同袍 與 暗戰2
羅永昌又一次被位以重任(或豬頭骨), 模仿師父大作既copycat作品,
看完第一個感覺係交功課比先生, 同埋還片債人情比老闆
第一段先講同袍, 第二段分析兩片的相同性與特點
尋日看完呢套戲, 之前聽左大把戲既影評, 所以期望不大, 但反而覺得呢套戲可以一看
劇情 - 游係杜sir多來合作夥伴, 今次寫既劇本其實同以前銀河影像既作品分別不大, 只不過唔再以一兩個人為核心, 以前既小人物都會搶鏡,不過唔會奪主,今次得出來既感覺, 唔知係導演定係既編劇既決定, 黑色既錯摸亦係銀河慣性既劇情, 用第一段拉人, 第二段酒吧, 第三段叢林來引起沖突, 其實寫得唔錯,只係長短分配值得相確. 未到最後唔知結果, 呢次都做得出, 但唔及槍火, ptu...等等
人物性格鮮明就毫無疑問, 但係選角合唔合適就各有睇法, 個人最鐘意反而係黃智賢, 感覺一新, 入型入格. 天主歌聲,教堂既比喻凝聚力, 令人更加看出導演未到一班水準, 當然以一個只拍過幾套戲既導演來說是不公平
註一..編劇組一定好多警方朋友, 簡單既好似配備同埋警方做野模式都非常真實, 連內部矛盾都真實無比(其實現實既擦鞋文化重利害), 呢d係其他警察電影入面係少見既,
註二..好多人睇完都會話係針對任逹華, 但其實唔係, 只係想promot邵美琪, 呢d警隊內部文化, 其實都係好常見
人物 - 先講黃智賢個角色, 我諗可以套入好多真實警員身上, 甚至我個人覺得編劇係用真人真事套入, 佢戲份唔多, 但稱職. 鐘意既原因係從未見佢做戲做得咁實, 杜派如果繼續比機會佢, 可能會多左一個張家輝
男主角-任逹華, 好多人都話佢個角色無得發揮, 我諗原因係睇得太多, 個人覺得佢交捉功課, 只係人性化果段, 可能令人覺得佢其實唔係過份衝動, 因為救兄弟係中國人必要既使命, 尤其在電影入面, 邵美琪我就會用美中不足
來形容, 個角色本來可以好立體, 只係差一兩場個人發揮既橋段, 令人覺得佢比其他配角搶曬d峰茫. 最多覺得做得好既林雪我反而覺得無乜特別, 因為呢類角色佢做得太多, 生活化與誇張既融合一直都係佢既買點,
酒吧場戲就係我話編劇益林雪而無益邵既舉例, 狗roy同施祖男比較, 我就覺得樣板左d, 前著囂張基本上佢做得到, 但"做"戲既感覺比較重, 如果比佢做tommy個角色我諗反而會幾好睇, 施祖男既牛佬無得點評, 做係做得好,
但特色欠奉, 比左一段佢地兩個發揮, 可惜特點欠奉. tommy同林敬剛又係做角色, 交到功課但搶唔到, 任唔比喊果幕, 我覺得上次ptu果個不知名演員做得更好, 後者神婆角色響警車入面如果講d對白專業(迷信)一點會更好
導演- 努力但好明顯budget所限, 功力同埋控制鏡頭能力未集大成, 當然作為一個普通觀眾既我, 唔知杜呢個監制控制左邊一個部份, 如果成套戲個節制抓得緊一點, 懂得好似佢師父那樣用鏡頭同埋音樂, 蒙著觀眾眼睛來過度比較平淡既中段劇情, 就會更好. 尾段槍戰我諗大部份觀眾都會失望..(尤其是杜既fans), 其實編劇既橋段比ptu強得多, 可惜把握唔到...但比暗戰二就成熟不少, 個人又覺得, 呢類戲無得同天生一對同埋每當變幻時比較.
其實我覺得佢拍得唔差, 可以佢唔可以好似大導咁, 拍既次都唔叫good take, 所以不能完美吧
與暗戰2之相同與不同
暗戰1大賣, 暗戰2就加左羅永昌呢個導演名, 但係可以看得出風格完全不同, 一個一模一樣的橋段, 再加上更"銀河"的劇本,(除左佢地, 邊個夠膽加入不斷玩公字同埋神奇魔術師), 可惜得出來的結果完全不一樣, 真的有執行導演既feel, 今次同袍又係玩ptu延續, 但成績就比上次好, 唯一唔明白既地方, 就係覺得杜派系幫寰宇拍既戲, 總係有未盡全力既感覺
其實關於暗戰與同袍有好多野想寫, 不過文章好似太長, 我諗無乜人有心機看, 還是留待下一次有機會再分享吧
[ 本帖最後由 kenny01 於 2009-1-14 16:19 編輯 ]
相關搜索目錄: 魔術 功課
