Worldcity、名人會，是否同一間會籍公司？有冇人上過檔？

揾笨、賣豬仔、豈有此理
上個月有個朋友話參加咗個會籍，話自己是亞洲之星郵輪會，全年任上亞洲之星350元1位，叫我一齊去，個會籍叫WorldCity，年費是1,888，以前聽閒有間名人會亦是這樣經營會籍的，不知Worldcity是否就是名人會？
報咗名入數交錢，叫我地晚上去尖沙咀碼頭揾亞洲之星櫃枱，最初以為公司會派職員來安排，到櫃枱時才知Worldcity不是亞洲之星郵輪會，而且名單上冇我地既名，櫃枱職員話我地未報名；在爭論中有個人走來話我地係佢既客，嗰個人Ｔshirt牛仔褲講嘢粗聲粗氣，問佢是否會籍職員，佢話唔係，只係代為帶客上船。
期間有人在碼頭賣郵輪票，原來又係350元1位上亞洲之星，同Worldcity提供的一模一樣，我朋友即時覺得被會籍揾咗笨，咁駛乜比年費！
上到郵輪因為要做後補登記，足足等咗大半個鐘頭才過到關攞房，房間重係船尾房嘈到死。
晚上我地入賭場，又見到嗰個人，問我地換唔換籌碼賭錢，我地當然冇理佢。後來得知原來他和碼頭賣飛的人一樣，專門揾Ｄ人上船賭錢賺回佣，雜誌成日有講既‘疊碼仔’。
咁既會籍收人會費，自己唔派職員安排，交比疊碼仔帶，離曬譜，真是豈有此理；好彩我朋友打去信用咭中心講出事實，職員話如果銷售會籍時有誤導成份的話，可以扣回會籍所收客户的費用。

Be careful.