"國民教育"大洗腦的 “防疫針”
洗腦逼得到人民愛貪腐專政的共產黨嗎? 今天弄巧反拙, 破壞河蟹, 令全港全民齊齊打了一次 "擁護進步巫師團結(貪腐)一黨尊政的國民教育"大洗腦的 “防疫針”.令全港全民齊齊加強對一黨專政的貪腐政權 “防疫”. 點解發起今次洗腦逼愛國的笨蛋官僚重未人頭落地以平民怨?
當年江青四人幫向兒童洗腦, 成功洗出紅衛兵清算全國地主 (但紅衛兵長大後多變成錢衛兵, 貪衛兵…). 咁今天梁書記要向香港兒童洗腦, 梁書記要洗出香港紅衛兵去清算地產霸權嗎? 梁書記要洗腦洗出香港紅衛兵清拆李氏力場.拆李/郭/鄭/…祖墓嗎?香港紅衛兵最少都去清拆僭建丁屋啦!
若聽螞民話, 撤回國民教育科, 高官官威何存? 點同支取 “超世界級高薪” 配套呀? 香港官僚月薪比美國總統更高, 官威當然要比美國總統更大囉! 咁先至值錢架!官威唔大下次點再加薪呢?
諮詢劇? 在"德育及國民教育委員會"劇場上演 ---- 公帑又枉燒一筆 --- 交稅奉養惡官害你啦! 官僚不學澳門每年全民派錢但就枉燒公帑製做這些委員會去粉飾惡政孤行.
「賤官」教育局局長吳克儉歪理連篇，「老屈」沒上街的沉默大多數支持國民教育科 --- 你交稅養肥惡官害你喎!
吳克儉指若果個別學校表明不開科，局方會派分區職員協助，「討論」如何開展, 嘩! 是另類政治逼害! 高官強姦螞民呀! 好唔好報警呀?
新界鄉紳成立的天水圍十八鄉鄉事委員會公益社小學，已經設立國民小先鋒隊! 小先鋒隊可能成長為雷鋒大隊去共 “地產霸皇的財” 產, 也可能成長為紅衛兵大隊去拆吳克儉個祠堂! 咁就有報應啦!
程翔認為港府硬推國民教育是沒有吸取六七暴動教訓. 45年前香港左派大搞「反英抗暴」，最後引發六七暴動, 若然今天抗拒 "擁護進步巫師團結(貪腐)一黨尊政的國民教育"而再生暴動, 咁香港樓價必然大跌, 恭喜! 各位有機會買平樓了! 恭喜! 梁班子可以 “意外地” 成功把香港樓價隊低喎!
洗腦, 市民由幼到老, 每日都被人刻意洗腦, 洗你腦的人從中完成任務發財.
用“擁護進步巫師團結(貪腐)一黨尊政”的國民教育去洗人家兒子的腦是可以升官發財的, 恨錢如命的販子都爭相參與洗人家兒子腦的政治任務.
而為逃脫一黨專政國民教育洗腦, 孤獨的李超人花自已寶貴時間也要自已教, 自已洗個孫個腦. 孤家版本的洗腦軟件, 正野就不外傳不分拆上市, 百佳豐澤都無得買.
在電視立會選舉論壇上, 自由黨主席劉健儀指控蕭若元利用人網, 教壞青少年講粗囗+教上街衝擊警察+教掟野瞓街.... 拍色情戲 … 洗青少年個腦! 熱血青少年被洗腦催眠, 被利用去打前峰, 以身衝擊犯險, 而政棍就坐收政治利益, 使很多家長擔心! 蕭若元回應那不是粗囗而是俗語.
有個錢的就送兒女去英美讀書, 不在港洗腦. 下載英文版本名校軟件洗子女的腦又如何? 例如,陳巧文飛去英國唸寄宿中學幾年, 洗洗個腦, 結果回港後不單只熱心上街游行, 領導叫囗號, 更出位揮武雪山獅子旗爭取西藏獨立, 爭取由喇嘛開壇作法唸經統治人民. 另一例子, 毓民送兒往美國進修, 洗洗個腦, 暑假回港期間合巧被生果新聞紙揭藏有小量毒品被捕, 不放生世侄導至同肥佬黎世交變世仇. 老美版軟件可能跟送拍丸仔實驗.
譚耀宗派晒佢d子孫去外國用國際視野英文版洗腦, 唔可能洗出"雷鋒"型,但好可能洗出 "簿瓜瓜型", 貴野! 譚耀宗認真富貴的證據. 另類裸官.
生果新聞紙催虛登釣魚台的是英雄, 天天歌頌催谷! 天天“洗你個腦”! 這正是生果新聞紙的主要任務. 份工黎架! 搵食喎! 咪有份方向新聞紙報導過某中文行家高層竟然是尾國屍堐A前顧員鬼佬, 唔同老細使用唔同軟件系統的,所以只會下載原莊尾國之暗牌鬼佬版本洗你個腦而唔會係下載親共中文版洗的. 來佬貴野黎架好好洗架!
小甜甜就用幾十億元搵個相士風水陳洗自已個腦, 甜甜蜜蜜地尋陰洞種生機. 若果佢肯用蘇靈瘋牌或麥靈靈牌生肖運程個人版洗腦就幾十蚊都有交易.
香港人天天被電視廣告洗腦而不覺而矣. 廣告催虛凡是日本產品都好, 貴貴都要買日本貨. 今次底死, 日本奶粉缺碘! 日本貨有否輻射? 以前禾牛從不出囗, 今是否禾牛吃了有輻射的飼料才出囗益你呢?買日本貨啦! 底死! 底死! 電視廣告天天洗你個腦. 廣告商若不天天洗你個腦佢點搵食呃錢喎?
而青少年最被豬朋狗友感染而花錢買的洗腦軟件就是日本版 --- “動漫”. 君不見香港今天有很多宅男/地鐵男/cosplay妹/Kawaii妹/鹹蛋超人… 終日躲在房中玩figure. 他們都是用日本版軟件洗腦的!
請大家用選票証明你未被洗腦赤化!
相關搜索目錄: 釣魚 廣告
