都市日報論三人政綱

都市日報論三人政綱

[按此打開] [隱藏]

http://www.metrohk.com.hk/index.php?cmd=detail&id=182396

今日睇咗都市講三個侯選人政綱：
個人認為唐的政綱最弱，續個講

政制：鴿主張普選唔認同，香港人行普選會更亂



經濟：豬話以中產為核心的社會五年開十萬職位。中產一路係社會核心，佢咁講即係冇講。如果佢話係由中產主導，咁就有嘢講。但冇可能中產主導。創造十萬個職位，海外內候選人政綱多數會有呢味嘢，但冇個做到咁滯，所以唔洗理。

房屋：低收入人士已經有公屋，現在問題是中產，高不成低不就；冇錢買屋，租屋又勁貴，入公屋又超出資格。窮人的房屋福利已經好好，係有人住籠屋，但問題同中產房屋問題比，小毛見大毛。在房屋問題上，核心是中產一族。豬鴿未能捉到中心問題。反而狼中的。

社福：白鴿放寛離港限制，國內物價很快追上香港，現在唔平過香港幾多，呢著冇乜大作為。

教育：狼的檢討高中課程，冇意見；豬加多廿五個百仙大學入學率，加佢碌柒，依家唔夠多咩？都係鴿的資助大學學位最實際，使低收入人士有機會讀大學，脫貧。

醫療：三者冇乜意見

勞工：豬最ＯＮ狗，勞工假加到十七日，唔洗做好冇？呢嘢會加重雇主的成本，打擊香港營商環境。鴿的男士有薪待產假又係一著敗政，雇主曉印銀紙？狼最合理男士只係有待產價，但沒有話有薪，咁都係有需要，可解決妻子的心理同實際需要，又不加重雇主壓力。

在政綱上打上交叉後，以豬有四個交叉；狼一個交叉；鴿四個叉；狼勝。

豬對屋企違規建築問題反應奇差，腦筋肯定唔夠班。想做香港坐館，佢未夠班，用老婆頂呢招，嚴重決乏江湖經驗，呢種反應係不食人間煙火的反應，完全掌握不到人類的心理，更惶論管理全港七百多萬人口，每行一個政策都要想清楚七百萬人口的想法及其反應，佢連基本都掌握不到，佢冇能力掌管香港。呢點肯定。
鴿呢，死在白鴿黨，你搞民主，即係同中央搞對抗，你司徒華係真係愛國在中央算有地位，中央敬重呢個前輩，算會睇佢台戲，鬥而不破。今日司徒華已走，你白鴿算老幾，玩民主即係對抗，中央點會配合你香港撐你香港，白鴿上場，港人食硬蕉，玩撚猿啦。

狼係三害取其輕，是叫可以的一位，佢衰在懷疑玩黑金。係冇證據，但係我覺得好有可疑。機會都高，真係好有天仙局的味道。

其實大家都明白, 侯選人固然重要, 做野個班底同樣重要.

如果當香港係中共對外最後一道門窗或者優勢, 就係在金融和貨幣既國際發展.

英哥既班底同糖糖既班底係會有d分別.

依家都好似唔係講能力, 班底, 眼光, 政綱.

好有英美玩政治宣傳機器味道, 但英哥話無玩抺黑, ok, 無就無. 雖則依家競選重點去左抺黑, 同埋魔僧愛徒張震遠出手, 都並不等於有抺黑.

香港有一群不辭勞苦既專業新聞工作者, 有幾會係呢一群不辭勞苦既專業新聞工作者揾到呢d料, 好有層次一步一步把糖糖赤裸裸披露比香港市民.

如果真係有人玩抺黑, 城府都真係幾深, 玩得咁盡, 贏就好, 輸既話, 張來都真係可以幾精彩.

聽糖糖講野, 越來越覺得糖糖單純天真戇直可愛, 笑死. 白鴨黨醒目既話, 一定大力支持糖糖做特首, 糖糖有排比佢地玩同攞分.