廣州市車管所辦理香港居民換證新要求……

因為我經常到廣州比較多,較深圳方便。所以尋日就去左位於岑村的廣州市車管所申請。
為了方便,之前我已經先去省公安廳個站下載申請表格。
一如其他版友做法﹐先去做體檢﹐畀20人仔,完成《機動車駕駛人身體條例證明》﹐體檢位於車管站側面大約50米左右.都係只攪驗眼,然後問你自己幾高,你話你自己好似姚明咁高,人家就照簽照寫.
跟係就係影相,$25人仔就有幾十張,白底,特大頭,佔相片三分之二,呢方面唔駛自己講,人家都明白,因為車管所出面周圍都有得影。
至於證件複印,之後我先影印好,所以沒有光顧,車管所內有複印。
另外就要填好《機動車駕駛證申請表》及《香港居民免試換領機動車駕駛證業務說明》
所謂「說明」﹐其實只係簽個名就係,個省公安龐站冇既,要去車管所索取.
當然之前要準備好香港身份證､回鄉證､香港車牌的正本､複印本
之後就係取號等叫號埋窗辦理
不過到辦理窗口就出事,首先就係《機動車駕駛申請表》一定要填廣州聯繫地址﹐寫哂所布空位,之後人家唔敢攪,就轉到另一窗口辦,之後另一位窗口職員就話一定要《臨時住宿登記表》呢份一定要派出所辦。
我自己就話自己都沒有廣州住址,佢就話唔好爭議,要向值班領導爭議。
之後搵到值班領導,態度雖較其他好,但最後問左上級後,就畀左張中英文都有的資料《辦理機動車駕駛證業務指引》,仲話我之前索取的指引係舊,根據舊指引,香港居民係無須暫住證明,但呢一張新指引就有.
見到咁煩,要去派出所攪,知道呢個消息都下午喇,點攪都攪唔到,唯有打退堂鼓.
似乎呢個政策對於內地沒有正式居住既香港人民而言,係沒有益處,仲好煩.

咁你不如返落深圳試下？！

謝謝
過完黃金周
得閒會去深圳車管所試