[原創] 好悶

好悶--

今晚又係眼光光。

好耐冇上過黎，不過估唔倒條thread都仲o向第一版，唔知係咪即係唔多人留言或寫野。

睇番之前寫既野又真係幾好感覺。原來有一晚又係訓唔著上左黎。

跟番D post：

1. Snowy0向個tenant搬之前大左肚，後來生左幾隻貓仔。不過有兩隻o向我地帶佢地去獸醫前感冒死左，其它既都係捉唔倒。依家間中見倒佢但就已經冇再叫；

2. 冇去戲院睇The Simpsons Movie，前兩個禮拜先租黎睇。係真係笑左一場，多謝細摩介紹。不過D人好多時話外國人點開放點開放，睇佢地拍戲既橋段就知其實大部人都仲係好傳統。戲裡面Lisa好嬲Homer又係咁打Homer，March叫停佢，Lisa就話佢自己好angry，March就同Lisa講：`You're a woman, you can hold on to it forever.' 好多人都會笑。即係好多人知道哩個concept已經過時，不過依然存在而且維系倒家庭。而哩類戲種亦係family式，預左觀眾有代入感可以產生共嗚。

我Dfriend成日話我乜都鐘意分析，不過提住自己：又唔係覆雜化D野，有乜所謂？睇我寫野就知，冇紋冇路冇機心。

租開戲睇，又租左Bourne Ultimate, Oceans Thirteen, Shrek 3, Die Hard 4 同 MI3黎睇。之後唔夠喉就租左成套season 6既24黎睇，睇左三日。

好幸福，依家選擇真多。不過睇完又悶過，係時候拎D周星馳出黎重溫。

有冇人可以話我知近哩一年有咩好既中文戲呀？我阿媽就過黎想叫佢帶D。希望長江七號到時已經出左。

咦，我明明想繼續o向自己條`新人Blog'thread度寫野，點解變左新thread架？發生咩事？