請各位老師俾些意見
剛畢業一年，從未想過當老師，所以現在並不是老師。但我放工後會幫人補習。我現在的學生是一對來港三年的新移民姐弟，他們一來港我就幫他們補習。他們向都很反叛，經常無故發我脾氣，但我從來都會心平氣和地繼續講書，這並不是出於我的教育熱誠，亦不是因為我EQ高，而是我有一個理論：我已經交足勁課，你們不聽是你們的問題，錢我照收。這是我的一貫作風，所以由我第一日出來補習至今這七年來一直相安無事。一開始補左大半年，佢呀媽覺得我搞佢唔掂，炒左我魷，但後來請過兩個補習老師同佢地補，都頂佢地唔順，三個月後佢呀媽求我幫佢地補翻，我見有錢揾就冇咩所謂，繼續我的一貫作風。呢三年大家的關係都熟落左。不知是否日久生情，我對這對姐弟好似自己細佬妹咁，越來越緊張。弟弟經過近三年時間後已被純化，已甚少發脾氣，成績也不錯。但是姐姐卻越來越不像話，無心向學已經算了，最弊的是她十分貪玩，經常到街上流連，最近我還發覺她在網上識男仔，仲傾電話傾得好開心。她今年只得十三歲，來港沒多久，加上佢又冇咩腦，我真是很擔心她會俾人搞，我睇報紙成日都睇到D問題少女索K同俾人強姦的報導，我真是很擔心，我唔想睇報紙時見到佢上報紙。我前三個月開始嘗試打入她的圈子，希望可以因而同佢溝通多D，例如補習時同佢傾閒偈，講下娛樂新聞，仲玩佢成日玩果隻GAME。我好鍾意打機，但我好唔鍾意玩佢隻GAME，我覺得好辛苦，但如果可以同佢有共同話題，都值得。辛苦左幾個月，都算有些少成效，但不知是天意弄人，還是自作孽：上星期，我同佢補習時，佢又無故對我發脾氣，俾嘢佢做又亂做，問佢咩事佢又唔講，我扮小丑做曬馬騮戲TUM佢笑佢又無反應。我就咁坐左一個鐘零四個字，其間不停咁講書、問佢咩事、同扮小丑做馬騮戲TUM佢笑。到了最後兩個字，我終於忍唔住發脾氣走左，這是我七年補習生涯的第一次。第二日我同佢呀媽傾過電話，佢話好對我唔住，唔知點教佢個女，打算放棄佢個女，叫我淨係幫佢個仔補。我第一時間話唔好，我話如果你唔理佢佢一定衰緊。幾日之後，我同弟弟補習時，大家都仲嬲緊，所以毫無交流。到第二日，輪到佢補習，我態度軟化，想當無事，點知一見到佢，佢話以後都唔補。我話你今年升中學，唔補會追唔上，你已經大人一歲，如果再留級的話會好難睇。我見佢冇反應，就向佢道歉，叫佢唔好嬲，希望佢補翻習，但佢依然無動於衷，仲話佢D嘢唔關我事，話我痴線。我真係好後悔，如果果日肯忍埋困兩個字，咁就咩事都冇，都忍左咁多次，點解咁都唔忍埋佢，依家前功盡廢。我好唔想佢學壞，但又唔知點做。
相關搜索目錄: 補習 報紙 娛樂
