葉問 - 詠春拳 變種真相

葉問所教的詠春拳為世人所知 , 但很奇怪 , 現時所見的詠春拳十個師傅 , 十個唔同玩法 , 理論各有千秋。

其主要原因 , 其實是當年葉問留一手 , 無將本門絕學正式傳授給公開的弟子。

葉問傳人之中 , 後人稱為講手王 - 黃x粱 都只是學得一鱗半爪 , 後人捧他上位 , 吹到佢什麼 40 場不敗 , 其實 9 成的所謂對戰都只是好兒戲的玩幾下 , 佢班徒弟就吹大佢。

現時還在生的葉問傳人已少之又少 , 如果我再唔將個真相講出來 , 日後假的比人當真 , 真的比人話中傷。

葉問自己練一套 , 教拳又另一套 , 最近有網上電台訪問葉問傳人陳志文都曾證實此事 , 他在訪問中說 ,有一次他同黃x粱夜晚練完拳後離開路上 , 想起有野想問葉問 , 於是屈尾十走返轉頭 ,點知佢同黃x粱就睇到葉問自己練個套標指同佢地平時學個套有好大出入 , 後來黃x粱教拳都有幾下自己改左 , 就係當晚唔覺意偷學左個幾下。

葉問班傳人因為學到唔拖唔水 , 又唔敢同人講 , 所以個個都自己攪創作去填補解釋唔到既地方 , 形成今日葉問系詠春拳百花齊放的局面。

不過私底下葉問還是有入室弟子的 , 據說不出十人 , 是哪十個我就唔知 , 不過可以肯定 , 無論當時還是現在走出來公開教拳的全部都不是。