為保民主大局,應該勸退陳太

陳太依家必定考慮︰
1.爭取留任的話,成功機會係咪必定先?因為如果輸左,堂堂前「政務司司長」､前港英､特區重要官員直選輸左,名符其實「晚前不保」.
2.宣佈棄選,光榮退休.陳太大可以向市民曉以大義,表明當年為泛民出戰,係正義,但同時年紀唔細,健康可能好似董先生咁企都企唔到,要退下來.

兩個考慮,陳太既看民調,亦要作深入評估.
陳太咩都有,唯一怕沒有的,就係面子.大局問題,恐怕好多人會代佢諗多過佢會諗.
問題就係,泛民民望大不如前,加上葉劉､公民黨成為氣候,曾鈺成空降港島,公民黨不可能配合陳太.民主黨配唔配陳太,自大老退下來後,就係一個賭博,不可不賭的賭注。
配票,其實難度近乎不可能任務.
所以陳太單獨選,都有機會因今次選擇太多下馬.因而「晚前不保」.影響大局士氣,亦影響面子.主要係陳太單打,就要有強大選舉工程,陳太呢方面唔強,在任一年,亦沒有什麼政積,功積都係在官多年的,對選情唔見得有用.如果沒有其他大黨助選,唔睇好.
陳太配民主黨,可能性較高,但就到民主黨人擔心,特別係痴心妄想多年的甘乃威,因為甘排第一,陳太第二.....沒有可能.必然係陳太第一,甘乃威第二,即是甘乃威必死,民主黨港島區就一定失守。
所以我認為陳太當年代表泛民正義出戰補選,任務完成,應該係時候光榮退休,保留一點光榮､正義晚節。
沒有陳太考慮,泛民可以作更好協調,到時就有余大狀､陳淑莊､甘乃威必中,其餘就係葉劉取代范太一席,民建聯曾鈺成､蔡素玉兩席,沒有超額(全盤大戰上,九西就變相成功送李慧琼,甚至鍾港武入議事廳.但九西泛民經營不善,沒有辦法了)
總結,應該勸退陳太.