繆氏川菜食府（值得介绍）
昨晚我去試食，我都簡單評評場地同食物的質素。
打的到湖貝路，我都吾知確實地址，就同的士大佬講‘食川菜的，叫繆氏’，哈，我一講他馬上知道，看來都幾出名。去到門口時我就馬上明白‘嘩，點解個裝修甘靚o既? 有四川女友的話可以帶黎試試wor’
系門口看看先。咦，原來近排每隔兩日仲有現場表演國術‘變臉’ ，尼個我上次同個靚女客戶系上海看過，絕對值得一看再看。上次同個靚女客一邊食一邊看表演，有美食有驚喜，食完之後我地兩個當堂熟左吾少，有機會你地真系要同女友去感受下。
入到去，都好多人下wor, 好在我地有訂位，看來尼個場都幾受歡迎下。見到o甘o既情況，我個心都定D，最怕就系一場黎到D野吾好食嘛。
講翻食物，都真系無令我失望，10分滿分我比8分，系道推薦幾個菜比大家：
巴蜀老壇子（7/10）-爽口，香辣，水準之作。
繆家罐罐菜（7.5/10）-入味，送飯一流。
蟹黃豆腐（9/10）-全晚最正兩道菜之一，尼個我好欣賞，鮮甜，蟹粉多，香港好少食到甘好味。
禦鼎饞嘴田雞（8.5/10）-尼個我都好正，川菜要麻先好食，這味菜麻足我10秒，好過癮。
竹籬飄香鴨（9/10）-全晚最正兩道菜之二，尼個菜我都系四川D大酒樓食過，果次做得有點漧，但系今次試就覺得尼個飄香鴨D肉又入味，又有彈性。個廚師有料到。
石烹牛肉（8/10）-最後介紹尼個，牛肉鮮味，爽口，最過癮是個鍋連石春上保暖。
晾乾白肉我無試，比其他朋友搶曬，評吾到分。
總括來講，尼間繆氏川菜食府值得去，D菜仲吾貴，大部分RMB15-35一道菜, 荷包吾會大出血。最arm一大班人試多D菜，或同女朋友過黎看表演。
推薦菜式: 巴蜀老壇子，繆家罐罐菜，蟹黃豆腐，禦鼎饞嘴田雞，竹籬飄香鴨，石烹牛肉
是次消費: 每人約RMB40.00 (晚餐)
用餐日期: 2009-12-09
評分: 味道 4 環境 5 服務 4 衛生 4 抵食 5
sofood優惠券：
http://www.sofood.cc/coupon_detail.php?id=26
