1#
大 中
小 發表於 2009-5-10 21:02 只看該作者
管理員夜遊日誌 : 六 ~ 醉打金枝。
雞蛋團長 ( 以下簡稱雞哥 ) 口述，管理員先生筆錄，以下內容第一人稱 “我” 即為雞蛋團長。
++++++++++++++++++++++++++++
好多香港人，返到大陸就好以識玩變臉甘，未過關前就係電車男，一過關就變成雞虫，佢地以為，洗多幾個臭錢就當正自己係大爺，飲多幾杯屎水就當正自己係大哥。
++++++++++++++++++++++++++++
件事發生係閒日，個晚得七八個客，搵完囡囡食完飯，就返主場。係 K 房，我一定坐近門口位飲清茶。坐門口位有乜好處？除左可以睇晒成間房之外，啤酒入房前又可以數數夠唔夠支數，客人或者老總搵我又可以閃出房慢慢講，可以留意間房有乜閒雜人等出入，又唔使俾客人捉住飲酒，最重要一點，有乜特別事發生，可以頂住度門，唔俾間房既人出去，或者外面既人入房，所以大家跟團去玩可以留意下，盡責既團長一定坐近門口位。
++++++++++++++++++++++++++++
由於個晚間場冇乜客人，所以都有幾個細媽同營消入左房玩，大約玩到九點左右，突然有條女大叫，做乜打人呀，之後有個人想衝出房，打完人想走，俾你走到我咪受晒，我第一時間頂住度門，再望真個條友，原來係光頭星，呢條友唔飲得又冇酒品，次次都飲到斜晒，今晚重借醉打人，帶團帶著呢類客真係當黑。
雞哥 : 光頭星，打完人想走，你出得房門，都未必出得酒店，出到酒店，都未必返到深圳，係房到我都重可以同你拆，你就甘走左出去，俾人溶左都唔知乜事呀，服務員，倒杯熱杯過來，亞女，陪住你男朋友啦，佢嚇到面都白晒呀。
++++++++++++++++++++++++++++
再望番另一邊，俾光頭星打個件細媽，成塊面都紅晒，咀角又爆左，又喊又叫，又話要吹雞，又話要班馬，間場最大個老總帶左幾件保安過來問發生乜事，之後就拉左細媽去左隔離房。我第一時間同班客講冇事發生繼續玩，又拉光頭星出房門同佢講 ~
雞哥 : 光頭星，人你都打左啦，我依家過隔離房同你拆，你留係我地間房等我呀。
推返光頭星入房，再同門口個幾件保安仔講，叫佢地睇實唔好俾光頭星走佬。
++++++++++++++++++++++++++++
入到老總間房，了解完，原來佢地玩大話骰，細媽勁打 GAMEBOY，光頭星連輸十幾板，最後飲到唔肯飲，俾細媽串幾句，光頭星就醒左細媽兩野。飲酒飲到要打女人，呢種男人唔死都冇能用。
++++++++++++++++++++++++++++
講好條件，返到自己間房，我直接同光頭星講 ~
雞哥 : 光頭星，有三條路你行 :
第一，賠湯藥費五千加斟茶認錯，不過間場俾面我，斟茶認錯可以免啦。
第二，你醒左條女兩野，俾佢爆番兩個樽當冇數。
第三，報公安，不過報公安，我一定拉隊離場，留底你同間場自己攪，我最多賺小晚。或者你自己識唔識呢度 D 大佬呀，識既你就自己搵人攪，不過對方來頭唔細架，你打既人，係木倫大雄哥契妹，你要搵都要搵番甘上下份量既猛人呀，點都好，你要吹雞我都係拉隊離場架啦。
光頭星 : 雞哥你同我渣主意啦 !
雞哥 : 你有幾多現錢係身呀？有冇提款卡同信用卡呀？
光頭星 : 二千多小小，信用卡都有兩張既。
雞哥 : 我搵人陪你落街襟錢啦。
++++++++++++++++++++++++++++
之後我同老總講，叫佢搵人陪光頭星出去襟錢。
落街前，我同雙方都講到明 ~
雞哥 : 老總，人就交俾你，如果佢落街走左，之後既事我就唔負責，光頭星，你想出古惑既，你就唔好俾人再捉到，你襟完錢記得打電話俾我。
就係甘，一個副總加一個保安隊長再加幾件保安仔就同光頭星出左去，十分鐘左右，就收到光頭星電話。
雞哥 : 光頭星，你唔好上來啦，你同副總係酒店大堂等我，叫隊長帶錢上來就得啦。
之後我就係老總面前交左五千俾細媽，攪好晒所有野，就同班客講我要送光頭星返火車站，叫佢地安心繼續玩。
++++++++++++++++++++++++++++
落到大堂，我就叫副總搵架酒店車，送我同光頭星去火車站。上左車，我就同光頭星講 ~
雞哥 : 今晚發生甘既事，你應該都冇心情再玩落去，依家重早，我送你去火車站，你坐火車返深圳，今晚當係我請你飲酒，你條囡囡我會同你攪晒，返到深圳你打個電話俾我報平安啦。
送走光頭星，返到主場，俾左一百叫條囡囡走先，我就繼續坐係門口位飲我既清茶。
============= 完 ===========
相關搜索目錄: 茶 酒店 啤酒
內遊件餅甘大,多幾個人都分唔晒啦,想一個人食晒,因住梗死呀!
|
