中國大陸地形複雜, 基本上各種地形應有盡有。 江南地區山水相連, 受到好多橋樑道路負重能力既限制, 坦克最大噸位只可以去到五十; 同樣道理日本亦將自己既主戰坦克噸位定係五十到。
而通常一部坦克需求三種性能: 火力、防護、機動。 火炮口徑愈大所需炮塔就愈大會加大重量而影響機機力, 裝甲愈厚防護力愈好但就愈笨重同樣會影響機動, 愈輕當然機動力好但防護力就愈弱會影響戰場上既生存能力。 因為呢三種性能基本上係會互相抵觸, 故此一部坦克就會係呢三種性能當中取個平衡, 而一部好既坦克就係一部取得好既平衡點既戰車。 而噸位大細會影響到最大平衡點, 當中尤以裝甲防護為甚, M1A2 愈六十噸既重量當中有一半就係為左副甲。
係火力上125口徑 相對 120 佔有優勢而又唔會加多太多重量, 所以係一個好選擇。 至於炮彈, HEAT 並唔係新科技, 甚至可以追溯至 WWII 已經有呢方面既實驗。 但 HEAT 最主要用途其實並唔係坦克互片, 而係對一 d bunker、 掩體進行爆破。 相對於 conventional 既heat, modified 過既 warhead 亦只不過係相應防護科技上既發展而進行改進而已, 當中並無全新既意念或威力上既突破。 至於導引彈頭亦唔係 d 咩新科技, 只不過係宜家先至用落坦克身上而已。 原因就只得一個字: 錢。 坦克本身只係一個有裝甲防護既可移動炮台, 造價最多亦不過三數百萬美金; 如果每打一炮都要唔見幾萬美金就算係最肯使錢去打仗既美國都唔制。 其實坦克每次出動唔會只帶一種彈藥、而係會多種彈藥同時備用。
至於裝甲就基本上係一部坦克最唔會對外公開既資料, 所有相關資訊都係外間既估計。
其實 99 最大問題唔係係火力上或裝甲上, 而係副引擎。 受制於整體工業力仍相對落後既情況下, 同大陸所有其他軍工企業一樣 99 既發動機都要從外引進。 徐左烏克蘭既俄系發動機性能上比唔上西方外, 更大問題係戰時供應維護得唔到保障。
一部坦克只有放係佢最適合既地形先至會係最好。 世界上唔會有一部「最佳」坦克, 而只會有一部「最成功」坦克。 discovery 攪左個歷史上最「佳」坦克推選, 而選出黎既最「成功」坦克唔係 吹得好行既 m1a2 唔係質量上乘既豹2a6 更加唔係大而無當既挑戰者, 亦未係二戰威風八面既 tiger 或閃電四仔; 班戰史家一致認為而係平凡得好緊耍既: T34。
相關搜索目錄: 引擎
