[原創] 我睇咗[dark knight]

小弟又開始放假,所以又係瘋狂睇戲時間,正好利用入場觀眾流向[dark knight]同[赤壁],追番前一排miss咗既其他戲…

因為某d關係早兩日去咗mega-box睇呢套全城熱話既[dark knight]
睇完之後,第一個感覺係不外如是,在製作上當然係一級水平, 由硬件到動作都有試新野,雖然唔及[wanted],不過比港產片都勝幾條街.故事佈局上見到落咗有不少心思, 盡量想做到唔比人估到下一步.感情位方面比之前多,我就覺得比較婆媽.

但係故事上既安排總係覺得奇奇怪怪.一開始男主角已經處於下風,處處受制於人,我作為一個觀眾,心理上係希望見到英雄威既時候多過做落水狗,連佢身邊既員工都作反….所以睇得唔係太開心. 香港拍攝方面得幾分鐘貨仔好快就過,edison就幾得三句對白連正面一個close-up都冇. 外國人眼中香港有幾重份量…心照啦. 而Joker呢個角色…在演技上你話做得好破格又唔係,做差又講唔上,不過人都去咗所以大家都唔敢批評太多,不過外型上都幾突破,唔行卡通化妝改行真實化,效果算幾好…
其他野方面, 我覺得起碼應該安排多一個新既敵人,雙面人之前已經見過,今次少了幾分驚喜.
令我不安既地方係今次咁快就玩[有重要角色死去], 但我覺得呢招來得太早, 因為美國漫畫迷一定知道[dark knight]故事中有一個重要環節係[羅賓之死],而羅賓又係死在joker手上, 我初初仲以為係下一集既重點,而家睇上來又唔多似…
無論點都好,呢部都係睇得過….

今日特登去看 IMAX 巨幕版，感覺唔值俾多幾十蚊！
只係銀幕大些，都唔係特別震撼！看得字幕嚟、看唔都全畫面；看得全畫面嚟、則追唔到字幕！

打鬥方面十分精彩！
美中不足是欠了蝙蝠機！

開頭有場句對白串「made in China」啲嘢流來捧美國貨，唔知大陸戲院會否 cut 咗佢或成套蝙蝠俠-黑夜之神唔俾上呢？

小丑給人一種耳目一新的感覺！雖然沒有了看慣幾十年的嘻皮笑臉、濃妝造型，但卻突破得嚟又唔使人反感！
小丑的邪惡令到蝙蝠俠和警察們經常處於下風，特顯了他才是蝙蝠俠的真正、最強宿敵！

香港那幾分鐘戲，唔明點解啲人係講普通話？
你話因為啲壞人係大圈幫，所以講普通話都可以接受；但連啲香港警察都係講普通話，就……
P.S.唔知點解一見到阿希仔，就立刻在腦海中想起佢俾人「吹」嘅畫面……

雙面人的出場十分少、又不夠奸！都係 Batman Forever 嘅雙面人好啲！
P.S.如果帶小朋友去睇，小心他們被雙面人的造型嚇親！

It must be a good film!!!