漫畫分析研究一....作者的起飛期

今日收工買左本李小龍合訂本9,突然有咁既諗法,寫番段咁既文章分享討論一下

好似小寶響首頁所講,呢段故事就係佢自覺既起飛期,作品精采非常,
我覺得現時既漫畫雖然水準比以前高出極多(從畫面質素,構圖,人物比例,透視準確)
但就係缺乏左作者寫得起勁時果一種靈氣

好似李小龍惡鬥獅魔,作者一早講出計功力,獅魔比李小龍高出很多,
但小寶就用左佢最鐘意既講法...所以武功智慧來令到相方打起上來變得不相伯仲
唔會用而家既..你有七級功力,我就第五重天,幾好武功都好,都係想辦法擊中以及擊到對方
好似暗場說,李小龍因為心急救人,以為對方老邁,一開始用以快打慢方法
及後因為對方內功深厚,改以以守為攻等等...未到最後,誰勝誰負都控制在劇情上

加一大段金魔鬼父親既恩怨情仇..(可能作者都冇諗過,將呢個角色作為以後既橋段)
亦睇得令人津津有味(換轉而家,可能比人話離題...小到九彩)

六期一本,看得一氣呵成(雖然我本書唔知點解,錯曬版,無啦啦印左上期內容,好彩係重温)
令我想起,每個畫家既起飛期,都會令人看得興奮莫明

仍然記得
黃偉健                 俠骨神鑑入面....葉山既暗黑羅漢鬥法
肥良                 鬼書皇入面...白承恩太尊全部高手惡鬥撤旦
馬榮成                中華英雄...由出一聯四霸到直闖黑龍島
馮志明                刀劍笑...笑三少惡鬥八仙,到三大名盜血戰異族
牛佬端新        愛情故事裡面紫羅蘭鬥clare既一大段劇情

見證了第二代漫畫家既起飛時期

希望其後有實力既作者..好似
鄭建和,葉明發,胡紹權,林業慶,鄺彬強....等等能努力起飛為香港漫畫再添經典