迪士尼樂園擴建, 呃錢! 喪權辱國!
轉貼自:
http://sarg-merit-fault.blogspot.com/
十九世紀, 腐敗的清朝, 鴉片戰敗, 割地賠款, 割讓香港島(第一期喪權辱國), 後又簽99年租借九龍新界(第二期喪權辱國);
到了21世紀, 香港回歸後, 雖然再無鴉片戰敗, 香港又非戰敗, 但香港特衰症府主動獻身, 發揚腐敗喪權辱國傳統, 先有補呔曾親自領隊到美國談判 “禾路敵視你” 條約, 第一期送地送錢送股權, 今時今日, 第二期擴建, 曾俊華又係割地賠款, 送竹篙灣地又送錢! 那個更昏庸腐敗? 那個更無恥無德無才無知?
香港特衰症府以創造就業做「擋箭牌」, 張大眼呃市民說, 工程完成後會額外增加約 600個前線服務人員職位 (噢! 之前咪裁左一大批舊員工?).
那麼, 若把原計劃投資的幾十億元公帑及土地直接分派給這600個新前線服務人員, 咪每個人都立刻發過中六合彩頭獎加三T獎啦! 使乜做? 更何須公帑再蝕多35年都未知幾時唔使再貼再蝕? 笨蛋! 香港班昏官可以呃自己, 但點可能呃到廣大市民及歷史的紀錄!
香港特衰症府為何不反省補救, 襯上海想玩的大好機遇, 把香港 "敵視你" 樂園所有設施全賣給祟洋的上海佬, 把竹篙灣拍賣地皮, 已有港鐵直達, 已有人工湖公園, 又有無敵海岸, 一定貴過黃金海岸, 匡湖居, 貝沙灣! 就算唔賣住宅, 拿竹篙灣拍賣地皮改建墓地, 墓地十幾萬一個位, 骨灰二萬一個位, 咁都可以賣回千億元回公帑庫房啦! 還死撐, 只為官僚的面子公帑就要背上每年蝕的包袱? 庸官危害市民經濟!
香港市民用超世界級高薪奉養的垃圾狗官比較慈禧老佛爺治養的清庭腐敗貪官, 毒害何異?
.
.
注資迪士尼通過 或要蝕 35年
【蘋果日報 11.7.2009 訊】在一片反對聲中，立法會財務委員會通過迪士尼擴建計劃。多名議員批評迪士尼未公開財政狀況，及以創造就業做「擋箭牌」，只好無奈接受擴建。迪士尼估計，如入場人次不理想，最快在 35年後才可收支平衡。
立法會財委會昨以 28票贊成、 10票棄權及 5票反對，通過迪士尼擴建計劃，政府將以債換股方式落實有關財務安排。自由黨及民建聯等支持擴建；一直批評迪士尼不公開財政狀況的民主黨多名議員就缺席投票；公民黨則投了棄權票。職工盟李卓人批評，迪士尼以創造就業為由要求立法會支持，但又遲遲不公佈財政狀況，做法離譜，「洗濕咗個頭都冇辦法，通過唔到又驚啲工人冇嘢做。」公民黨余若薇指，政府要立法會在 10天內表決迪士尼擴建計劃是不公道，「真係極度極度反感！」
承諾披露營運資料
商務及經濟發展局常任秘書長蔡瑩璧表示，根據協議政府不能單方面終止迪士尼公司收取管理費，但已成功爭取迪士尼不收取 07至 09兩個年度的管理費。她又說，迪士尼不是上市公司，不能要求迪士尼交出財務報告。
迪士尼估計，如入場人次理想， 2014/15年度若達 836萬人次，可轉虧為盈，賺一億元；但如入場人次不足 800萬人次，該年度會蝕一億，最快要到 2044/45年度才收支平衡。
迪士尼行政總裁金民豪昨晚在記者會上表示，新增的三個主題區今年底動工，首年創造 850個職位，當中大部份是建造業職位，工程完成後會額外增加約 600個前線服務人員職位. 首個主題區兩年半後落成，估計三個項目共可創造 3,700個職位。迪士尼又承諾，今年度起每年披露營運及財政表現資料。
首個擴建的園區最快兩年半後啟用。至於樂園仍有七公頃土地暫未作規劃，迪士尼表示擴建完成後再作規劃，暫時未有計劃再興建酒店。
.
