買家反噬 鋤價達18%

環球股市狂�U，本港經濟走下坡，樓市下跌的壓力愈來愈大。除了業主減價趕出貨外，仍有意入市的買家「大反擊」，大手鋤價。柴灣杏花�h就有買家要求業主勁劈130萬元，減幅達18%；北角城市花園亦有煙花海景戶，遭買家一口還價就鋤200萬元。以往業主「唔係新高價唔賣」的局面，已逐漸變為買家「唔係低市價唔睇」。
        樓市有轉勢�[象，以往賣家心雄企硬的情況亦逆轉。美聯李聖智表示，港島杏花�h一個中層戶，實用面積499方呎，業主今年四月期間放盤，開價一直維持在約700萬元，至近日有買家睇樓後表示有興趣，隨即進取還價18%，要求業主劈價130萬元，以570萬元賣出單位。
      世紀21日昇蔡玉駿亦稱，北角城市花園一個10座高層E室，屬望煙花景的樓王戶，實用面積約1,010方呎，業主原叫價1,680萬元，但見環球股市下挫，上月已減價80萬元，至1,600萬元，但有睇樓後的買家嫌「未夠喉」，大手還價至1,400萬元。
       美聯劉念滿稱，近期買家趁勢「執平貨」的心態強烈，近日長沙灣四小龍的買家，還價幅度由過往的2至3%，大增到5至8%，個別更逾一成。
       其中，宇晴軒一個三房套單位，放盤價約900萬元，日前有買家睇樓後即還價，但第一口「即鋤」50萬元。
       新界區方面，美聯吳嘉權表示，沙田區內業主議價空間擴闊，更陸續出現減價放盤個案，其中沙田第一城19座中層D室，實用面積327方呎，業主在放盤數日後，旋即由430萬元減價至420萬元，低市價約3%，但有新盤向隅客更進取，還價至400萬元以下。
       天宇海買家逼減7%
       美聯陳德文表示，馬鞍山天宇海一個分層單位，放盤價為1,080萬元，日前遭買家大手還價至1,000萬元，幅度逾7%。另外，近期有買家約睇樓時表明只想物色低市價的「跳樓貨」，或可大幅劈價的放盤。
       豪宅市場同樣不乏大手鋤價個案。利嘉閣鄭雲鋒指，跑馬地豪宅雲暉大廈一個A座中層四房大宅，望馬場景，實用面積約1,955方呎，連租約放盤，業主向來「企硬」，叫價6,000萬元，但有買家趁近期股市經濟都有危機，於是大幅還價500萬元。

[ 本帖最後由 志專 於 2015-9-6 12:38 編輯 ]

我唔希望冧市，但係跌返少少唔係壞事。

對，少少地7，8成，唔好太多。

睇嚟呢位朋友未上車 haha

我阿爺有祖屋交低，使咩上車。