脅持人質者 ~ 殺無赦

女警果單嘢我都有睇段片，好似好無情，但想深一層，有必要∼你呢一刻有情，下一刻你要為你之前的有情後悔一世∼
菲特警真係好菲特警∼我唔憎恨菲人，但好憎恨菲特警同菲政府，可以無能到如此田地∼談判專家唔可以話佢完全失敗，佢都說到個槍手放咗部份人質，最無能始終係班sorry we aren't trained同政府∼
我下午睇著現場片段，我都好散漫地去諗如果我係現場司令，我可點做，我好快已經有個即時念頭，我會即刻找出該型號旅車作深入研究，最好找來該車廠或該地代理該款車的代理商的維修員工一齊開會，商討攻入去的方法∼我作為外行人都有想過∼
佢呢班旦散癈物，真係用屎眼食飯∼可以完全唔去想這些策略∼佢哋唔單止係無能，佢哋係連正常人應有的Common sense都冇，用鎚破車窗呢招好明顯係冇常識，有睇電影都知啦大佬，警匪駕車追逐戰，撞車都睇到，窗係唔會成塊脫下，撞車都唔甩，你果支鎚算老幾∼我好肯定，如果當日我做司令，我肯定做得好過班所謂警方皇牌凸警，起馬我會想到摷個設計圖找方法攻入去∼我肯定比班癈物高明∼我肯用腦想，我肯定我仲有大把招數洗出嚟∼
我都唔會進入菲國，除非佢治安搞得掂或公幹，否則我也終身不會去果度∼一班正常最可信的人都係癈物，政府又係癈物飯桶，去果度真係十條命仔都唔夠死∼