我開始驚對住男友老豆
我同現任男友一齊左2年, 近呢半年感情開始穩定, 男友建議我搬去佢屋企, 同佢爸+媽, 4個人一齊住,
一來男友想多d同我見面, 二來男友同我打算2009-2010年結婚, 但結左婚都會先住響佢屋企, 等儲到多d錢就搬出去, 所以我08年6月已經搬左去佢屋企, 當係預先同佢屋企人熟習下先..
我男友做船務, 雖然係office工, 但成日要外勤, 平時放工都起碼9-10點,
有時連凌晨2-3點都要外勤, 工作時間好唔定...有時甚至要上大陸d碼頭,
幾日至一個星期先返到落黎....佢阿媽55歲, 做sales, 返朝10晚10, 但因返機場店,
所以多數係早出晚歸, 反而佢阿爸已經66歲, 退左休, 平時都留響屋企, 所以家務多數佢做..
我自己之前做logistics文員, 朝9晚6, 算幾定時, 但就係因為呢d工作時間既關係,
住左咁耐我見得最多既反而唔係男友, 而係佢阿爸...
本來呢d係好小既問題黎, 家家都係咁, 但係到近排我覺得佢爸對我既行為有d古怪,
再加上我諗返呢半年同佢住既野, 我開始有d驚同佢爸共處..
從我6月入去住, 我覺得佢地都冇乜野, 佢媽好好人, 佢爸都ok, 只係有時睥氣好大,
好惡, 佢一發惡基本上冇人敢同佢頂咀, 好"一家之主"既感覺, 但我一直覺得呢d係性格問題, 亦唔到我管, 我覺得多d順佢意, 唔激嬲佢就冇事, 所以亦唔覺得係咩一回事, 而so far到而家, 我亦冇點試過自己做野激嬲過佢...
住左一個月左右, 我同佢爸媽都開始有溝通, 咁作為佢個仔既女友, 或者算係"未來新抱", 同佢地打好關係都可以話係我既主要任務, 所以基本上我都係有問必答, 仲要答得好得體果隻...開頭不外乎都係問我屋企人同背景既野, 之後就開始講下d日常野, 食飯/睇戲..etc, 基本上乜都會講, 之後佢爸開始集中問D開於我而又幾私人既問題.....
記得第一次發生, 係我放工7點左右返到屋企, 得佢爸響屋企睇緊電視, 果日我著一條牛仔短裙, 其實唔算好短, 好普通到大睥果D, 佢突然問我 "其實妳地D女仔而家成日著咁短既裙, 裡面仲係咪會著短褲打底架?", 我話我冇, 佢又話 "我成日覺得女仔著短裙, 裡面得條底褲, 好涼浸浸咁", 可能佢見我尷尷尬尬又唔知點答佢, 就補返句"而家咁多新聞話女仔俾人影裙底, 妳自己小心D喇"...當時我聽佢咁問, 第一個念頭覺得佢有D離譜, 問呢D野, 但諗諗下又覺得可能佢性格係咁直, 有果樣問果樣, 只係我同佢衫相處唔清楚, 加上佢都係睇到有咁既新聞先咁樣關心自己, 所以好快我都打消個壞念頭, 當係關心既一種.
之後相處再耐左, 佢問既野就更深入, 有次佢問"妳而家同阿傑(男友)搞野有冇用套架?", 又話"我同佢(阿傑)阿媽當年邊興呢D野架(指用套), 次次打真軍啦, 可能我勁, 收放自如, 未試過有意外, 阿傑掂唔掂我唔知, 係妳先知,你地後生小心D呀, 唔好搞出大頭佛", 有次我同佢咁岩一齊經過露台, 佢又指住我掛響度果D底衫褲, 話"吖, 妳地女人真係好, D胸圍底褲有咁夕款咁多顏色揀, 唔同我地男人, 黎黎去去果幾隻!"......其實佢唔係成日都會講呢D咁既野, 係好間唔時, 可能1星期1次, or 2星期1次, 先無lala問d咁野, 果時我都諗唔明佢係出自好奇, 關心, 定係冇野好講, 定係心懷不軌???? 但無論點, 呢d野我都冇同男友提過, 一來佢果排好忙, 見佢時間已經少, 二來唔想佢知道後擔心或點樣, 又怕佢聽到後話我多餘...
到11月頭, 我公司裁員, 我冇工做, 就日日留響屋企, 休息+搵工, 變相我同佢爸都日日響屋企見到面, 問題就開始出黎. 先係佢開始朝早成日自己開我房門走入黎, 問我同唔同佢出去飲荼, 原先我同男友訓覺時都會lock房門, 但因為一次有電話搵我地而我地聽唔到佢爸拍門, 佢爸發哂爛, 自果次起我地都唔再lock門. 而問題係佢自己走入黎我根本唔知, 佢入左黎幾耐我都唔知, 雖然佢入黎只係拍一拍我, 我話唔飲佢就出返去, 但我同男友夜晚訓覺係唔著衫, 佢咁入黎其實係十分不方便, 所以果次之後我訓前都著返件短衫..到有一日, 佢又突然上身短衫下身"孖囪通"若無其事咁由房行出黎廳, 佢就當係短褲著, 但我當然知"孖囪通"=底褲, 可能佢以為我唔知, 但當然論輩份我唔敢出聲, 唯有隻眼開隻眼閉, 或者盡量唔同佢坐同一area, 免得尷尬, 但佢又會響我面前有意無意摔 jj一兩下, 我有時仲見到佢jj 硬左頂起左, 好頂唔順....
以上種種, 難免會提高我對佢既防範意識, 但亦唔可以話佢對我有企圖, 直到上2星期, 果日係男友要上上海3日既第2日, 中午我沖涼準備出街, 我入左廁所除左衫先醒起有野未拎, 就著返衫出返房拎, 行到房門口見到阿爸赤裸下身, 響我同男友張床上面擺左個類似掌上壓既姿勢, 床上面平鋪左一條我既底褲, 佢就用佢jj 對住條底褲係咁前後磨, 衰d講句就好似同我做緊插緊我下體咁, 但好彩佢當時背對住我, 所以唔知我行左響門口, 我即刻衝返入廁所lock門, 沖左好耐涼諗緊我應該點處理, 結果我都只係扮冇見過咁行返出去, 出到去時佢響廳睇緊報紙, 真係好似乜事都冇咁, 當然我亦唔會主動提, 免得揭穿左佢老羞成怒, 反令自己危險..果晚我出左去後一直等到佢媽返左屋企我至返去, 到男友返黎我依然冇同佢講呢件事, 因為我怕佢會唔信, 二來就算佢信, 我都怕令佢難做.....
++
原諒寫得比較長, 因為我想講得details少少, 望有心人可以幫我手分析下.
我同2個fd講過, 都話可能佢係戀物癖, 未必想搞我但對我d底衫褲有興趣, 我自己覺得如果佢要對我下手真係好多機會, 但so far佢都冇對我做過咩, 而除左呢d野之外對我真係算唔錯!!!
相關搜索目錄: 結婚 報紙
