1#
大 中
小 發表於 2009-5-10 21:05 只看該作者
管理員夜遊日誌 : 八 ~ 絕對可憐。
雞蛋團長 ( 以下簡稱雞哥 ) 口述，管理員先生筆錄，以下內容第一人稱 “我” 即為雞蛋團長。
++++++++++++++++++++++++++++
講完打爛野，飲醉酒打人，咸濕 cheap 精，點都要講下沉船，唔講沉船，又點算係完整既夜遊報告呢。
呢件事發生係壹年前左右，男主角叫黑仔傑，呢條友，典型香港電車男，三十歲人，做份文職，月入一萬左右，係香港從未拍過拖，初夜俾左隻大陸雞，未到中年就開始發福，髮線過晒額頭，返到大陸就以為自己係情聖，覺得自己靚仔過郭富城，查實就成件顏福偉甘款。
黑仔傑第一次跟我團，就係大毒倉夾左條囡囡，個條囡囡二十都未夠，好鬼死祟日本文化，重同自己起左個日本花朵叫『絕對可憐』，黑仔傑唔知係咪食錯藥，之後次次都搵『絕對可憐』過夜，最後重要係大毒倉附近租左間屋，將『絕對可憐』私有化。
++++++++++++++++++++++++++++
如事者，過左一個月，有一晚，我收到黑仔傑電話。
黑仔傑 : 雞哥，聽日你得唔得閒呀 ? 我有野想搵你幫幫手，三點左右係我屋企樓下茶記等啦。
雞哥 : 傑仔，聽日係星期六，我四點要去火車站接客，你單野唔使攪好耐架 ?
黑仔傑 : 攪一陣就得架啦，冇問題就聽日見啦。
到左星期六，係茶記見到黑仔傑，佢二話不說就拉左我入大毒倉。
雞哥 : 傑仔，發生乜事呀 ?
大毒倉媽咪 : 雞哥，話晒『絕對可憐』都係我呢度開過工，傑哥又係我間倉識『絕對可憐』既，依家『絕對可憐』話從良唔做，點都要俾番多小離場費，如果唔係，我點同老細交代，其他囡囡有樣學樣，呢間倉咪冇晒規矩，照行規交三千離場費，唔俾都得，唔好俾我地係常平見到傑哥同『絕對可憐』係一齊啦。見一次就搵人收番一日台費呀。
雞哥 : 媽咪，就係甘呀，講野使唔使甘惡死呀，傑仔，媽咪都俾晒路你行啦，你返屋企同亞嫂執齊行理，落去我深圳間屋住幾日再講啦，返正我間屋有幾間吉房係度。
黑仔傑 : 雞哥，『絕對可憐』話唔想搬走，佢話常平多姊妹同老鄉呀！三千離場費我已經準備好架啦！
黑仔傑一定沉船沉到傻能左，條囡囡真心從良跟你既，又點會再願意留係常平呀，不過依家同條傻仔講乜七佢都聽唔入耳，我又冇理由斷人財路甘缺德，既然條傻仔肯自己交離場費，我就坐定定睇戲算啦 !
雞哥 : 錢你都準備好，你搵我來做乜呀 ?
黑仔傑 : 我想雞哥同我做個見證人。
大毒倉媽咪 : 傑哥你放心啦，我地打開門口做生意，行有行規，你交左錢就唔會再有人煩你同『絕對可憐』架啦。
睇完黑仔傑呢套鬧劇，我就坐車去火車站接客。
++++++++++++++++++++++++++++
如事者，又過多一個月，有一晚，我又收到黑仔傑電話。
黑仔傑 : 雞哥，呢次大件事啦，今日我地經過大孖倉門口，大孖倉媽咪又話『絕對可憐』係大孖倉返過工，又叫我地交離場費呀。
雞哥 : 甘亞嫂點講呀 ? 你有冇問過亞嫂，佢有冇係其他貨倉夜場返過工呀，如果間間場都話亞嫂係佢地個場返過工，要你地交離場費，你有幾多錢派街呀 ?
黑仔傑 : 『絕對可憐』講係得大毒倉同大孖倉呢兩間。
雞哥 : 係朋友至講多句，你地搬出常平啦，重有呀，下次有野關於亞嫂既，你唔好再打電話俾我啦。我真係幫唔到手架 ! 大孖倉既離場費，你點攪就自己話事啦。
++++++++++++++++++++++++++++
如事者，又過多一個月，有一晚，我居然係大毒倉見到『絕對可憐』返工，重要陪我既團友出街。在情在理，我都要通知黑仔傑一聲，算係對自己有個交代。
雞哥 : 係咪傑仔呀，我係雞哥呀，早兩晚我見到亞嫂係大毒倉返工呀 !
黑仔傑 : 我知，『絕對可憐』話一個人係屋企太悶，落大毒倉搵老鄉鬥地主姐 !
雞哥 : 我見到亞嫂同其他男人出街呀。
黑仔傑 : 『絕對可憐』出街最多都係坐平台，雞哥你唔好再講啦，我知你為我好，不過我信得過『絕對可憐』，佢唔會做出對我唔住既事架，老板有事搵我，遲小小再電聯啦。
++++++++++++++++++++++++++++
就係甘，我之後都冇同黑仔傑再聯絡過，不過係大毒倉見到『絕對可憐』既次數就越來越多，聽大毒倉班囡囡講，黑仔傑沉船沉到連份工都冇左，最後連老強都要挖出來貼『絕對可憐』，結局係點，大家估都估到啦。
從此之後，每次見到有團友沉船，我都會不其然想起黑仔傑，想起黑仔傑有晚飲醉酒，係 K 房入面對住『絕對可憐』唸既一首情詩 ~
因 何 而 來，因 何 而 去。
從 來 處 來，往 去 處 去。
命 從 天 定，誰 可 抗 拒。
曾 經 擁 有，今 生 無 悔。
============= 完 =============
相關搜索目錄: 茶
內遊件餅甘大,多幾個人都分唔晒啦,想一個人食晒,因住梗死呀!
|
