健身 運動 紅酒
