港女

jpgm

中級用戶組

Rank: 3 Rank: 3

帖子: 4
積分: 360
金錢: 128
註冊時間: 2021-6-3

1^# 大中小發表於 2021-6-5 23:44 只看該作者

[隱藏廣告]

港女

兩三年前一個落狗屎星期日既下午，我著住街坊裝攞完訂咗既模型，一個人係屋企附近M記邊食住麥旋風打邊打機，特然傳來一把女聲，問個位有無人，我望都無望就答咗句(無)，條女就坐咗落黎，之後條女特然叫得出我個名😱，原來係初戀情人ZOE。
Zoe，F.4認識F.5開始拍拖，畢業之後都重一齊兩年，分手原因係佢話我淨係識打機同玩模型，係我身上睇唔到將來，唔想同我捱死一世
Zoe：Jelly好耐無見，最近點？
我：都係咁行得走得
Zoe：咁多年重係咁鍾意打機同玩模型，好心你長大啦，真係替你老豆老母擔心
我心諗無見咁多年，一見你就睇到我好似以前咁一事無成，駛唔駛呀
我：以前細個無錢買，依家搵到錢買d童年回憶返黎有錯咩？呢d係男人既浪漫，妳識條鐵咩，唔通叫雞飲花酒果d叫長大？我覺得d女情願條仔係屋企砌模型都唔情願條仔砌其他女囉
Zoe：唔同你講歪理，我只係話你唔為將來打算，男人無事業就乜都無，我依家都有自己既美容院，話哂一場相識唔想見到你咁咋
我：妳又知我依家無事業？妳睇野唔好咁表面，咁膚淺啦，唔通我有車有樓有公司又四圍唱咩
Zoe：嘿……你有事業？算喇，唔講喇，我都要返公司，睇你個樣都無帶遮，車埋你返屋企啦
上到車Zeo問我係咪重住係以前既屋村
我：其實我住樓上，唔駛出去我都返到屋企，頭先約咗賣家係樓下交收我先咁街坊
Zoe：咪玩啦，九龍站上蓋d樓咁貴，你真係住係度我幫你含呀，快d講，唔係就同我落車
我：唔信可以上去睇下真定假，妳架車泊住我車位先，我架車攞咗去整，泊商場要俾錢，去到我住屋苑既住客停車場(要拍車主八達通先可以入到)Zoe竟然用自己既八達通拍咗幾下，之後就問點解無反應，就呢個時候有位保安行過黎想欄住Zoe，我就叫Zoe用我張八達通試下，個保安見無野就想離開，我隊個頭出去同個保安講，我架車入咗廠，呢架車可能會拍幾日，到時直接俾佢入就得
Zoe好疑惑：你真係住呢度？
我笑笑口：上埋我屋企你咪知囉
去到樓下大堂，大堂妹妹仔竟然講咗句(X生，你女朋友好靚喎)Zoe望咗我一眼
我：係呀我女朋友真係幾靚架
Zoe笑一笑點下頭我地就入，入到佢態度完全180度轉變，用好似女朋友詐嬌既態度打咗我兩下話，邊個你女朋友，又用試探既語氣問我你唔驚你女朋友知咩？我就答佢，驚架，不過我依家無女朋友，兩個月前分開咗，我講完見佢對眼好似識發光咁，佢眼神話我知(我食硬你)但佢唔知呢d係我預計之內

相關搜索目錄: 美容模型