其實搵間games workshop既staff教好過我係呢度講多多聲, 但係都大約講下d超基本功...
necron 簡單講, 開頭d功夫唔洗點講, 沙紙同膠水既野呢個forum已經好多大師講過, 我自認技術冇得同佢地比. 講上色吧. 一合necron膠兵, 上色真係可以話只要20分鐘既功夫, 其他時間就係等. 最基本既油法就係先將d公仔底部用雙面膠紙一排5個, 2排咁貼喺個紙盒度.
OOOOO
OOOOO
然後噴黑底油. 等半個鐘左右. 用支中毛筆上你想用既銀色上哂成隻野, 底盤可上可不上, 睇你想點裝飾.
銀有 Tin Bitz, Boltgun Metal, Chainmail, Mithril Silver. 如果想有d打過仗既感覺可以一部份或全部用Brazen Brass(黃銅色)都得, 搵隻碟仔溝顏色又得. 自己喜歡啦. 記住唔好上太厚, warhammer既水溶性油漆算tempura paint, 本身有點厚, 可加幾滴水溝稀, 如果唔清楚份量真係要搵人面對面show俾你睇.
上完底色又等, 如果底色上得比較薄, 20分鐘左右ok架喇. 可以等咪等多d.
然後到wash. 比較啱色既有 Black Ink, Blue Ink, Brown Ink, Flesh Wash. 又簡單又好玩既步驟. 可以用毛筆點, 如果一下油好多隻又唔想煩, 仲可以好似掛叉燒咁, 直情成隻公仔點落d wash色度... 底盤有冇色無關係.
因為wash比較水汪汪, 最好最少等夠2-3個鐘, 或等第二日先再油. 如果急住要玩, 唔上detail都已經叫睇得下. 呢個就係necron既好處.
跟住就係d detail野. 用支dry brush, 點少少銀色(底色用既都可以, 最好比較淺), 搵張抺手紙輕輕擦幾下, 等支筆比較乾. 然後掃上隻公仔度, 小心記住要稍為打橫掃. 咁先凈係油到高出來既地方. 求期d掃就ok喇, 就係要佢唔好太均匀. 最後, 用隻鮮紅或鮮綠點眼睛, 加上其他你喜歡既detail, 咁就完工.
--底盤可以用些少顏色油上去, 然後洒d 有色粉(necron既話,草會比較怪, 可以油銀底+些少gravel, 石仔都得)
--支綠色透明槍管...可以最後乾哂先兩邊磨短少少可以fit入去就唔好再磨, 然後用膠水痴實.
--槍可以同公仔個身唔同色, 槍顏色深少少比較有feel.
--溝色時可以用唔同既wash來混合, 出來既色有些少wash色既話(比如銀+幾滴藍色wash) 燈光下會有些少變色. 自己試下唔同配搭. 但係wash唔可以落太多, 上色會因為太稀而上唔好.
--膠公仔唔洗得, 切記油同噴底色都唔好過厚. 如果唔係就隻隻變哂一pat pat冇面冇花紋既泥怪.
(講親毛筆size都係games workshop賣既筆size)
大約係咁啦... 最好都係搵店員教. 佢地好多都係高手.
