有又攻擊、冇又攻擊

怒斥《蘋果》有又攻擊冇又攻擊本文重點
綠色過綠色 真係靚(o架)
壹傳媒總部更近堆填區


【本報訊】長實集團主席李嘉誠昨日反駁旗下樓盤「領都」有臭味的指控，強調自己曾親身到現場視察，證實樓盤對開的堆填區綠草如茵，令人看得心曠神怡，炮轟作出有關指控的《蘋果日報》刻意針對該集團，「有又攻擊、冇又攻擊」，批評「做生意唔係咁嘅」。
綠色過綠色 真係靚(o架)
《蘋果》記者昨日在長實中期業績發布會上，再次指控長實位於日出康城的樓盤「領都」，指附近的堆填區臭味問題嚴重，質疑當業主陸續入伙發現問題後，長實便難以售出餘下單位。李嘉誠聞言後罕有地未待記者問完整條問題，便提高聲線出言反駁：「喂！你哋報紙呢，係專登等我哋有乜嘢（業務），有又攻擊、冇又攻擊。」

李嘉誠強調，自己曾親身到「領都」現場視察，未有發現《蘋果》聲稱出現的問題：「好多地盤我都冇去，呢個地盤我啱啱去咗幾個鐘頭，我好少去嘅。個堆填區嗰邊，綠色過綠色，真係靚㗎，你去睇吓，心曠神怡。我已經講過，做生意唔係咁嘅，雖然我冇同你哋做生意，但唔好樣樣針住嚟寫！」

長實董事總經理兼副主席李澤鉅亦指出，至今已有一千七百多個家庭以實際行動支持購入該樓盤，很多最近已經入伙，都覺得當地空氣清新，個個開開心心，他說：「個個人入到去住，唔會淨係睇一份報紙，去決定個地方好唔好嘅。」

李嘉誠其後再補充，他不只在樓盤的單位內遠眺過附近環境，還直接到過樓下視察，發現該處真是個好地方。此時《蘋果》記者還未肯罷休，追問李嘉誠有否在晚間去視察，李澤鉅則反駁：「我日日夜夜（都去），唔知幾多次喇！」

壹傳媒總部更近堆填區
事實上，《蘋果》所屬的壹傳媒集團總部坐落於將軍澳工業邨，工業邨本身就已是由堆填區堆填出來的土地，而壹傳媒集團總部今時今日與堆填區的距離，亦比任何樓盤與堆填區的距離更接近。

[ 本帖最後由 屍屠華 於 2009-8-14 16:38 編輯 ]

呢次李嘉誠衰硬，因為嗰處真係好臭，臭到想嘔，不過唔係日日臭，係隔幾日臭一臭，立此存照，李嘉誠呢段說話，半年內一定俾生果報做誤導頭條。

唔怪得生果報咁臭

李嘉誠同生果報兩家都臭  

臭罌出臭草　淫媒生爛果

開講有話「寧得罪君子，莫得罪小人」，究竟小人有乜可怕呢？最可怕就係得罪咗小人，實畀佢咬住唔放，咁就手尾長啦。
呢嗱，日前喺長和系中期業績發布會上，爛果報記者又係一如既往咁攪局，老屈長實旗下將軍澳樓盤「領都」附近嘅堆填區臭味問題嚴重。其實，爛果報呢招已經係舊到無可再舊嘅舊橋，將軍澳個樓盤賣咁耐，佢哋就唱衰咁耐，擺明係公報私仇玩針對喇。

爛果報一而再、再而三無中生有，惡意中傷，難怪一向出名好脾氣嘅長實集團主席李嘉誠都忍無可忍，炮轟爛果報刻意針對該集團，有又攻擊，冇又攻擊。李超人強調自己親身去過現場視察，樓盤對開嘅堆填區綠草如茵，令人心曠神怡，佢仲語重心長咁同爛果報記者講：「做生意唔係咁，雖然我冇同你哋做生意，但唔好樣樣針住嚟寫！」

最弊係君子坦蕩蕩，小人長戚戚，淫賤黎一直對長實唔肯落廣告懷恨在心。早喺兩年前，爛果報就生安白造話長實將軍澳樓盤位處垃圾堆填區隔籬，「臭氣熏天嘅問題一直困擾區內居民多年」，仲借用所謂「網民」把口，加油添醋話「堆填區有如屍臭味，聞到人會中毒」。

爛果報講到將軍澳呢樣又唔好，嗰樣又唔掂，幾乎唔係人住嘅地方，但最好笑嘅係，淫賤黎唔知係咪揩草揩上腦，連自己嘅竇口喺邊都唔記得。其實，壹淫媒總部正正就係坐落將軍澳工業邨，而且同堆填區嘅距離比任何樓盤都近得多，如果該區真係咁惡頂，真係臭氣熏天，真係聞到人會中毒，淫賤黎及壹淫媒員工首先中招喇。話時話，淫賤黎一方面話嗰度生人勿近，但另一方面又要求員工日日返工吸臭味，豈不是靠害自己友？

其實，淫賤黎連契弟都肯做肯認，本身已經係一個臭到冇朋友嘅人，佢自己就梗係唔怕臭喇。正所謂蛇鼠一窩，佢同李漢奸狼狽為奸，一齊反中亂港，早已臭名遠揚。此外，係人都知淫賤黎誨淫誨盜，為咗賺多幾個臭錢，任何淫賤嘢都做得出，臭罌出臭草，淫媒生爛果，壹淫媒點會有好嘢出吖！

要數最臭嘅，一定走唔甩爛果報利誘陳健康上深圳嫖妓做新聞嗰單。仲有偷拍女藝人換衫、將藝人床照輯成特刊促銷等等等等等等，件件臭不可聞，捂住鼻都頂唔順。

奇就奇在，壹淫媒夾夾埋埋觸犯咗《淫褻及不雅物品管制條例》成百幾次喇，堆填區都香過佢，但淫賤黎好似有一塊免死金牌咁，餐餐都獲得輕判，執法機構同司法機構一再包庇放縱壹淫媒，真係唔到你唔服。唉，唔恨得咁多，鬼叫淫賤黎同港英餘孽咁臭味相投咩！

講到呢度，大家應該知道，根本唔係將軍澳臭氣熏天，而係淫賤黎呢條契弟臭絕人寰，連將軍澳都畀佢佗衰埋！

東方日報-功夫荼