公民黨改名為擦鞋黨

政黨爭相擦鞋出風頭  梁君彥話不屑做騷
東方日報

本報上月獨家報道中環擦鞋匠李伯被食環署驅趕嘅辛酸史，才引起立法會各黨派嘅留意，公民黨余若薇（Audrey）率先介入事件，發動黨友到戲院里擦鞋，部分政黨見外界也甚關注，又爭相為李伯出頭，先有白鴿黨遲來先上岸邀功搶風頭，新成立嘅「經濟動力」又話有跟進事件，正一「瘦田無人耕，耕開有人爭」！
公文袋尋日發起「六一八」擦鞋行動，仲喺各鞋檔插晒該黨黨旗。（徐家浩攝）
本報在上月十八日獨家報道中環擦鞋匠李伯被食環署驅趕後十日，公文袋Audrey去信食物及衞生局局長周一鑊，要求食環署酌情發牌畀李伯擺檔；Audrey又收到中環戲院里幾位擺檔多年嘅擦鞋匠求助，反映畀食環署口頭警告和驅趕嘅遭遇，Audrey於是事先張揚發起「六一八」行動，尋日齊齊到戲院里幫襯擦鞋匠，促請政府盡速發牌。

梁君彥話不屑做騷
點知白鴿黨甘乃威收到風，知道政府同意放行，於是提早喺本周二（六月十六日）捷足先登，踩落戲院里擦鞋，仲即場透露食衞局副局長梁卓偉同意考慮發牌畀中環擦鞋匠。甘威當然否認截胡邀功啦，仲自稱十年前已經處理過擦鞋匠問題。

甘威擦鞋前嘅早上，遇啱「3L」加鄉議局主席劉皇發組成嘅「經濟動力」開張，核心成員梁君彥都話本周一已收到食衞局政治助理陳智遠嘅電話，知道只要區議會同意，政府同意發牌，只係佢不屑去擦鞋做騷啫。公文袋蝕章畀甘威，來不及到尋日出擊，黨員梁家傑前日已做先頭部隊由立法會操上戲院里擦鞋，甘威就連汁都撈埋，喺立法會展示自己對閃令令皮鞋，大讚擦鞋匠專業。

直到尋日「六一八」擦鞋日，公文袋在各個擦鞋匠身旁插晒黨旗，擺明做騷示威，Audrey仲跟足劇本，一身行政人員套裝及皮鞋去幫襯，但點知畀黨友陳淑莊打爛齋缽。陳淑莊因為早上活動多，忙到着住對涼鞋款嘅通窿高跟皮鞋去撐擦鞋匠，仲死撐話想考吓擦鞋匠功夫，佢話師傅用棉花加透明鞋膏擦，唔怕擦花佢對腳，真係乜都佢講晒！

政黨爭住為擦鞋匠出頭，係咪真係攞個心出來，只有佢哋自己知道，但總好過無動於衷嘅政黨。不過，正如當初擦鞋李伯所言，若非本報獨家報道，都唔會有咁多人知道佢哋嘅困境，更加唔會有咁多議員關注。







有投票權的擦鞋小販真幸福
冇投票權的正生書院學生真可憐,
政棍點會得罪有投票權的梅窩居民

[ 本帖最後由 屍屠華 於 2009-6-19 16:01 編輯 ]