Jemdogdog 極度深寒鬼故 爵祿街大廈電梯女鬼 更新(第四章) 神秘的租客Cap帽男人
Jemdogdog 極度深寒鬼故 爵祿街的一部電梯 (第一章)
大家好呀，掛住做網上電台節目，好耐無寫野比大家睇，呢期鬼節就快到，就同大家講一個鬼故事，寫出黎比大家慢慢睇下，費事甘耐無同大家見面都唔記得左我！呢則鬼故系關於一座舊大廈的電梯，內容我自己覺得非常恐佈，地點發生系新浦崗一帶，邊個大廈唔講得，年紀比較大，心水清朋友睇到甘上下可能知我講邊單新聞！真人真事改編故事，怕鬼者勿看，內有驚嚇情節和不雅用語，不喜請勿收看！謝謝
Jemdogdog 極度深寒鬼故 爵祿街大廈電梯女鬼
第一章 三點四十分起雞皮
序
人死者，灰飛煙滅，深仇大恨今生了，痴情怨業來生還；魂飄飄，恨未忘，魂無魄聚者，厲鬼附身也，怨氣纏身，危也命也！
1990年某月某日半夜三點鐘九九九報案中心收到新浦崗爵祿街一座商住大廈看更陳伯(花名細狗)打電話黎報警話大廈有一部電梯困左lift，想叫消防同埋差人過去睇下，報案室當值接線生就問阿伯個地址係邊，另外再問電梯有無人被困係入面，個阿伯話有無人佢就唔知架啦，但個警鐘就久不久一路係甘樣響住，架lift家下停左係七樓，伯伯上左七樓電梯口叫落去問左幾聲又無人應，再走反落樓下看更房想報警個陣又聽到幾下拍鐵門聲，”碰碰碰” ！不過伯伯耳仔唔多洗得，就算有人叫，但太細聲的話都係聽唔到架啦，伯伯叫D差人過黎睇清楚好過！報案室再問阿伯大廈有無停過電，有無修理緊電錶房等！阿伯話乜都無停過，突然間三點鐘部電梯上左七樓就立刻響警鐘，跟手伯伯佢就跑上樓睇下啦！ 九九九報案中心因為唔知入面有無人(當年唔係部部電梯都有”貓”(CCTV的簡稱)，就馬上Call左附近兩個PC仔過去睇下乜野環境，另外亦都通知消防處拿拿林派人過去查清楚！當時接報有個沙展同一個新仔系附近食緊消夜，屌屌聲野都無撚食完就係隔離街標過去睇下！消防處亦派出左四個人一部車去現場幫手！……但估唔到差唔多日日都發生既舊樓困lift事件，令到當年呢幾個公務員，當晚變成一件畢生難忘的怪事！
1990年香港的戲院，晚晚有午夜場睇，歌舞昇平，想睇”成蟲大哥” 主演的午夜場真系插針都插唔撚入，剛剛二十歲生日的小明夜晚兩點幾鐘同條新女玫瑰妹(條女有玫瑰紋身)睇完午夜場之後，本來想坤狗條女反去佢新浦崗架部度灼狗佢！但條女你精我都精，飲左竹葉青，你未跌夠錢想食野，邊有梗撚易呀！明仔坤唔到條女升仙就截部的士車條女去油麻地再自己反歸，呢鑊老虎扯旗﹛伸撚苦﹜啦，唯有回家準備睇村上麗奈VCD解悶啦！架的士話甘快就去到樓下，明仔打開度鐵閘之後，見到個看更又係訓撚著左覺，但枱面就有包總督煙仔，小明貪得意多撚手痴左兩非食，跟住行過去電梯口。呢種舊色大廈大堂其實都唔算細，行過左看更房之後就去到兩部一左一右的電梯位！小明兩部lift掣都按晒之後就dup低頭拿個火機出黎，準備點個陣右邊度lift門打開左，度門仲跌左個紅色紙牌落地下，小明食煙心切一撚踼開左個唔知乜撚野黎既紅卡牌，再準備點著個火機扯反口煙先！點知後面一陣風又吹撚熄左佢個老廟番版都彭打火機，就係小明細細聲講左句:『無撚野呀嘛甘撚邪個陣』，度右手邊lift門就馬上關埋左，小明一邊dup低頭點煙，一邊想伸隻腳頂撚住部電梯門個陣，佢穩穩若若係電梯入面角落頭地下個度見到放左一對好整齊的紫色女人布鞋，應該系無人著住架！因為對鞋上面無腳板和小腿穿住，小明望住對鞋個陣說時遲那時快，度lift門就咁關埋左！小明呢一剎那又點反著支煙仔！跟住一手扯老凹阿伯非煙，一手狂撚按部電梯掣。但係部lift好奇怪無乜反應，照常理無人係樓上按電梯，部lift應該會馬上打反開架嘛！但部lift關門之後居然上左四層之後就停左，今次連個顯示電梯樓層的燈都熄埋，右手邊架lift無左反應！小明屌撚左一聲就睇下左手邊電梯有無落緊黎地下，點知原來左手邊部電梯一路都係停緊係G，即系地下個層，但係就唔知點解從來都無打開過度lift門。
小明望一望個看更個邊睇下佢會唔會醒左，正想屌狗個阿伯話壞lift就早叫人整啦，但係個看更阿伯又訓撚到死豬梗撚樣！小明雖然系心口有隻鷹紋身，成個少年古惑仔甘款，但為人都算有品，無謂嘈撚住晒個老人家啦！正準備轉個頭去垃圾房個邊行樓梯上七樓之際，左手邊部lift門打開左，小明笑笑口關人撚事就一狗跳入部電梯個度！呢個時候有另一個人好快，真系好快甘樣打側身攝左入去電梯右手邊後面位置，快到只系見到一個影，小明見自己煲撚緊煙都唔好意思，無理身後個位人兄，自己就扮撚晒古惑仔華弟哥上身，打側塊面吹兩淡煙按七字樓反屋企！電梯個抽氣扇突然間抽落黎的空氣好撚七凍，真系比外面街上個種西北風仲要凍，小明雖然著住件石磨藍牛仔樓，但都覺得頸後面涼浸浸有人吹氣咁款！小明其實都驚比人屌係架電梯入面食煙㗎，所以先無理企係隔離後面個條友仔！小明連佢係男定女都唔知度！…………隔左一陣，到左七樓，小明出電梯！一直向自己條走廊行反去！到小明差唔多去到門口個陣，身後個電梯又發出一下沉重關門聲！小明入到屋之後好快就沖個靚涼準備開部VCD機一邊煲煙仔一路睇村上麗奈無格版。小明反屋企個陣睇到隻卡西歐石英錶顯示，時間係半夜兩點四十四分。差唔多同一時間，小明聽到七樓外面電梯口有警鐘響聲！心諗甘撚邪好彩自己唔係困lift𠴱個七質嘴者！但想起自己又得反最後一支煙，兩部𨋢又壞撚左，一陣又要on 99行樓梯落街買煙，真係好撚七麻煩！當時電視正播住村上麗奈除左自己件護士裝打算用口去幫病人探熱，小明己經睇到上晒腦啦…………！隻卡西歐手錶錶留左係沖涼房毛巾架上面，時間居然都係顯示住半夜兩點四十四分！
三點十分，兩名軍裝差人去到爵祿街困lift現場，報警的看更帶住兩個阿蛇去樓下大堂電梯口睇下，右邊一部lift完全無顯示，左邊一部lift的電子牌顯示架電梯停左係七樓！個四十幾歲四眼沙展拍晒兩部電梯門，跟手就首先拉開右邊個度電梯鐵門小小，用個嘴貼住個坑大聲叫：『有無人呀，有無人呀！』看更陳伯同個四眼沙展講話：『阿大蛇，左邊個架先系困lift既，右邊個部昨日都開始定期維修，無人係入面架！部電梯關左兩日架啦！你睇下個電子板，停左係七樓個部先至係困lift呀！……….. 另一個後生仔差人好快手一個箭步用兩隻手拉開左邊個電梯門小小又叫話：『我地係差人，上面架lift有無人呀！』……部lift糟上面傳來一下拍鐵門聲，碰碰！跟手個後生差人想問多句個陣，上面傳來一把好細好沙啞的女人聲係度話：『唉…有人呀，唉…！』個後生仔碌大對眼同個四眼沙展講話：『有人呀，聽唔聽到呀！』沙展答話只係聽到碰碰聲，不如上七樓睇清楚先報上台！於是兩個差人就叫個看更等消防黎，佢兩個準備行上七樓睇清楚乜野環境先！經過垃圾房度鐵門個陣個四眼差人停左兩秒望左兩眼先行上樓梯！兩個差人行左上去六分鐘之後，消防四個人亦都去到大廈現場門口等開門！
相關搜索目錄: CCTV
