[真人真事]：我的另一段經歷 (更新在 #21 #38 #55 #83, 相片更新於 #22, #57)
我同條女喺埋一齊幾年，同佢既朋友都好熟，成日約埋出黎聚會。佢其中一個朋友，比個名叫佢做 C ，同我條女識左好多年，係我條女既好姊妹，佢結左婚好多年，有兩個仔。C 一家住村屋，成幢三層連天台都係佢地住，地方大，成日招呼我同條女去佢屋企食飯，同佢兩個仔玩。C 屋企有米，唔使做，全職主婦，又有工人使，出入有靚車渣，仲想點？
過去幾年，我都冇乜留意 C, 佢打扮普通，密密實實咁，耐不耐喺 FB 哂下幸福，我有時連 click 入去睇都懶，只係象徵式比個 like 就算。今年年頭開始，佢開始約得我條女好密，平均兩個星期就去一次食飯同玩，咁我有時都跟埋去既，次次佢都好主動同我傾喎。我又冇諗衰野既，當大家熟左，佢熱情D啦。同一時間開始，佢 FB 既相有別於佢之前既哂幸福喎，有時係影佢自己一個夜晚渣車出去買野呀，又影下路，又自拍下，而佢既自拍呢，又睇得佢出着衫既 style 唔同左喎，衫褲都貼身左，我有時睇完都心諗：「估唔到佢都有曲線喎。」又可能因為大家熟左啦，佢開始單獨 send whatsapp 比我，都係問下路，問下邊間餐廳咁啦，之後慢慢轉變成吹下無聊水，乜都吹一餐水。
有一晚，佢 whatsapp 左張相比我，係一對腳，望落幾白幾滑幾長，佢同我講，晏晝搬野整傷左少少，問我睇唔睇到。
我話：「睇到，咁你傷唔傷呢？」
佢答：「還好啦。希望唔好有疤痕啦，都叫做幾滑嘛。」
我話：「唔會既。放心啦。」
佢話：「咁你話我對腳幾咪幾滑先？」
我只比左一個尷尬樣既 emoji。
佢追問：「即係點？」
我話：「係呀，幾正呀。睇唔出喎，之前未見過喎」
佢答：「緊係啦，咁易比人睇咩... 見係你咋」
我問：「我乜野？」
到佢答返一個笑樣既 emoji。之後我冇覆喇。兩個星期後，佢又 whatsapp 左對腳比我，話佢好返哂，冇留疤。
我答：「咁咪幾好囉，滑哂喇」
佢話：「你又知滑？你想摸呀？」
我話：「有得摸實想摸架」
佢答：「你就想！我話比 X 聽架」(X 係我條女)
我話：「咁要唔要我預早 forward 你既相比佢睇先？」
佢話：「 Ha! 你都幾無賴」
我又無覆，對話結束。又過左一個星期，我條女話 C 又約我地去佢屋企食, 係 C 個大仔生日，要去喎。咁我咪去囉。我本來心諗，會唔會有點尷尬。
到當日，我地去左佢屋企啦，一見到 C，上身一件貼身短 tee, 下身係一條好短既牛仔熱褲。心諗：「頂！玩我咩！」咁我地打招呼，我望住佢，佢又望住我，但佢明顯係扮無野，好似之前冇 send 過任何相比我囉。咁我咪又扮無野, 咪又入去佢屋食飯囉。我條女喺度，C 個老公又喺度，我唔敢望多眼啦。成晚同佢兩個仔都玩得好開心，但 C 真係扮得好好，全晚一個眼色都唔打，攪到我一度心諗，其實 whatsapp 比我嗰條女係咪 C? 定係 C 唔知 whatsapp 嗰個係我？
食緊飯啦，我想攞匙羹，我條女叫我自己入廚房攞。我入去搵左陣都唔知喺邊，C 喺出面話，我入黎擺比你啦，之後佢就入左黎。廚房地方窄，佢要喺我前晚個廚櫃攞匙羹，咁我咪縮埋牆企囉，佢一鳥低身, 佢個 pat 就撞左埋我條褲既拉鍊位，佢細細聲話唔好意思，我話唔緊要。雖然佢都縮起，但因為廚房太窄，所以佢再烏低身，個 pat 又撞左一下。
佢話：「地方淺窄，忍一忍，sorry」
我答：「啊，傻啦」
咁佢繼續搵，個 pat 都一直貼住我條褲，我有少少反應都正常啫。我諗佢都 feel 到。咁我地出返去，繼續食飯啦。之後玩左成晚，我同佢都冇再交流。到十點幾，佢既小朋友要瞓，我地咪散水囉。
到左半夜一點幾，我送左條女返屋企，我都渣車返歸。阿 C 佢 whatsapp 左我。
佢話：「點呀？送左 X 返去喇？」
我話：「係呀」
佢話：「頭先喺廚房，我 feel 到你硬硬地喎，好唔好 feel 呢？」
我答：「咁比人磨住, 好難唔硬喎。好唔好 feel？係幾刺激既，如果有人撞入黎，我都唔知點答。」
佢話：「我成晚扮冇野，冷落你，係咪唔好受？」
我冇答，佢繼續寫：「我老公喺度, 你條女又喺度，我只可以咁喎」
我話：「嗯？我同你都冇野，乜野扮冇野呢？」
佢話：「哦，咁我諗多左囉，係咁先啦咁」
我答：「喂，小氣呀？」
佢話：「係呀」
我話：「sorry 囉」
佢答：「咁你即刻黎，去村口陪我食支煙」
...
欲知後事如何，請看下回分解....
各位巴絲，都可以講下你覺得小弟應該點？
[ 本帖最後由 食得是福 於 2017-8-25 01:11 編輯 ]
