行政長官答問大會被迫暫停

話說吳議員問曾特首,一個有良知的長官,點睇六四,會否平反六四~~（大約咁上吓）

其實問問題果個都係有心玩嘢~~明知呢條係冇得答~~將心比己，易地而處，每個人都有佢個角色，而有些說話是不能出口的，作為一個特首，即係中國政權下的一個區的首長，要為香港及中國作一個關係協調者，有些說話唔出得口∼∼所以問都係明玩嘢∼∼

但係特首回應手法不太高明，其實對方衝著自己的個人感受及個人良知而來，要起你個人價值觀的底牌∼∼好明顯係個人的問題，一牽涉私人問題，好易甩身啫！咁答：
你問的係我個人的良知，係個人問題，而呢個答問大會係向公眾解答政府政策的問題∼∼所以唔方便回答你！

一嘢就閃咗去啦∼∼仲答個托咩∼∼
不過話時話，我覺得曾特首咁樣答，雖然唔高章，但係都算負責任，因為如果佢真係答咗我良知係會平反六四，果時仲仆街∼∼全香港人可能比佢咁答而置身地獄∼∼我永遠認為衣食足而後知榮辱∼∼有飯開先講人權啦∼∼飯都冇得食，屎你都要食呀∼∼依家香港經濟好靠大陸支持，尤其在海嘯下更重要，如果你一話撐六四平反，你估大陸有乜反應嗱∼∼
你作為法律界別入議會，你大把錢，做律師好高尚，但係大把人等開飯∼∼