高官只顧合家歡 哪管窮人百事憂
高官只顧合家歡 哪管窮人百事憂
09/02/2008
特 首 煲 呔 曾 抄 美 國 總 統 布 殊 條 橋 ， 影 一 條 賀 年 短 片 大 年 三 十 向 市 民 拜 年 。 短 片 面 ， 曾 太 廚 房 炸 油 角 ， 煲 呔 就 側 邊 偷 食 ， 兩 公 婆 唔 知 幾 煙 韌 。 煲 呔 仲 話 ， 過 節 應 該 豐 儉 由 人 ， 最 重 要 係 一 家 大 細 可 以 開 開 心 心 聚 首 一 堂 。
好 多 香 港 市 民 睇 短 片 之 後 流 晒 眼 淚 。 唔 係 嘛 ？ 條 片 肉 麻 到 骨 痹 ， 居 然 有 人 感 動 到 流 眼 淚 ？ 原 來 市 民 係 感 懷 身 世 ， 諗 番 自 己 一 家 不 幸 而 落 淚 。
尋 日 係 大 年 初 二 ， 幾 十 個 低 收 入 家 庭 婦 女 帶 住 仔 女 ， 遊 行 去 禮 賓 府 向 煲 呔 曾 拜 年 。 依 家 通 脹 急 升 ， 低 收 入 家 庭 生 活 拮 据 ， 好 多 家 庭 兩 公 婆 外 出 打 工 ， 留 番 細 路 屋 企 ， 分 分 鐘 會 出 事 ， 班 婦 女 要 求 政 府 撥 款 擴 大 託 兒 服 務 。
新 年 流 流 去 示 威 ， 唔 通 食 飽 飯 冇 事 做 ？ 不 過 ， 佢 唔 係 做 騷 ， 係 要 用 血 事 實 控 訴 政 府 涼 薄 無 情 ！ 近 幾 年 本 港 疏 忽 照 顧 兒 童 個 案 狂 升 ， 已 經 多 次 發 生 兒 童 獨 留 屋 企 死 亡 個 案 。 但 係 政 府 闊 佬 懶 理 ， 仲 將 責 任 推 晒 畀 家 長 ， 勞 工 及 福 利 局 局 長 張 建 宗 仲 話 ， 照 顧 仔 女 係 家 長 責 任 ， 蓄 意 獨 留 子 女 屋 企 係 刑 事 罪 行 。
話 時 話 ， 將 仔 女 獨 留 屋 企 確 係 唔 ， 但 係 有 頭 髮 冇 人 想 做 瘌 痢 ， 邊 個 唔 想 留 仔 女 身 邊 ？ 兩 公 婆 出 去 打 工 ， 留 番 仔 女 屋 企 ， 唔 通 唔 知 會 有 危 險 咩 ， 但 係 為 兩 餐 ， 唔 係 咁 又 可 以 點 做 ？ 張 建 宗 你 高 薪 厚 祿 ， 衣 食 無 憂 ， 梗 係 可 以 講 風 涼 話 喇 ， 但 係 你 有 冇 替 窮 人 想 呢 ？
其 實 市 民 只 要 求 政 府 增 加 些 少 撥 款 ， 延 長 託 兒 服 務 ， 同 埋 學 校 增 設 託 管 服 務 。 但 係 政 府 可 以 掟 幾 十 億 加 公 務 員 人 工 ， 就 係 唔 肯 少 少 錢 出 幫 低 下 階 層 市 民 ， 叫 人 點 樣 開 開 心 心 過 年 ？
貧 賤 夫 妻 百 事 憂 。 煲 呔 享 受 家 庭 溫 馨 時 候 ， 唔 知 有 冇 諗 過 ， 香 港 有 幾 多 家 庭 因 為 貧 窮 而 家 嘈 屋 閉 ？ 講 出 嚇 你 一 驚 ， 警 方 舊 年 接 獲 六 千 宗 家 庭 暴 力 個 案 ， 比 前 年 上 升 近 三 成 ， 其 中 好 多 殺 人 、 自 殺 事 件 就 係 因 為 貧 窮 引 起 。
煲 呔 祝 市 民 「 鼠 年 安 康 ， 家 庭 和 睦 ， 萬 事 如 意 」 ， 但 係 依 家 幾 十 萬 個 家 庭 受 貧 窮 困 擾 ， 呢 排 天 寒 地 凍 ， 低 下 階 層 食 盡 苦 頭 ， 前 幾 日 就 凍 死 幾 個 獨 居 長 者 。 香 港 社 會 已 經 唔 係 「 豐 儉 由 人 」 咁 簡 單 ， 直 情 變 成 「 朱 門 酒 肉 臭 ， 路 有 凍 死 骨 」 。
煲 呔 曾 ， 今 年 財 政 盈 餘 成 千 幾 億 ， 如 果 政 府 仲 攬 住 錢 做 守 財 奴 ， 唔 肯 還 富 於 民 ， 出 年 市 民 可 能 唔 係 打 你 小 人 ， 而 係 將 你 當 油 角 炸 ！
