你是否認為錢慧儀個人有問題？

http://hk.news.yahoo.com/article/091214/4/fnfq.html

好奇怪我有請工人佢有請工人，點解佢請親都話有偷佢嘢∼∼呢個我好懷疑囉∼∼請一個係咁兩個係咁∼∼又唔見我係咁∼
加上辯方律師質疑佢有購物狂問題Shopaholic，佢雖然否認，但係佢都認自己鐘意購物，表示購物係女人的啫好∼∼而且嚮工人房摷出過百件新光鮮的衣物，而佢錢小姐可以事前全不知情，即係暗示佢購物數量多到自己都唔知買咗幾多嘢啦∼∼所以少咗百幾件嘢都唔知∼∼從一般推論，我信佢購物癮好勁，買嘢絕不手軟，應該買得好兇∼∼但係咪精神有問題我就唔敢講，呢啲要由心理醫生去驗∼∼
至於炒人炒得好兇五年炒三十個，而根據資料，佢係五年內約未滿而走的人45人，我都好懷疑佢係咪真係記到炒咗幾多人，我都信錢所講應該係有人頂唔著佢而走，但係炒幾多人，我估佢應該記唔清實數∼∼再講就算真係炒三十人，即係有十五人頂著而走（大家知啦，家傭係要借落一筆錢先可以過香港搵錢，要打返半年至一年工先還清），如非必要工人一定唔敢自己冒險走，欠人一屁股債條數在工人眼中係一條大數，五年有十五人寧冒險都要走∼你話咁大間屋請幾個唔合心水要炒，都可以接受，五年有四十五人未完約就走，∼我絕對信呢個人有問題∼∼
但係咁講，佢工人有冇偷佢嘢，係另一單嘢∼如果真係有偷，要坐牢好合理，但係我都係有少少懷疑，佢買咁多嘢，掉幾多佢都未必記得，錢聲稱捉賊拿贓睇著佢工人偷∼但係我覺得都唔知係咪佢話掉，工人拿走之後，自己又唔記得咗，就咁「斷正」嚮佢手，形成佢口中的所謂捉賊拿贓∼∼係咪真係偷我都有啲懷疑∼∼

之不過咁∼∼有錢的確係大哂∼∼你吹咩∼∼

投票項目 ( 單選 ) 參與人數 17  

 

1.  好有問題	2 (11.76%)
2.  有問題	13 (76.47%)
3.  一般	0 (0.00%)
4.  有少少問題	0 (0.00%)
5.  絕無問題	2 (11.76%)