引用:
原帖由 redhorse 於 2014-9-3 09:32 發表 
师兄,题外话,幾年前你同髮廊妹出走,冇咗訊息,以為你出咗事,結果點呀?
謝謝師兄的關心，難得你重記得當年的事…
小弟當時年輕，又受過小小傳統道德教育，加上嗰陣時香港啱啱回歸沒多久，香港人在內地都仲有d優勢，以為只要做正確的事，對得住良心就唔使怕，大不了走返香港⋯
我見個妹妹咁可憐，就一時衝動收留左佢，帶咗佢去廣州避難，原先諗住避開雞頭就無事，但原來真正問題唔係在雞頭，係喺騙佢出嚟條仔身上，雞頭所在的賣淫集團唔見咗條女，當然緊張，但原來他們只是怕條女報案搞大件事，後來通過我朋友知道條女跟咗個香港人，加上我朋友都有啲來頭，條女又透過姊妹傳話唔會報案追究，件事就不了了之⋯
但原來欺騙個妹妹出來果條仔係湖南幫，唔見咗個生財工具，當然大為火滾，發散晒D兄弟去摷我哋同我朋友，從雞頭嗰度攞倒我朋友電話，講比我朋友知，佢地已發出江湖追殺令，又發死亡短訊去條女個手機，話斬死我哋兩個，又打電話去騷擾條女在老家嘅屋企人。我都識唔少人，當然唔怕佢地，班友仔都係得把口，但始終瓷器唔想同缸瓦撼，件事搞左幾個月，亦都唔想東躲西藏提心吊膽，於是同朋友商量後透過朋友傳話，指出係佢地呃人傷天害理在先，如果再敢玩嘢，就俾錢搵人買起晒佢地d手手腳腳，反正香港人畀得起錢。當年，在廣州芳村，的確有大把退役嘅軍佬專門收錢做呢d買賣，當然我都係得把口，大家鬥兇⋯
果然班友仔聽到之後，即刻謝晒，再無發死亡短訊去條女個手機，亦都冇再打電話俾我朋友找麻煩，但仍然有打去條女屋企搵人。為咗條女著想免除後患，我就俾咗啲錢條女讓佢返老家，佢返到老家就叫佢老豆帶咗佢去報警，佢亦都聽我話，用老家打電話俾條仔，證明佢已經返左老家冇同我一齊，通知條仔報咗警，條仔聽到之後就無再打電話騷擾佢屋企⋯
原本諗住件事就咁結束，幾個月後，佢出番嚟搵我，話好感激我，如果唔係遇到我，佢呢一生人就毀掉，佢話想正正經經搵嘢做，亦都想同我發展，我就幫佢租左間房，由於有之前嘅種種因緣，最終我地住埋一齊，過咗幾年好長好甜蜜既日子，但最後離離合合都係分開咗，這是後話⋯
