1#
大 中
小 發表於 2013-6-2 00:58 只看該作者
大亨小傳拍不出原著味道卻拍出3D效果(嚴重劇透)
大亨小傳拍不出原著味道卻拍出3D效果
睇住一班名人富豪夜夜笙歌
睇住20年代紐約紙醉金迷
睇住一個神秘富豪痴戀人妻不能自拔
睇住美國上流社會爾虞我詐虛偽沉淪
坦白講，關香港人能事咩？
明白《The Great Gatsby》係美國經典名著
象徵美國「爵士時代」既顛峰之作
淨係中文版都先後翻譯出19個版本
先後改編成歌劇、音樂劇，更拍成五齣電影
被譽為20世紀最偉大英文小說之一
文學歸文學
電影還是電影
要睇畫面睇演技睇拍攝技巧
你話呢套戲明明唔係動作片點解會拍3D？
睇3D效果係睇有冇野伸出黎有冇子彈射出黎有冇爆炸碎片飛來飛去
從來係觀眾結構性既錯誤
睇3D效果最主要係睇層次感和空間感
呢套我敢評3D效果絕對好過【Iron Man3】
場面調度完全可以作為教學師範作
層次同空間感盡現3D效果
導演Baz Luhrmann成名作係【情陷紅磨坊】
對拍攝華麗舞台效果非常駕輕就熟
今套更超越前作既格局
淨係頭場豪門夜宴已經令觀眾譁然
幾百人既大場面，可以個個衣香鬢影，衣著造型一絲不拘
再加上百佬匯式歌舞、煙花匯演、名符其實既酒池肉林
場面浩瀚，兩場飛車加一場狂歡偷食，100%還原20世紀既紐約市貌
真心講唔係港產或者國產片可以製作到既水準
論演技
選擇Leonardo DiCaprio飾演 Gatsby絕對係不二之選！
挾著【Titanic】既矢志不渝
【羅密歐與茱麗葉：後現代激情篇】既激情
【Inception】既成熟再加上【標殺令】既狂妄
好似冥冥中註定佢會演呢個角色咁
所有前作都係為左鋪排同磨練出Gatsby既氣質
結果冇令觀眾失望
演活呢個表面畢露鋒芒實際執著痴狂既傳奇人物
今屆好大機會問鼎金像獎最佳男主角
女主角Carey Mulligan理應風華絕代
情婦 Isla Fisher理應性感迷人
結果雙雙強差人意
荷里活有樣有戲有身材既女星真係菁黃不接嗎？
不過最大獲都係Tobey Maguire
蜘蛛俠既成功，令全世界觀眾都識佢
同様被全世界觀眾定左型
我不停提醒自己去投入，但仍然覺得佢係蜘蛛俠，感覺格格不入
明白佢同李安纳度私底下好friend
但畢竟《The Great Gatsby》裡面既Nick Carraway先係主角
要由作家既身分剛踏入華爾街紫醉金迷既世界作為視點
由理智到感性、踏實到虛榮、再由好抽離到當局者迷
又係第一身但同時又要以第三者角度去闡述成個故事
實在需要非常有層次又有深度既演繹
而唔係叫雞前係窗台食支事前煙望下街角見到自己咁膚淺囉
坦白講Tobey Maguire練多十年戲都未夠班
就算係李安纳度都未必 handle到呢個角色
佢力薦蜘蛛俠做某程度係推佢送死
當然論畫面論攝影技巧論大場面呢套冇得輸
但我成日都強調，唔係記錄片既電影
主菜都係睇劇情
空有華麗影像，係所謂藝術導演既孤芳自賞
牌面計【大城小亨】有《The Great Gatsby》名著為本
劇本應該穩打穩陣
不過文學作品獨有的心理描述同意識流手法
唔係咁簡單可以用電影呢個載體呈現到出黎
所以十套改篇名著既電影九套都沒有什麼好下場
今套【大城小亨】一樣，離唔開呢個宿命
不過導演似乎一早明白自己能力有限
索性用盡奶力係自己最擅長既拍攝方面
成套戲既佈局好明顯冇意圖亦冇嘗試拍出原著既神髓
冇美國夢既反諷
冇資本泡沫既批判
亦冇財富對道德既侵蝕
最嚴重係原著《The Great Gatsby》中文普遍譯作《了不起的蓋茨》
你睇完套戲會發現Gatsby有他媽的邊忽了不起！？
你只會見到一個暴發戶成功攪豪P
你只會見到一個人用盡方法不惜工本去搞人妻
電影對女主角及淫夫冇罪有應得既結局，兩人繼續逍遙快活
電影亦冇就主角做私酒撈偏起家作出任何批判
而Gatsby對女主角既執迷亦刻意塑造成浪漫痴情
但原著Gatsby愛上女主角的出發點係有多層次既表述
視為洗脫自己窮人身分的工具
視為肯定自我能力的証明
視為追求真善美的體現
視為自己夢想的化身
而女主角亦刻意塑造成只懂享樂、無所事事、冇思想冇情操既角色
來暗喻資本泡沫下人類追求的虛榮
到頭來係徒然、虛幻、自招惡果既下場
當然你冇睇原著既話，係完全唔會領悟到以上既野
而呢套電影，只係流於導演同男主角搏老命想攞金像獎既功課
Youtube：港產不打
http://www.youtube.com/cheungsecond
Facebook：港產
http://www.facebook.com/cheungsecond
Weibo：港產不打_微博
http://weibo.com/cheungsecond
************************
港產不打
全職非牟利網絡打手
100%支持本地製作
乜戲都打，淨係唔打港產
************************
相關搜索目錄: 小說 功課
www.youtube.com/cheungsecond
www.facebook.com/cheungsecond
|
