引用:
原帖由 郭政鴻 於 2008-7-2 18:00 發表
西班牙今次拿盃同2006年意大利一樣, 隠定性同埋隊形搭夠
你話佢地係咪世界頭5強???我好肯定講..NO
而且佢地所對對手唔係唔係咁強(小組賽三個對手和1/2準賽對手)就係大失水準 (德國)
而唯一硬仗對意大利, 都係靠對方阿頭無料先勝出
如意軍打進取一點,而肯把東尼放入後備直, 結果可能唔同
如荷蘭對俄軍唔係嚴重失準話, 佢地可唔可以輕易入決賽呢?
意大利的鄧納東尼的確無料到, 要唔係有另一位更on9的領隊杜明尼治排個自殺陣, 出唔出到分組賽都成問題.
但荷蘭果場我就唔多覺得係嚴重失準, 反而覺得係心態問題.
頭3場比賽可能見係分組賽, 荷蘭可以話係放住黎踢, 反而打出自己的流暢足球.
但去到8強vs russia, 個人覺得, 荷蘭好明顯係淆底驚輸, 攻勢隔靴搔癢.
加上前3場的對手各自都有好大問題, 反而russia緊逼踢法令荷蘭係中場根本係輸晒. 安基拿、迪莊表現算唔錯, 但絕對唔係一級的中場, 史尼達又唔多d番落來幫下手, 兩個中場長時間都係死頂. 而荷蘭後防本來就唔穩陣, 一睇個陣容就知, 全部都係轉身慢的人, 希汀加同保拿奴斯亦唔係盯防一流之輩, 所以一失控球權就全場捱打. 要唔係馬特贊臣同迪莊有幾球禁區最後一刻返到來包位, 荷蘭輸3球都嫌少!
相反西班牙就醒目, 知道同russia班友鬥體能死硬, 上半場幾個傳送功夫一流的中場係中間搓來搓去, russia班友體能幾好都無用, 得個跑字. 到中後段見玩到對手開始有d謝, 就發力攻. 領先一球之後更加順, 因為russia焗攻, 但西班牙反擊甚有料到, 唔入波都絕對會搞到對手一頭煙! 而後面用上防守意識高、亦算穩陣的中堅馬真拿、配合佩奧爾/拉莫斯不時補位, 艾沙維好多時波都拎唔到.
所以我覺得西班牙可以大炒russia而荷蘭俾人禁住黎打, 原因一方面係西班牙中場線強過荷蘭(尤其係辛拿同沙維甚具級數同作用), 另一方面係西班牙對俄羅斯有唔少針對性部署, 識得用自己的優點去掩飾自己的缺點(其實唔止一場, 好似西班牙面對高空攻勢時, 明顯將卡斯拿斯推前好多, 用佢過人反應同埋判斷來封位) .... 相反荷蘭的雲巴士頓, 好似無做功課咁, 無啦啦踢到好似守勢波咁....落後時換人等於無換更是一大敗筆
